إقتباس خبر باتزيني لحقوه بخبر دزيكو اللي خرج من نفس المصادر باين اصلا ان الخبر فشنك ،، الولد ماعليه جيد جداً وستايل لعبه رهيب ويعجبني كثير .. لكن اننا نشوف صفقه هالأيام في مدريد صعب جداً اذا ما كان مستحيل بعد .. فالدانو طلع وقال خلاص قفلنا .. والعيال من مصادرهم يقولون ان بيريز عرض على مورينيو سوق الشتاء اذا الفريق ناقصه شي !! .. غير ان اللاعب اصلاً لعب متش بريمن في التشامب .. كذا انتهى هالخيـــٌار !! السوق الحين لنا صار بيع و بيع بس .. وهذا هو المفروض عشان تقلل عدد اللاعبين الي عندك ! .. الأقرب للخروج زي ماهو معروف { ممـادو ديارا - درينثي - فارت } .. ممادو باين انه قريب لليفر خصوصاً بعد طلعة ماسكيرانو لـ البرسا ،، درينثي مثل مايقول سليم مطلوب من راسينغ وبرجع في الكلام عنه بجزئيه لحالك ، شسوي احبه خخخخ .. فارت .. ودي اغمض من هنا وينتهي السوق من هنا والرقم 23 زي ماهو لـ راعيه .. هالولد مر بمراحل صعبة في مدريد بداية من الموسم الصعب الأول له في مدريد وتدفيته لـ الدكة .. مرور بمرض زوجته جعلها ماتشوف المرض مرة ثانيه .. ونهاية بالقلق الي صارله بالصيف الماضي بيطلع ولا بيجلس وجلس وهو موب مرغوب فيه من المدرب الا عامله زي اي لاعب ناشئ من الكاستيا .. وفرض نفسه وكان منقذ له في مباريات كثيره في الليغا العام .. ولا من ينسى متش اشبيليه .. ودي وامنيه انه يستمر في الفريق .. لاعب ماقد اشتكى من الدكة ولاشفنا منه اي تصريح ضد النادي او ادارته .. غير انه كـ كوالتي بطل وبينفعنا في مباريات كثيره هالموسم كـ تدعيم لـ الدكة .. نقول ان شاء الله ان الـ VDV مستمر في مدريد ولو اني ما اظن . روح ياشيخ جعلك تروح ولا عاد ترجع عزيز لبى قليبك .. خروج درينثي الآن غلط .. صح ما فيها كلام .. لأن خروجه مفروض يكون من العام او من قبله خخخخ .. بقائه في الفريق كارثه وهو بديل .. شلون لو شد حيله شوي وصار اساسي .. والله تجيني جلطة يا شيخ .. الولد كوالتي مش معقول .. بس ماش ما فيه مدرب عرف يصقل هالموهبة الي للأسف عفنت في مدريد .. في نفس الوقت .. الكوالتي مش كل شي .. هو للأسف يفقد اهم شي في الكورة .. العقل .. بالأصح التفكير .. يجيني احساس بعض الأحيان انه مفروض يشارك مع هولندا في كأس العالم لـ الأعاقة الذهنيه خخخ .. الفكرة الوحيدة الي في راسه .. يسوي مروحتين يقاله بيخم الخصم خخ ويمزع الكورة من قلبه على اساس انه بيعمل كروس يعني .. أكبر غلط ممكن يرتكبونه الآن انهم يعملون حسابه كـ بديل في الظهير الأيسر .. لاسمح الله اصيب مارسيلو بنلعب بدرينثي من جد ؟! .. المركز اصلا ما فيه مشكلة للبديل لأن اربيلوا موجود ويسد بهالخانه بزياده بعد .. واذا هنقت الشغله في الظهير الأيمن ينزل لاس مثل ما قال ابويوسف .. لأن هالحاله ما راح تمر فيها شهرين او ثلاثه .. ممكن متش واحد وان طقتها الحمى متشين بالكثير .. غير انه اساساً فيه اثنين صاعدين من الكاستيا .. ماتيوس كـ سنتر باك في حال الأزمات ويكون راموس في الظهير .. او خوانفران يرجع لـ الظهير الأيمن وانتهى الموضوع .. اما اننا بنعتمد على درينثي .. هذي هي الكارثه الحقيقيه . عطونا علمه يا عيال ترا والله اشتقنا لـ ابو لوكا .. هو بيمديه يلحق على متش الميلن ولا لا !؟ ودي انه يلحق عليه .. في ثار من العام لازم يرده لهم ابولوكا خصوصاً بعد الخيبه العام .. متشنا الأول مع ميلان بـ 19 أكتوبر .. يعني بالضبط بعد شهر و 22 يوم .. والكيكه صار له شهر وشويات من يوم ما عمل الأوبريشن .. تهقون يلحق عليها ولا بالعافيه بيكون جاهز لمتش السان سيرو الي بـ 3 نوفمبر !! .. لاتبطي علينا يا ريكي تكفى . == الشباب الخبرة في الموفي و اليو اس بوكس اوفس .. اولاً ياليت تعطوني كم فلم اتسلى فيهم هالأيام .. الشي الثاني فيه فلم جديد لـ سلفستر ستلون و جت لي سمعت كم واحد يمدحه ونفس الشي كم واحد يقول انه خايس .. ياليت تعطونا العلم الوكاد .. ومانستغني عن بركات الحج يحيى .
