كانت الامور تسير بشكل جيد وجميل مع بداية الموسم الرياضي للفريق الهلالي واقصد من الناحية الادارية وليس النتائج وجميع الامور تسير بشكل انضباطي متميز الى ان اعلن مدرب الفريق القائمة المشاركة لمباراة الفريق مع فريق الرياض وعدم وجود اللاعب عبدالله الشريدة في القائمة والذي يبدو انه زعل حيل من الجراءه من المدرب في اخراجه من التشكيله و رد ابو مبارك على المدرب انه سحب على سحب على تمرين الفريق ليوم الخميس والجمعه .
طبعا الى الان الامور طبيعية وما فيها شي لاعب غاب وخير يا طير طلع لنا منصور الاحمد كالعادة في الصحف وقال ان غياب الشريده بدون عذر وتكهرب ابو مبارك ورد في احد الصحف ان غيابه بعذر وانه استاذن من منصور الاحمد رجع منصور الاحمد واكد في اليوم اللي بعده للصحفيين انه يحترم تاريخ عبدالله الشريده مع الهلال وانه لاعب كبير لكن غيابه عبدالله بدون عذر وانه عند تطبيق النظام لا يوجد كبير او صغير بل هم سواسيه(وهذا عدل ما يزعل احد )
اللي صار انه يبدو ان عبدالله الشريده ما توقع هذا الرد التاكيدي من منصور الاحمد على مسالة غيابه وراح يسنجد ببعض الصحفيين وهذا ما خرجت به جريدة الرياض بمقال بقلم (مجهول الهوية) اليوم الاثنين في انتقاد مباشر لمنصور الاحمد وانه هناك حاجه للتغيير بتبريرات وعبارات مصفوفه صف اي كلام يهاجم فيها منصور الاحمد ويطالب بتسريحه واستبداله بالاستاذعادل البطي.
تخيلو يا اخوان هذه المشكله هي نفس سيناريو بداية مشكلة فهد المصيبيح مع الصحافة بعد ما ابعد السيد ارثر جورج الشريده من مباراة الفريق مع فريق اوزبكي او كزخستاني حرك ابو شريدة علاقاته لصحفيه واتهم ان لمصيبيح يحاربه وبعد ذلك تحولت الصحافة الى حرب ضروس ضد المصيبيح(هذا مهوب موضوعنا على كل حال)

اذا احنا امام قضيتين اداريتين (المصيبيح سابقا و الاحمد حالياُ) المتسبب فيها واحد وهو عبدالله الشريده وللاسف يشاركه فيها بعض اقول بعض الصحفيين الهلاليين للاسف.

علووووم

+ الاخ كاتب المقال( مجهول الهوية) انا اعرفك شخصيا بس ما ودي اذكر اسمك لكن نصيحة وانا اخوك (ترا الله يمهل ولا يهمل) والظلم ظلمات. تراك رجال (خمسيني) ويالله حسن الختام.

+واحد يقول ان الشريده له عشر سنوات مع الفريق ما صارات له ولا مشكلة وانا اقول نسينا مشكلته قبل ثلاث شهور مع البطي يوم رفض يسافر لبيروت وما نسينا مشكلته مع ماتورنا ومشكلته مع ارثر جورج و مشكته ....

+ الشريدة ما احد يختلف انه لعب خدم الهلال وحقق معاه كثير من البطولات .

+ لكن ماهوب مسموح للشريدة او غيرة انه يختلق مشكله سواء مع المدرب او الاداري كل ما طلعه المدرب برا التشكيله ويروح يسنجد بالصحفيين وخير دليل اللي يطالع الصحف هاليومين يعرف اللي صاير .

+ الشريده عليه من الاخطاء الفنية الكثير بس بسبب علاقاته المتميزة مع الصحفييين هداهم الله اللي يجاملونه على حساب الهلال.

+ والله لو لاعب غير الشريده اخطاء ذيك الاخطاء الفضيحة اللي في مبارة الزمالك كان وضعت له المشانق بس لانه اللاعب المدعوم صحفيا سُكت على تلك الاخطاء ومرت مرور الكرام.

+ واحد له علاقة بعادل البطي اتصل عليه وساله عن صحة المكتوب اللي في جريدة الرياض اليوم وانه بيرجع لادارة الكرة ورد البطي انه ما عنده خبر باللي مكتوب ولاحد كلمة عن رجعته للفريق.

+ يعني الاخ كاتب المقال (مجهول الهوية) مفبرك عيني عينك على البطي لشي في نفسه والشاطر يفهم ؟؟.

+ ارجو انه ما حد يجي يقول ان هذا بيسبب حززيات والفريق يحتاج وقفه الجميع وقفلو الموضوع اقول لمثل هؤلاء لازم الحقيقة تبان وريح نفسك ولا ترد ولو كان الموضوع للاعب (سين) كان لقيت الكل يسب ويشتم لكن ابو مبارك تطلع مصلحة الهلال.

+ ما اقول الا على نياتكم ترزقون