قبل اي شيء يامجيد

إقتباس الرسالة الأصلية كتبت بواسطة LIVER 4 EVER قلنا تكرمون ومب من عادتي اغلط على اللي يناقشن حتى وان كان من جنبه ... وشلون اللي زيك لاتدخل بالموضوع الحزازيه .. ورابطتنا عنوانه الاخوه فوق كل شيء .. تبقى اخ ويبقى الميول ميول

يعلم الله ان كان في الموضوع حزازيه او بيسبب مشكله لي او لك انسحب منه على طول ! .. لانه قبل كل شيء انت اخ وعلى عيني وراسي .. ويلعن ابو مدريد على مورينهو اذا بيسبب زعل بيني وبينك .. ويلعن ابو برشلونه كمان ..

بس تعرف احب اتناقش معك ..
ولا وش رايك نفتح رابطه لمورينهو انا وانت عشان نتهاوش فيها ونسحب على العيال هنا ..
ترا جاايبلك كميه مزز تخليك تحب مورينهو للنخاع خخخ ..

نرجع للنقاش ! ..

إقتباس الرسالة الأصلية كتبت بواسطة LIVER 4 EVER نفس الفكره انا ماأبي اوصل لشيء , وكرهي للموري ماله علاقه باللي كتبته ولو على كلامك انا اجحد الحقائق ماقلت عنه مدرب ذكي >> لاني جاحد حسب منطقك

مسوي طيب يوم تقول ان مورينهو ذكي خخ .. اعطيته شيء وجحدته بالباقي خخ .. صحيح انك احسن من الي بيجحده بكل شيء بس انك جحدته بالباقي ..

انت زي الي يقول مثلا عن ميسي لاعب مهاري بس .. صحيح جبت له ميزه بس جحدته بالباقي ..
وين الهداف وين الموهبه وين المعجزه خخ ! .. بقولك مهاري بس يعني زيه زي الزيلعي خخخ ..

اتمنى انها وصلت جحدتك لمورينهو خخ

إقتباس الرسالة الأصلية كتبت بواسطة LIVER 4 EVER صلخوا مانشيني عقب ويش ؟؟ عقب ماحققوا الدوري مرتين طالبوا بالتشامبينز .. ماقدر لانه ماعنده لاعبين جاء رفيزك وعجز بالموسم الاول وطلع وصرح الانتر بهالاسماء ماراح يحقق تشامبينز . مقصد كلامي الاول { اهم صفقات الانتر ماجت من انتقائات مورينهو .. قد ماجت تصفيه من انديتهم } لوشيو فسخ عقده مع البايرن .... ويسلي يقول ابي ابقى بالريال والريال يقولون مانبيك ؟؟ .... ايتو بيع بثمن بخس من العنصري غوارديولا !!..... اعتقد هالاسماء هي اهم ركائز الفريق بالاضافه الى ميليتو ومايكون وخوليو سيزر عشان كذا قلتلك اللي جابه اللاعبين او الصفقات اللي تمت مهب خويك , ولو على خويك وصفقاته كان على خواريزما ومانسيني وانت جاي { مهب تعصب انا احكي واقع هو سواه }

اولا مانشيني كان تلبى له طلباته للمعلوميه ! ..
ثاني شيء مااينحسب لمورينهو انه كان بجيح وصريح مع الاداره وقال لهم تراكم سيئين وبهذا الفريق مااتقدر تحقق الابطال ؟! .. مااتنحسب له نظرته ؟ .. مااتنحسب له صراحته الي اادت انه يحقق الانتر ثلاثيه وبطوله حجز عنها فوق ال 40 سنه يحققها مورينهو في السنه الثانيه ؟! ..
ليه بدال مااتكون تنحسب عليه الا تنسحب له ؟! ..

هذا اولا ! .. ثاني ارجع واقول الصفقات زي مااتعرف سواء في ايطالي او اسباني تكون من مدير الكره والمدرب هو الي يطلب المركز ! .. ثاني شيء حتى ولو كان طلبه كواريزما وماانسيني ( مع انهم كانوا مبدعين مع انديتهم طبعا ) وفشلوا ؟! .. خلاص يصير مورينهو فاشل بنظرك ! ..
طيب ليه مااتحرق وتنتقد غوارديولا على بيعه لا ايتو احد نجوم الفريق وجلبه لاابرا مثلا ؟! .. مهو فشل ؟! .. يعني خلاص غوارديولا فاشل ؟! ..

