إقتباس الرسالة الأصلية كتبت بواسطة XII_Fahad_IIX السلام عليكم كل مره نقول بكره نصير احسن وكل مره اوهم نفسي اني ببدع في التحدي القادم وان اليوم ما كنت في مستواي لكن اكتشفت ان هذا مستواي في سيرتش ولا راح يتعدل المستوى ولا راح يكون افضل من كذا للأسف ما عمري صرت الاول في اي تحدي طول عمري احسب ان نظام القيمات زي بعض لكن فرق بين سيرتش وديمو لعبت على نفسي وعليكم يوم قلت اني بصير معكم حتى في بعض الاحيان ان لم تكن اغلبه اصير عاله على الفريق معقوله قيمين في بطولة ما اقتل احد واخرتها اسيست واحد بس ما ادري وش الوضع يا جماعه من اعرف اننا نلعب تحدي .. ارتبش واختبص ولا عاد اعرف العب على كل حتى مالي وجه اعتذر منك يا محمد خسرتك قيمين في بطوله انت كنت تتمنى انك توصل ادوارها النهائيه خسرتك اياها بـ رعونه غريبه ... خصوصا اخر قيمين اسف اني خذلتكم اسف لكل اللي حطوا ثقتهم فيني غرهم المستوى اللي يشوفونه في ديموليشن ما ادري وش اقول ووش اخلي لكن ما اقدر استمر معكم ما ارضاها لكم اولا ... ولا ارضاها لنفسي ثانيا مع انكم ثاني كلان انضم له لكن يعلم الله انكم زي اخواني واكثر ما راح انضم لأي كلان ثاني بعدكم ممكن ابقى معكم كـ هوست خارجي لو حبيتوا واذا اصريتوا اني العب فـ خلوني اخر الحلول بالنسبه لكم ... يعني احتياط الاحتياط تمنياتي لكم بالتوفيق في تحدياتكم القادمه وراح اكون متابع لكم اولا بـ أول I can`t move forward with this clan

وعليكم السلام

انت لا يغرك البطولة اللي حنا داخلينها

خسرنا اول مباراتين

الاولى 4-0

والثانية 4-1

بس بالله ما عندنا اعذار على انفسنا ؟

ياخي .. الوقت غلط رمضان و العشر الاواخر !!!

اليوم لعبنا الساعة 11 وشوي

اول ماب كنت رايق ومرتاح فزنا فيه

المابات اللي بعدها بدو يصلون القيام

يعني الاهل اربشوني ما قدرت اركز .. وانتم حسيتوا بالشيء هذا فيني

وبعدين يا فهد .. البطولة كلها تشكيلاتها ميب منسجمة !!

موب كاملين حنا .. موب الفريق المتفاهم

امبرآ .. اباتاتي .. سورد و كودا ما دخلوا اليوم

مافيا طلع من اللاق

كل الكلان فيهم الخير والله

لكن انا ذكرت الاسامي عشان نعرف الانسجام اللي حاصل

اتزكروم رجع الحمد لله ..

الناس منشغلة برمضان بشكل صعب

من الحين انا اقفل باب التحديات

الى بعد رمضان

الايام هذي ايام خير .. والواحد يبي يصلي

ما يبي يلتزم بأوقات و مواعيد

لنا رجعة بعد العيد اقوى ان شاء الله

الحين نتفرغ لرمضان .. وبعدها نتفرغ للكلان صح

البطولة ما همتنا انسوها راحت بخيرها و شرها

التحديات ( مغلقة )