السلام عليكم ورحمة الله وبركآته .. جمهور الهلال .. جمهور الزعيم .. جمهور نادي القرن .. جمهور زعيم اسيا .. جمهور وجمهور وجمهور .. لو اقعد وصف هالجمهور من اليوم لـ مباراة الغرافه ماراح اوفيه حقه ؟ تدرون ليش ؟ لانه هو سبب البطولات بعد توفيق الله

طبعا احنا هنا مشتتين لان مليون الف موضوع ينفتح اللي للرابطه واللي للاهازيج وللي للاستعداد .. ف اتمنى هالموضوع يصير كل شيء فيه ولانفتح موضوع يدمج هنا

جمهور الزعيم ؟ تبون آسيا صح ؟ اجل لازم تحضر ومهوب بس تحضر تحضر وتشجع وتأزر لين اخر دقيقه هلالنا اسعدنا كثير وجا الوقت اللي لازم نسعده ونوقف معاه ونوقف مع ابو فيصل اللي دفع الملايين عشان يخلي هلالنا عالمي هلالنا الصحف الخارجية اللي تكتب عنه هلالنا اللي كل اجانبنا يحسدونا عليهم الانديه الثانيه و كل هذا يعود لابو فيصل الله يطول بعمره .. نبي نرد له الدين

هنا نبي اقتراحاتكم من اهازيج من حركات اوربيه من كل شيء نبي اسيا كلها تحكي عن جمهور نادي القرن ,, للي ب يجي نبي تسجيل حضور نبي وعدك انك تروح تشجع وتآزر مهوب بس تروح تحضر

رابطتنا باذن الله بتكون حاضره و بيكون الاستاد يغرق بالمووج الازرق و بتكون رابطتنا على موعدها

اعضاء شرفنا تكفون يا اعضاء الشرف نبي نتحرك من الحين نبي استعداد ماقد جاء نبي باصات من جميع الدول من جده من المدينه من القصيم من الطايف من مكه من الشرقيه طبعا نبيها زرقاء نبي الاستاد ازرق ف ازرق تخيلوا بس المنظر ؟ ولا احد لابس ابيض ويصير كله اززززززززززززززرق تتوقعون لاعبينا لادخلوا وشافوا هالمنظر يبون يسوون ويرضون كل هالامه اللي حاضره باذن الله

اول شيء واول اقتراح ببداه انا نبي نردد كل اسامي لاعبيننا يوم يدخلون يسخنون من الحارس الى الهجون ولاتقولون صعبه تخيل انت بمكان و تقريبا 50 الف او 70 الف يرددون اسمك ! وش بيكون موقفك ! مو تبي تسويلهم كل شيء وبيكون عندك روووووح معنويه عاليه ! هذا اللي بنسويه لنجوم نادي القرن .. نبي نردد لكل اسامي اللعيبه وبدون استثناء من اجانب ومحليين ولا انسى المجهود الكبير للسيد ايريك و مانبيه بس يدون الاستاد مره مثل مباراة بونيودكور ب يدور 7 مرات من كثر ماهو باذن الله ب ينسبط لارددوا الجمهور اسمه .. ..

وباذن الله عندي كذا فكره ولي رجعه ويالله ياجمهورنا

6 العيد بتغرق الرياض