هذي ثانيا! ..ثالث شيء موضوع ان الاعبين كانوا تصفيه من الانديه حقهم ! ..
ارجع واقول دايم انت تنظر للجزئ المظلم والسيء ولا تنظر للجزء المشرق والجميل ! .. تخيل من لاعبين ( اتكلم عن اكثر اثنين اثروا في الانتر ) كانوا سيئين في انديتهم ( شنايدر ) او لاعب كان شبه منتهي ( مثل لوسيو في البايرن ) .. مااينحسب لمورينهو انه استخرج منهم طااقات كبيره ورجعهم للقمه ثاني ! .. وخل السيء يصير المرشح الاولى للافضليه العالميه وخلى شبه المنتهي يرجع لأيام عزه ! .. اتوقع انها نقطه تنحسب لمورينهو ! ..

يارجل عشان لا تقول مثلا لوسيو نجم ومعروف ! .. عندك في سامويل الارجنتيني ! .. لو تسأل اي انتراوي وتقووله قبل موسم الثلاثيه ان سامويل بيكون احد نجوم الفريق بيفك كااي ويقعد يضحك الين يكح خخ ! .. ومع كذا مورينهو رجعه لعزه ! ..

زبده الهرجه انك ليه تنظر للصفقات الي مااتوفق فيها مورينهو على انه من اختياره وانه خلاص فاشل فيها .. وان الصفقات الي نفعت الفريق ( مع انه ارجع واققول ان مورينهو دايم في السنه الثانيه يعرف اخطائ فريقه يعني اكيد مااجابهم ولا رضى بهم عبث ) ابد مهي من شغل مورينهو او طلبه الا صدقات يحمد ربه عليها ! ..

مهو منطق ابد ياامجيد ! .. وحتى لو كان كلامك فيه شيء من الصحه ابد مااينقص منه كمدرب حقق انجاز للأنتر ماايحلم به ! ..

إقتباس الرسالة الأصلية كتبت بواسطة LIVER 4 EVER انا ماراح اقولك رائيي تبي تعتبره تعصب بالله انت مقتنع بمستوى مدريد ؟؟

مقتنع ؟! .. اكيد لا ..
لكن احكم على الفريق من اول مباره مع مشروع جديد وفكر جديد يمكن يستمر ل4 سنوات ؟! .. اكيد مااني بمجنون عشان احكم عليه ! ..

انت مشكلتك انك ماتعرف وضع مدريد كويس او حتى ماايهمك لانك تتنتمي للفريق الثاني الي قااضي ومخلص ومنسجم ومنتهي من الاشياء ذي من سنين ! ..

مدريد تقريبا من 2003 مااستمر معه مدرب فوق السنتين ! .. مااستمر على فكر ابد لسنتين متتاليتين ! ..
تقريبا من موسم 2003 مر عليه كيروش كماتشو ثم مدرب ناسي اسمه خخ ثم مدرب برازيلي لوكسانبورغ ثم مدرب من الشباب ثم كابيلو ثم شوستر ثم خواندي ثم بيلي ثم مورينهو ! .. تقريبا 10 مدربين من افكار مختلفه وطرق مختلفه في 7 سنوات !!!!!!! .. وش ترجي من فريق بيكون بالوضعيه ذي وهو مشتت بين الافكار وتحديد الهوايات والاحتياجات المختلفه ! .. ولا تنسى انه عندك صحافه تصلخ وتحرق على اقل الاشياء وتبي كل شيء ! ..

زبده الي ابي اوصله انه اي مدريدي عاقل ( المشكله ان اغلب الصحف المدريديه عكس كذا ) مستحيل يطلب من مورينهو اي شيء في الموسم الاول ! .. غير فقط الاستقرار وترسيخ فكره ومعرفه احتياجات فريقك ! ..

انا ماانتظر ابد من مورينهو انه هب في يوم وليله مكون لي فريق ولا هب الا جايب لي بطوله ولا هب الا هو معدي دور ال 16 وكاشخ في ويمبلي ! .. ابد ماابي الشيء ذا كل الي ابيه استقرار ! ..

عشان كذا وحتى مورينهو يقول اعطوني فرصتي ولا تنتظرون شيء مني في الموسم الاول وخاصه في الجولات الاولى ! ..

عشان كذا عطوا سداح فرصه .. < طبعا الكلام ذا لجانبك المضيء وليس المظلم خخخ ..

وترا للمعلوميه ! .. كنت متوقع التعثر في البدايه .. صحيح اني طرطعت من هيغواين وباقي مطرطع منه بس كنت متوقع ! ..

