حديث الساعة فارت

بنسبه 90% اعتبر الاستغناء عنه تدخل من الادارة في عمل المدرب

انا ابا اقول لكم ليش قلت هالكلام :

نذكر الصحف المقربة من الريال قبل مجيء اوزيل وان الخطة هي البحث عن راس حربة

بعدين فجأة رجعت الاخبار بان الريال تراجع عن خطوة التوقيع مع اوزيل في الموسم
المقبل بالمجان وانه يريد انهاء العاقد معه هذا الصيف وان الفريق يريد اوزيل بدل من
راس الحربة اللي كان الريال يفكر فيه !

معناته ان فارت ماله دخل بقدوم اوزيل وان اوزيل هو لزيادة الخياراة الهجومية بالفريق
وهو عوض عن الراس الحربة اللي كان ممكن يجي نظرا لتعدد المراكز اللي يلعبها اوزيل!

الشيء الثاني
ظهور تقارير اخرى بان مورينهو يريد الابقاء على فارت بينما الادارة تريد بيعه لتعويض
جزء مما تم دفعه هذا الصيف !
طبعا اكيد انه موب كل شيء في الماركا والاس يكون صحيح وعندهم اشاعات زي اي
صحيفة لكن اللي عزز هالفكرة ان مورينهو يستدعي فارت للمباراة الاولى في الليغا
بعكس وصع ديارا ودرنثي ومعروف اي فريق ما يبي لاعب واللاعب مصر انه يجلس ما
يتم استدعاءه للمباريات علشان ياخذ فكرة ان الفريق ما راح يفكر فيه ولا بديل زي ما
يحصل مع اي نادي اوربي .


خلاصة الكلام ان اوزيل جيته كانت بدل من الراس الحربة وفارت لا يستغنى عنه الا اذا
جاء رأس حربة ثالث وهذا واضح للمتابع لاخبار الفريق. وعززه استدعاء مورينهو للاعب
لمباراة الاحد .


حديث ابو يوسف وجهاد عن ان اللاعب شينه بحقه انه يكون بديل وبديل ثاني موب اول
وانه ما راح ياخذ الفرصة .

انا اقولكم شفنا الطريقة اللي لعب فيها مورينهو مباراة كاس السانتياجو في الشوط الاول
كان فيها اوزيل وكاناليس اساسيين والعديد من الاعضاء قالو ان هذي الطريقة افضل
لكن تحتاج الى وقت وانسجام وما الى ذلك !
بهالطريقة فارت راح يكون افضل من كاناليس في المركز الاساسي
اللي يقول كناليس افضل اقوله ولا تزعل كاناليس هو الاساسي في هالطريقة مع اوزيل
معناته ان فارت راح يلقى الفرصة كبديل اول اذا ما كان لاعب اساسي
هذا في حالة تطبيق الطريقة اللي شفناها في الشوط الاول قدام بينارول .
وهالشيء يضاف الى ان فارت ماله علاقة بجية اوزيل .

انا ما ودي يصير زي ماصار مع بيليغريني انه يتم بيع شنايدر وروبين غصب عنه
وبالاخير يروح يشرشحك بالاعلام بعد ما انكرش وله الحق في هالنقطة ! على اني من المؤيدين لطرده



عموما الله يكتب اللي فيه الخير للريال .


قفله

فيه خال مع ملقا مهاري وسريع يلعب جناح يسار الصراحة اعجبن

+

الصويلح سجل هدفين مع القادسية




تحية للجميع