خساره في بداية الدوري وخارج الارض يعني متوقعه قياسا بكل الاندية
واقصد الانتر مثلا في الموسمين الماضيين تعادل في افتتاح الدوري
كذلك روما على ارضه ونفس المدرب وتشكيلة العام ومع فريق صاعد بعد عشرين سنه وتعادل
اضافة الى انه هناك اسباب لهذي الهزيمة
الاول:تشكيلة المدرب منزل كراسيتش وماركيزيو وكولا
المفروض لاعب بنفس التشكيلة ضد شتورم الشوط الثاني
الثاني:الانسجام بين اللاعبين في كل مركز مثلا في الدفاع مافيه انسجام نهائيا بين بنوتشي وموتا
واكثر من كورة تسقط بينهم او تمرروانفراد غزال دليل
الصراحه موتا يترك خلفه فراغ في الدفاع ولايغطي داخل المنطقة ابدا ويترك الجناح يرفع مرتاح
ديشيلي لاتعليق
حتى المحاور مافيه تفاهم بين ماركي وميلو وبينهم وبين الدفاع مافيه ضغط وتغطيه من المحاور على صناع الخصم والكورة تنقل مرتاحه ولا يتقدمون للامام كوره وحدة تقدم ميلو وكاد يسجل هدف
حتى الاظهره مافيه مسانده للجناحين ولا فيه تفاهم والهجوم مو عارف يتحرك
السبب الثالث: اللاعبين اللي ماملين عليهم ضايعين ماركيزيو مايدري وش يبي لامغطي ولامهاجم ولايسدد والهدف يتحمله 100%
ودلبيرو قلناه من اول مايعطي مبارتين كاملات بنفس المستوى لكي اوضح الصوره >>نفس الددسن 85 اذا بدت تسرع وتفحط بالثالث السنه هذي تراه الجايه تبي تخبط (قاعده معروفه وقسها على المللك)
لكن العشم ان الدوري يبي ياقف اسبوعيين لعل الانسجام يكون احسن والمدرب ينتيه لاخطاه
والله يكتب اللي فيه الخير
