هلا محترف

فيه شطر من بيت لحامد زيد اعجبني حيل ومعناه ان النار ما تشب الا اذا جاها هواء

فيه نظرية في علم نفس تؤكد ان "الاسقاط" حيلة نفسية دفاعية لا شعورية.
مثال(1) : مو بس انا اللي راسب في مادة الرياضيات.. كل الصف راسب.
مثال(2) : موبس الشباب اللي يغازلون .. ترى حتى البنات يغازلون!!!

ياريت تقولون لنا عن طرق البنات "الخطيرة" في المغازلة "اذا كان فيه"!!
يعني ماادري هل البنت بتقول للولد هاك رقمي؟؟
او اذا مادقيت علي ترى بشوه سمعتك بالمنتدى!!
او ترى انا بفضحك عند اهلك!!
هل الرجل ضعيف لهذه الدرجة بحيث انه ما يقدر يقول للبنت "ذلفي يالصايعه"؟؟
مايقدر يقول انا اخاف ربي !!

إقتباس سواء من خلال المنتديات او من خلال برامج اخرى معروفه... وان كان اخرها استغلال تلك التقنيات الخاصه والمعروف بكاميرا الجوال...!!

لا تخلط الحابل بالنابل..فالوضع هنا يختلف .. لان العلاقة من خلال التليفون تكون بموافقة الطرفين ومباركتها ولا لا؟؟
يعني هو يعرفها عدل وهي كذلك.. طيب السؤال : الحين هم بينهم رسائل .. وشلون عرفوا ارقام بعض؟؟ لو افترضنا ان البنت هي اللي بادرت بالمعاكسة ليه المسكين (يعله السكين)المحترم يرد عليها؟؟؟
مايقدر يقول عيب عليج
مايقدر يقول ان دقيتي علي مرة ثانية راح ابلغ اهلج؟؟؟!!


يعني لا تكبرون مسألة “مغازلة المرأة” وتعطون القضية اكبر من حجمها لان الكلام فيها يعتبر سخافة .. وانا اعتقد انه من النادر ان تشوف المرأة هي اللي تبادر “بالمغازلة” وحتى ان وجدت بعض الحالات اعتقد ان ماهي قضية خطيرة ولو كانت بمثل خطورة اساليب الرجال.. فاحنا نقرا ونسمع عن حوداث وجرائم بسبب هذه العلاقات يكون المجرم فيها دائما رجل مو امرأة..

اتمنى انكم تركزون في طرحكم على العلاقات اللي تكون بموافقة الطرفين لانها الاخطر .. فالجرايم تكون نتيجة علاقة وصداقة بين الطرفين..والمشاكل الاسرية تكون نتيجة هذه العلاقات
ومسألة ان الرجل او العضو يغازل البنت وهي ماتبي اعتقد انها قضية مو مهمة لان الامر كله بيد البنت فاذا كانت رافضة لمثل هذه العلاقات محد يقدر يجبرها على انها تاخذ رقم الخ.
كذلك اذا كانت البنت هي اللي تبدأ بالمعاكسة (مع اني استبعد هالشي ) اعتقد انها ايضا قضية غير مهمة .. فالرجل هو اللي بيده الامر ويقدر يرفض هالامر وراح تنتهي السالفة ..!!


اسفة على الاطالة ومبارك عليكم الشهر مقدما