ألف مبروك الفوز ، و ثلاث نقاط حلوة في بداية الموسم ، تعطي الفريق الثقة و إن شاء الله تكون بداية خير لاستمرار النتائج الإيجابية ...
الفريق بدأ حلو ، و ماسك الكورة مو كعادته طبعا ، لأن الموسم الماضي نشوف كثير من المباريات اللي يلعبها خارج أرضه في البداية تحس الفريق خايف و مو متجرئ يهاجم ، لكن هالمرة الفريق بدأ بقوة من البداية ، لكن للأسف تراجع اشوي اشوي ، و بدأ ملقا يدخل بالمباراة و يصير أفضل منا ، و قدر يسجل التعادل ...
بدأ الشوط الثاني ، و ما زال ملقا أخطر ، و كاد يسجل ، لكن كالعادة إبداع الشايب سيزار أنقذ الموقف و لله الحمد ...
سجل خواكين الهدف الثاني ، و كان هدف حلو ، مع إن مدافعين ملقا يضحكون ، و تاركين المجال لخواكين بدون أي ضغط ، لكن بعد يبقى الهدف حلو ...
الهدف الثالث حسسني إن الفريق يلعب كرة جماعية ، و الهدف بصراحة كان الأروع في المباراة ...
الدفاع للأسف مو بذاك الإقناع ، شفنا فرص خطيرة لملقا ، كان المفروض ما تجي ، و طبعا ألبيلدا سبب ، لكن بشكل عام الخط الخلفي صارت عليه هفوات كانت ممكن تكلفنا النقاط ، و إن شاء الله تكون بس هالمباراة ، و ينسجم الخط الخلفي بشكل أفضل ، و نشوف دفاعنا أقوى ...
بالتوفيق للخفافيش ...
