إقتباس الرسالة الأصلية كتبت بواسطة طفلة خانها التعبير ..صباحكـ مسكـ كروحكـ.. كل عام وانتي بخير والله يعيده علينا وعليكمـ وعلى الامهـ الاسلاميهـ موضوع في الصميمـ وكأنكـ إبوي يحرص ان نقضي للعيد قبل بشهر.. وابدا مو مقتنع ان فيه موديلات تنزل قبل العيد بكم يوم.. وفعلا ترى الحريم مغفلات البضاعهـ هي هي ماتتغير.. بااعتراف اصحاب المحلات بانفسهم اللي تتغير الاسعار يعني اللي قبل العيدبشهر ب 250 قبل العيد بكم يوم ب 400 والحرمه بتضطر تشتري.. ((اذكر وحده مره كانت تصارخ على راعي محل كانت ماخذه تنوره ب 300 وبعد اسبوع من العيد صار سعرها 30 مع التنزيلات وهي تصارخ على راعي المحل تقوله ياترجعون سعرها 300 ياارجع لكم التنوره ليه انا اخذها ب300 وتجي وحده بارده مبرده تلبسها ب30 قال لها والله ماكنتي مجبوره تشتريها)) ((واحنا نقول القانون لايحمل مغفلين)) الحمدلله مانتسوق برمضان الا يوم واحد اذا رحنا للمشغل لانه بوسط السوق.. وعلى طاري العصر فعلا ائيدكـ حتى البياعين هم اللي ينادونكـ على بضاعتهم لكن بالليل لو بتكاسريه على السعر يطردكـ من الزحمهـ,, وغير السرقات وزحمة الطرارات وبالحجازي ((الشحاتات)) ياكثرهم بالسوق بهالاوقات.. موضوع رايق للمقضين للعيد من بدري امثالنا انا وانتي وهلاليه وايطاليه ربي يسعدكـ ويعيده عليكـ باعمار مديدهـ وسنين عديدهـ

هلا وغلا بطفله ..
ومساك يارب.. وانتي بخير
,,,,
امين
,,,,
يعني افهم من كلامك ان ابوك هو اللي يخليكم تقضو من بدري صوح
ولو جات عليكم لين يوم 29 وانتو بالسوق

اتكلم لكن مين يسمع ..
محد مصدق كل من جا يقول موديلات وموضه

إقتباس ((اذكر وحده مره كانت تصارخ على راعي محل كانت ماخذه تنوره ب 300 وبعد اسبوع من العيد صار سعرها 30 مع التنزيلات وهي تصارخ على راعي المحل تقوله ياترجعون سعرها 300 ياارجع لكم التنوره ليه انا اخذها ب300 وتجي وحده بارده مبرده تلبسها ب30 قال لها والله ماكنتي مجبوره تشتريها))

تستاهل <<
كووووول المحلااااات بعد العيد مباااشرة تعمل تخفيضات ..

إقتباس وتجي وحده بارده مبرده تلبسها ب30

محد قالك اشتريها ؟؟!! حلوه ذي
جواابه ينرفز
فعلا صح كلامك القانون لايحمي المغفلين..
وعلى هرجة السرقات..
امس خالتي تحكينا ان وحده من صاحباتها انسرقت عليها 7000 ريال بدون ماتحس ..

تسلميين ياقلبي يارايقه انتي ..يازين الرواق بس <<ماتطالع احد..