ابدااااع يا توتي .. والله ابـــــداع

وصراحة .. جميل جدا انك تذكرنا بالفيلم الرهيب The Godfather .. ومقارنه جميله

هذا على طريقة الطرح

اما الموضوع فأنا معاك انه روما ولاعبيه مش مدللين من الاعلام زي لاعبي ( ثلاثي الشر ) .. بس كمان لا تتوقع ابدا انه مدراء الفرق بيحاولون مساعدة روما بالوقت السيء هذا .. الكل يدوّر على مصلحته .. وهذا ابدا ما اقدر اقول عليه خبث .. هذا تصرف سليم من اي مسؤول يفكر بمصلحة ناديه

يعني مافي اي استغراب .. لما نسمع موجي او جالياني او مدربي اليوفي وميلان .. ينصحون كاسانو بالانتقال لهم ( واظن انه مسؤولي الانتر ما تكلمو لانهم ماهم بحاجة اللاعب .. ولا كان فيه كلام ثاني )

وبعدين ياخي شوف الحملة الغير طبيعية على فييري من الصحافة مافي احد ما اتكلم عليه .. ودخلو عمره بالسالفه .. اونه اصبح لاعب مفلس .. والمشكلة انه دلبييرو له اكثر من سنتيين ما رجع لمستواه الطبيعي اول ما طلع .. وما نشوف هذي الحملة عليه

وبالوقت هذا .. اليوفي وحتى ميلان العامر بلاعبي الهجوم و معاهم ( روما ) .. كانو كلهم يطلبون ود اللاعب واستغلال العلاقة السيئة بينه وبين ناديه

انا احاول ابيّنلك انه السالفه ممكن تكون طبيعية .. وتحصل بأي نادي بأيطاليا

تحيـــاـتي عزيزي ,,