لا يهمونك يـآ آبو عزوز - سامي لست الافضل - غرائب بعض جماهير الهلال ( نقاط متفرقة ) . . !!
بسم الله الرحمن الرحيم   السلام عليكم ورحمة الله وبركاته اول مواضيعي في هذا الموقع الجبّار و الجبروت لله وحده لا شريك له . . !! لكي تكونون بالصورة كنت منب افتح مواضيع خير شر لا في هذا القسم و لاغيره لكن انتم جبرتوني ايه انتم فما يحدث من غرائب اجبرتني على كتابه هذا الموضوع البسيط المتواضع جـدآ . . !!  اعذروني على الكلام المختلط ما بين العامي و الفحصى لكن لم اجد ما يعبر الا هذا الكلام . . !!  اولا : الاحظ حملات ضد ياسر وان قلّت الان لكن ساذكرها بـآيه حـآل كيف تنتقدون ياسر وهو من حسم لك بطولات و مباريات حاسمه دعونا من الكلام الفارغ اللي لا يؤتي بشي كيف تطالبون بجلوس ياسر على دكة البدلاء و تطالبون بعيسى اسالكم باللذي رفع السماء بلا عمد خلونا نقارن بينهم شوي السرعه قاضين منها المراوغه اكيد ياسر سرعه البديهه اكيد للكاسر الفعاليه داخل وخارج منطقة ال 18 اكيد لـ آبـو عزوز فكيف تطالبون ان يكون عيسى بدلا له اقسم بالله العلي العظيم لست ضد عيسى بل انا معجب كثيرا به واعلم انه فنان داخل منطقة الجرائ لكن خارج المنطقة تتحول من 100% الى 40 % فقط اما ياسر فمن 100% الى 80 كحد ادنى . . !! يـاسر بنصف مستواهـ افضل من مهاجمين المملكه جميعا يكفي انه لولا الله ثم هو ما شم الوسط نص الاهداف اللي جابوها تقولون كيف اقولكم يفتح و يشغل المافعين معه انا لا انكر مجهود الوسط لكن احقاقا للحق . . !! لكن اذا لعب الهلال 4-4- 2 يكون ياسر وعيسى مجانيين . . !!  - - - - ثانيا : سامي وما ادراك ما سامي انا في بعض المباريات اتعجب من سامي ليش يدخل الملعب والا يناقش الحكم كما في مباراة الوحدة و النصر ( الـ 5  ) اتعجب منه لانه خلاص الحكم حسب الفاول والا الكرت يعني ليش تدخل المعلب وتعرّض نفسك للعقوبات لانك يا سامي تدري انه اللجنة و الحكّام لا حياة لمن تنادي . . !!   سامي ليس افضل ادراي سعودي فقط بل افضل ادراي عربي و اسيوي يكفي حماسه للاعبين كانه هو اللي يلعب هذي حقيقه لا ينكرها الجاهل لكن يعيب عليه دخوله في الملعب ادري راح تقولون فيه غش و ظلم لنا لكن والله لو يدخل اللي يدخل ما راح ينعاد القرار فـ ليه يعرّض نفسه للعقوبات من لجنة ( العدل  ) وربي انه افضل الادارايين اللي مرّوا في تاريخ السعوديه ولا يحتاج مني شهادة لكن نتمنى منه انه ينتبه لهذي النقطة المهمة جدا . . !! - - - - ثالثا : اقسم باللذي رفع السماء بلا عمد والجبال والاراضي ( سبحانه ) ان هناك نصراويين في المنتدى اذا لم يحرز ياسر هدف دخلوا و سبوا و شتموا و طالبوا بوضعه على الاحتياط واذا سجل او بس صنع ما تشم ريحتهم بالمنتدى اسبوع كامل . . !! لكن المشكلة الكبرى ان هناك هلاليين يعززون لهم يا غير متعمدين طبعا يا رجل خلك هلالي وفي كيف ترضى بالتجريح في ناديك ولاعبينه ادري تقولي عشان يستفيد لكن حنّآ ما قلنا لا تنقد ابد لكن انقد بحدود يـآ رجّـال . . !! طبعا انا ليس قصدي التجريح فمن انا لكي انقص من حق فلان او علاّن لكن لكي يعلم انه هنالك منافسين لنا يتمنون يجبون علينا الزلّة عشان ما يقولون شوفوا هالجماهير يسبون ناديهم ( اقسم بالله ما اقصد احد بعينه لكن للتنبيه ) . . !!  وتراهم يسجلون باسماء اذا شفتها قلت شكله ذي مجنون الهلال مثل مجنّن الفقر ( اقسم بالله العظيم ان ما ادري كان فيه مثل هالنك لكن عشان تكونون بالصورة ) - - - - رابعا : نادي الهلال عندما يكون للزعامة عنوان / 1 / اقسم بالله العظيم ان عمي من مطاوعت عائلتنا و شيخ لكن من اكبر المتعصبين الهلاليين . . !! 2 / احد الاقارب لي ناقص العقل قليلا لكن مجنون الازرق والدليل على ذلك ولد عمتي قايل ان هزازي افضل من ياسر ومار يقوم ياطى بحوض بطنه . . !!  3 / ابن عمتي عمره 5 سنوات يعرف جميع لاعبي الهلال كاملين وبالالقاب بعد والرئيس وبعض اعضاء الشرف و الادرايين . . !! انا لم اقل لكم هذا الـ 3 فقرات لكي احوز على اعجابكم او تصفيقـكم لكن لكي ابيّن لكم مدى جماهريه الزعيم . . !! ومـآ خفي آعظم ( اقصد يعني يمكن فيه مشجعين افضل من النماذج اللي عطيتكم ) - - - - خامسـآ : حسن العتيبي و ما ادراك ما حسن يعتبر من اكبر مخاوفي في الفريق خصوصا في طلعاته الغريبه او مثل حقت الوحدة اللي دخلت بين رجليه و مار يجي هوساوي يخلصها ادري ان حسن اذا صار بيومه يكون حارس خطير جدا لكن لعض الاحيان يخربها باخطاء بسيطه جدا والله العظيم ما احطمه اصلا مو من صالحي اقول هالكلام لكن نقول نصيحة محب له لكن نتمنى انه يكون من بربع مستوى الدعيع لان مهما وصل من الابداع لن يصل الى جزء بسيط من الدعيع ولن يخرج حارس بمواضفات الدعيع الى ان ياتينا الاجل . . !! - - - - سادسا : جماهير الزعيم ما تحتاجون عضو بسيط مثلي عشان تلبون النداء ادري فيكم من اوفى الجماهير لكن تنبية محب لكم يا عشّاق الزعيم . . !! وفي الاخير عذرا على الاطالة لكن تنبيهات بسيطة مني اانا العضو البسيط لهذا الكيان العظيم والعظمة لله وحدة . . !! ( ان اصبت فمن الله وان اخطات فمن نفسي والشيطان ) اتمنى ان نبتعد عن المشادات فالاختلاف لايفسد للود قضية  سبحانك اللهم وبحمدك ، أشهد أن لا إله إلا أنت أستغفرك وأتوب إليك
اخر تعديل كان بواسطة » kaka albadir في يوم » 12/09/2010 عند الساعة » 07:15 AM | 