ولك تسلملي هالايديات محمد و يسلملي هالراس نيوف



خسارة كبيرة غياب نصري .. و طبيعي جداً ما راح يكون الغياب الاول و الاخير .. ننتظر خبر اصابة روزيسكي و فان بيرسي .. و ما ندري يمكن يلحقهم الشماخ .. مشكلة آرسنال مع الاصابات مشكلة .. و المشكلة اللي تجيهم الاصابة ودي أشوف ارسنال عشانهم .. الا على طاريهم نعنبوا ابليسهم كلهم يصابون الا ارشافين



آآآآآآآآآخ يا القهر .. رايحين نطارد ورى نايمار اللي قامت البرازيل كلها عليه و طار من يدينا .. و تاركين ميلنر و هو قدام عيوننا من سنتين :@ .. قسم بالله شيء يقهر .. عموماً صفقة ممتازة للسيتيزن و هالصفقة معناتها فيليبس برى



ما يحتاج اقول عنه ولا كلمة



أفضل لاعبي السيتيزن الموسم الماضي خارج الفريق هذا الموسم !!



هالبولتون مع اني اتفائل فيه الا ان لي سنتين تقريباً ما احس بوجوده في الدوري .. نادي ما يأثر أبداً ع الدوري ما تدري عنه الا في الجولات الاخيرة اذا كان مهدد بالهبوط !! نادي ماله دخل في الدوري بس بالتوفيق لهم ضد الهمرز بسبب مدربهم و مدافعهم :@



واحد من لاعبي السبيرز مصرح ان مباراتهم الاوروبية ما راح تأثر على هالمباراة .. و هذا كلام غير صحيح .. بطولة ينتظرون المشاركة فيها من سنين و مهددين بالخروج منها .. و ما بينهم و بين المباراة المصيرية الا ثلاث ايام .. غصب تكون في عقولهم المباراة .. لذلك ما اتوقع نشوف الاداء اللي شفناه من السبيرز في المباراة الاولى .. ريدناب بالتأكيد بيدخل بكل قوة و يبي الفريق يقدم أداء أفضل لأنه يملك بديل للأساسي بمواصفات ممتازة .. لكن برضو بتأثر على اللاعبين

مباراة بتكون صعبة و تستاهل المتابعة و تقريباً هي افضل مباريات الساعة الخامسة



من متابعة بسيطة لمباراة ويجان و بلاكبول لاحظت ان بلاكبول يعتمد ع المرتدة و هم يجيدونها بشكل رائع .. منظمين فيها بشكل كبير .. و الفرق اللي زي كذا أستمتع بشوفة مبارياتهم .. لذلك هالمباراة ضد القنرز ما تتفوت .. السيناريو بيكون ضغط من القنرز و ضغط هائل بعد .. و استبسال من بلاكبول و هجمات مرتدة منظمة .. عاد الله لو تصير 1 - 0 لبلاكبول من بدري والله يا حنا بنستمتع بمباراة مجنونة بس لا يخربها فينجر و يتقدم



وينك

لي عودة إن شاءالله