إقتباس الرسالة الأصلية كتبت بواسطة LIVER 4 EVER فالنسيا مهاريا افضل من الريال ,, الاتلتكو مايقل عنهم مهاره ,,اشبيليا ماعتقد ان عندك شك بامكانياتهم فرق الليجا مشكلته بعيده عن الاضواء لكنه بالميان وحش المشكله الريال والبارشا مالهم منافس بالعالم ... ماهو مشكله مقتصره بالانديه الاسبانيه

لا تخليني اقطعها معك .. فالنسيا مهاريا افضل من الريال ؟!! خخ .. ياارجل فالنسيا مع فيا وسيلفا ماكان مهاريا افضل من الريال تبيه الان خخ ..

تبي تعريف لفرق الليغا : هي فرق تبدع في موسم ثم تطفي 5 .. وكل موسم يطلعلك فريق والفريق الي كان قبله تلاقيه ياكلها .. واذا قابل فريق مهاريا افضل منه يخورها
وعاد رح شوف برشلونه لا لعب معهم .. ولا لا تروح بعيد رح شوف الاتلتيكو ولا فالنسيا كيف يخوورها قدام الريال رايح جاي خخ ..
هذي فرق الليغا ..

إقتباس الرسالة الأصلية كتبت بواسطة LIVER 4 EVER قصدي تتناسون اللي تجرعتوه ... وتخلطونه بقطرات العسل اللي سقطت عليكم

برضو ماافهمت خخخخ ..
بس لو تبي الناس مااتنسى الي تجرعته كان مااشفنا برشلونه في الوضع الي نشوفه الان لانه اكثر فريق كان ياكل على راسه .. بس تنااسا ومضى للأمام وصار تب ! ..

إقتباس الرسالة الأصلية كتبت بواسطة LIVER 4 EVER الاشكاليه انك جايب لاعبين ودافع ملايين وتقارن نفسك بمايوركا وانك تظهر وماتظهر امامه بمستوى ؟؟؟؟ انا اكلمك مدربك عبقري والافضل بالعالم ولاعبينك من اطلق دول العالم ؟؟؟ تتعادل مع مايوركا بمستوى زي اللي ظهر فيه الريال .... افهم اللي بين السطور مب كل شيء يكتب

بالضبط هذا هو الفكر الي ذبح مدريد من مشجعينه ! .. ومااخذينه مشجعين الانديه الثانيه شماته ..
مادروا ان الكوره مهي زي الماستر ليق ولا المانجر مود الي في الفيفا خخ و جمع الاعبين وهب الا فريقك ينافس وياخذ الدوري من اول موسم ! ..

الكره الحديثه لو تجمع افضل لاعبين العالم في فريق واحد وهم لسه ماارسخوا على فكر ولا انسجموا !؟! .. لو تجيب لهم الاتحاد < وجه يطالع انس خخ .. يفوز عليهم مهو يتعادل بس خخ ! ..

وبعدين ارجع واقولك شف المباره .. وحاول قدر الامكان انك مااتقيس بعين تشوف البرسا مع الراسينغ وعين تشوف مدريد مع مايوركا ! ..

تبي تنتقد مورينهو وتنتقد مدريد انتقاد عاقل ! .. عطهم وقتهم وانتظر تجانسهم ! .. بعدها اصلخ زي مااتبي ويكون لك حق تصلخ ومايكون لهم حق يعتذرون ! ..

عموما سعدت بالنقاش معك .. وعرضي قائم حق الرابطه والمزز خخ

وبالنسبه لاخوي محمد العنزي 9 ..
اولا اكيد اكيد بعد الخروج الناس بتكون غاضبه عليه ! .. يارجل الان ناس في مدريد بعد التعادل مع مايوركا مشككين في مورينهو هههههههههههههههه! .. ماجات على الخروج من دور ال 16 ! ..

بس مدام عقالهم والناس الفاهمه جلسوه يعني وثقوا فيه ! ..وماعليك من الناس الفارغه والناس العاطفيه الي تقلب ارائها بين يوم وليله ! .. وودي احلف يمين ان الناس الي كانت تبي خروجه الان يتباكون عليه ويااكثرهم يوم بينيتز خسر السوبر خخ ..

عموما ياامجيد او محمد الي قاعد يدق بالكلام خخخ .. اتمنى اان الموضوع يتقفل < ياكثر مااتقفل وانفتح خخ ..
احس ان ابوليلي غلط غلطه عمره يوم فتح لنا المجال خخ ! .. بس عشان لا نكون بجيحين مره يااريت نقفله خخ ..
لانه بغير مكانه ! .. وماابيفيد شيء ولا بنوصل لشيء لا انا ولا انت يامجيد .. هي صحيح فكرتك خاايسه وفكرتي بطله خخخخ .. بس كل واحد بيتمسك بفكرته وبيميل لميوله ! ..

تحيتي لك ..