الله يعطيك العافيه أخوي

واللي يحزنني انه جمهور الهلال بالرياض بالمره كبير ومايحضرو إلا بالنهائيات او المباريات

الحاسمه ومو بذاك الحضور اللي يزلزل بلاش مجامله زين يوصلو 50,000 مشجع

لكن بالله مايقهر منظر جمهور اندية اخرى اقل من الهلال

تجد فريقها بعيد عن البطولات ولا يملك نفس شعبيتنا ومباراه ثلاث نقاط لالالا ومع اندية اقل منها مستوى

بالله هذا يدل على ايش انهم يحبو فريقهم اكثر منكم ياخي مباريات الدوري كل مباراه كأنها نهائي

اي تفريط بالنقاط بهالوقت راح يكون له تأثير سلبي لانه راح يسبب ضغط عاللاعبين

واللي يقول لي مستوى ومدري ايش شوف مستوى اندية اقل مننا وشوف قوة حضور جمهوره

يعني بلاش اعذار واللي يرحم والديكم من مباراة الفيصلي الجايه بإذن الله نبي ملعب الملز يكون

الحضور يكون اقل شي 20,000 وكثر خيركم لو كان اكثر