| شباب لو كل واحد أحترم وجهة نظر الثاني ما تهاوشتوا
وترى ماهو عيب اذا ما اتفق احد معاك بوجهة نظرك
أستاذي العزيز الفتره هذي هي أسوء فترة لياسر خلال مسيرتة الكروية وهالشي محد يختلف عليه
يعني الرجال تعرض لظروف نفسيه واصابات لكن وقفنا معه كجمهور وقفة تاريخية وياسر طلع وقال جمهور الهلال الله لايحرمني منهم
لكن مثل ما لياسر حق علينا ترى لنا حق عليه وهو مستـواه الي طايح ياخي مستواه حاليا ماهو ياسر الي على خبرنا
وبعدين ترى تجديد عقده ماهو بلاش وكلنا سمعنا عن الاشاعات الي تكلمت عن بعض البنود الغريبه بالعقد
مثل كل هدف بـ 10 الأف و و و و
حنا مانبي نتدخل بالعقد ومتفقين مع ياسر بأن العقد شي يخصه هو والاداره فقط
لكن وش الي مؤتمر صحفي أنت شايف أن الهلال عنده وقت يسوي مؤتمر ويقول وقعنا مع ياسر ..؟
ياخي ياسر أكبر من هالمظاهر
وبعدين خلونا نتعاون علشان الرجال يرجع لمستواه لكن بأسلوب ثاني غير التطبيل
وبعدين لحد يطلع لي يقول مستواه بسبب الاصابه ترى ياسر لاعب قوي جدا ومستواه من الموسم الماضي زي مستواه بمباراه التعاون
لكن هالمره حنا زعلانين عليه لأن الزبده الحين لان كاس اسيا الحين وما ننلام اذا خفنا على الفريق وياسر
أسف على الاطاله واحترامي للجميع وأتمنى من الاشراف حذف اي رد فيه استنقاص من اي عضو
منتدى الجمهور الهلالي قوته بأعضائه وأخلاقهم وابداعهم ماهو مثل منتديات اصحاب الاكبر شعبيه بالعالم نادي النصرالعظيم | 