السلام عليكم ورحمة الله وبركاته

عوافي جميعا على النشاط واعذرونا على ندرة المشاركة وسبق وعلمناكم الاسباب

بخصوص المباراة امس فما شفتها ابتذكر اخر مباراة شفتها لليوفي ولا اذكر
سموني ولد اليوفي العاق :p

الكلام اللي اشوفه ان الشوط الثاني كان ممتع من اليوفي طقطقه ووصلو للمرمى اكثر من مرة
وهذا شي مفقود من ايام فيرارا مرورا بمكيفات الزامل
بس الدفاع مشكلة ولا يزال مشكلة

كلنا نتفق على النظريتين اللي قالهن ليبي وكابيللو

ليبي " اعطني هجوم قوي افوز في مباراة , اعطني دفاع قوي افوز في دوري "

كابيلو " الفوز على الفرق الصغيرة يعني الفوز بالاسكديتو "


السؤال / هل اليوفنتوس قادر على ان يحقق 70% من كل نظرية ؟
اتمنى ذلك ولا اتوقع

والاسباب متعددة واهمها ديل نيري , الى الان ما اثق فيه وكل ما احاول ارقع يمين ويسار يجيني كابوس مباراة الانتر والسامب العام الماضي

الحين ليبي فاضي , وكابيلو انضغط من الانجليز
ورا ما يسوي انيللي صفقة العمر ويجيب واحد منهم ؟

اليوفي ينقصه مدرب اذا دخل الفريق الثاني وشافوه جالس بالدكة تجيهم ام الركب

مو مدرب يبدل تبديلات زي وجهه


- - - -

عائلة التبن انيللي

ازعجونا العام يتغنون فيهم
تدرون ان جيوفاني انيللي مادفع من جيبه لليوفي الا صفقة ثلاثي الخمسينيات ( بونبرتي + تشارلز + سيفوري ) وغيره ما قد دفع <---- معلومة متاكد منها 80% تقريبا


عمركم سمعتو عن صفقة من جيبه للنادي والا من جيب احد الملاك بعده ؟
للاسف ما فيه دعم وانيللي هاللي طيرنا بالعجة طلع بالاخير مادفع الا 12 مليون والظاهر انها من ميزانية النادي

اللي خلاني اقول هالكلام , تقرير قريته قبل كم يوم عن شركة تتبع لهم ورفضت تدفع لليوفي مدري كم علشان كذا ميركاتو اليوفي كان محدود

يا اخي انت تمر الان بمرحلة استثنائية , ادفع شي زيادة علشان ترجع توازن الفريق
وبعدين عاد شف لك حل بقروشك يا خذها من ارباح النادي والا خلها هدية للنادي

مو هذا النادي اللي يحبونه ويتغنو فيه وعادات العائلة ومدري ايش

ليه ما يكب كم مليون بالميزانية ؟
ارباح فيراري اللي تعدي ملايين سنويا ليه ما ياخذون ملعقة منها ؟

صراحة هالعائلة محومه تسبدي من زمااااان
واذكر قلت حول هالكلام قبل فترة ولا اذكر متى والا كان اقتبسته

ياخي ادفع وجب لك اظهره زي الناس وقلب دفاع جبار ومهاجم عليه الكلام

للاسف كل هجوما رايح في خرايطها
والدفاع اثبت لنا امس انه صورة فقط

قال ماروتا ايش قال احب كل ماهو ايطالي
ياخي جب ايطاليين لكن زي الناس

كله كوم وسالفة الاظهره كوم , جب لك ظهير يسار من السويد والا بلجيكا والا النرويج والا فلندا , متأكد ان اظهرة اي فريق هناك احسن من دي شيلي وجرجيرا

الله يصبرنا وان شاء الله نشوف نتائج ايجابية مستقبلا

الكل يقبع تحت نظرية هالموسم راضين بالتاهل للابطال

ليه ياخي ؟ فريقك ما عنده مشاركة اوربية , سو غربلة شاملة وجب لعيبة ممتازين ويمديك تجيب الدوري زي اللوز بحكم ان المنافسين مشغولين بالابطال

هالحركة سواها بايرن ميونخ قبل كم موسم يوم ما تاهل للابطال
لكن شف من رئيس ميونخ الفخري = بيكنباور


هل يقارن ببونبرتي



ما يقارن ابدا , بونبرتي ما اذكر له اي شي حتى تصريح بالمواسم الاخيرة
بكينباور سفل في ريبري يوم يتغلى ويبي مدريد وقاله انقلع بقريح لو ما تحترم النادي وتدخل رئيس النادي وقال هذا رأي بيكنباور الشخصي وحنا نحترم ريبري وبيننا عقد



اللي على يمين جون الكان هالشقراء دايم اشوفها معه بالصور وياهي مقشع بعد
احلى ما بالصورة العسكري اللي بالزاوية عليه مزاج بعد ياخي رح بدل وتعال احضر بكل روقان

الله يصبرنا بس
والله يصبركم على ردي المحيوس