نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ EPL 2 ][ الغنرز و البلوز و الماكبايس يفوزون بالسته فولهام يعقد المانيو بالتعادل ,, اليستيزن يقسو على الريدز بثلاثية ][

BENZEMA10 · #13 20/08/2010, 04:21 AM

الله يعطيك العافيه يبو حميد على هالتقديم الخفيف اللذيذ اللي أقدر أسميه الحلا اللي بعد السحور < برااااا خخ
ما عندي خلفيه كامله عن الفرق هالسنه لأني لين ألحين ما إشتركت .. على العموم ..

ستوك سيتي لو كان على وضعه الموسم الماضي و اللي قبله بيجيب الضغط و السكر لـ ريدناب و فريقه
ريدناب لو يبي يكون له كلمه هالسنه في الدوري لازم يلعب بالدويتو (هديلستون - بلاسيوس)
اللي بدأ فيهم الدوري الموسم الماضي أمام ليفربول و كم من لقاء غيره
و كانوا سبب في تالق الفريق و يعطيون الراحه للساحر مودريتش
و اللي ما راح يكون له مهام دفاعيه و راح يتفرغ للأسيست و بداية الهجمه ..

السكواد اللي مع ريدناب خرافي جدّن جدّن ماله أي عذر لو ما حقق اي شي
ماله عذر في الإصابات لأن فيه دكّه مهوله عنده
ماله عذر في الرتم و طريقة اللعب لأنه يدرب الفريق من سنتين و هذي الثالثه
و الأكيد إنه يعرف كل كواليس و دهاليز فريقه من إلى و عنده رئيس دفّيع ما يقول لا ..

على العموم بالتوفيق لستوك لأني أحب شغل المدربين

و الكينغ هذا مسوي شغل كبير صراحه يدلك على حجم العمل اللي يقول فيه
غير إن ستوك تحس إنه هو الفريق اللي يمثل البريمير من حيث طريقة اللعب و القوه البدنيه و الكرات الطويله و الهجمات المرتده و القرينتا
و العقليه اللي ماشي عليها الفريق غير قوته على ملعبه و دعم جمهوره اللي متفهم تماما ظروف فريقه
و وجوده في دوري قوي يصعب من مهمته في الحصول على بطوله قويه
لكن رغم كذا تحس إن مبارياتهم مباراة في ربع نهائي دوري الأبطال و إنت تتابع لهم مباراة ما خخ

..

قد شفتوا مدرب إسباني يدرّس أنشيلوتي درس في التكتيك بعد رافا بينتيز ..؟!

إيه هذا المدرب مارتينيز الموسم الماضي سوى شغل كبير في الجي جي بي ستاديوم
(لين ألحين محنفظ بالمباراة خصوصا الشوط الثاني على هارديسك أتفرج عليها بين فتره و فتره و نسمع الاهازيج) خخ
لزخهم بالثلاثه و كان فيه تنظيم غير طبيعي الكل يتحرك .. مفاتيح اللعب في تشيلسي متعطله وما عندها حل ..
أشلي عنده نزوغبيا بوسينغوا عنده الخال رقم 10 نسيت إسمه ..
لامبارد كان راجع للمحور بعد الطرد حق تشيك و ما كان قريب لمكانه المفضل هذا الشي اللي قلل خطورته
الجمهور هذيك الليله كان في القمه بسبب العطاء اللي كان عليه الفريق يومها

أتمنى نشوف مباراة قويه ولو إني أشوفها صعبه يسويها مارتينيز مره ثانيه في إنشي
لأن الفريقين و عطائهم يعتمد 100% على الإثنين و نقول بالتوفيق لويجان لإيقاف تشيلسي
اللي بدا بداية قويه بالسته و هذا شي مب بالسهل و يدل على عقليه و رغبة الفريق في تحقيق البريمير مره ثانيه
لأنك إذا كنت منافس قوي على الدوري راح توصل بعيد في دوري الأبطال اللي هو الهدف الاساسي للبلوز ..

أحسها مانشيستراويه خالصه بالطعم باللون و بالرائحه
خروج هودسون بيقلل من قوة الفريق اللندني ما فيها حتسي

الصعوبه الوحيده اللي ممكن يلقاها المانيو هي مساحة الملعب الصغيره اللي بتجيب العيد لو حصل و تقدموا فولهام بهدف
هذا يعني إن المساحات بتكون أصغر و أصغر و بنشوف سيناريويين فقط
فريق ضاغط يبي يجيب التعادل و فريق يدافع و هوبّا مرتده < الله يستر زبنت خخخ

بالتوفيق للشياطين و إن شاء الله ليله من ليالي البلغاري

و يسكتنا كلنا و يعطينا المستوى اللي ننتظر يعطينياه ..

حيلهم بينهم خخخخ

الليفر السنه هذي فيه تغيير في الجهاز الفنّي
قدوم هودسون و الطريقه الجديده في اللعب و الإبقاء على نجوم الفريق خلصت الجزء الأول و الأهم من مهمته كمدرب
الجزء الثاني في الملعب و أنتظر أشوف التغيير يوم الإثنين لأن مباراة الأرسنال ماهي مقياس حقيقي كامل
بسبب ظرف النقص و الطرد اللي حصل عليه جو كول ..
لكن من اللي شفته راح يكون فيه شي إيجابي للفريق الروح اللي عليها الفريق خاصة (جيرارد - أغير - ماسكيرانو) رغم إنه فيه كلام وقتها على طلعته من الفريق لكن التحضير كان ممتاز و الطريقه اللي كان عليها الفريق في الخطوط الخلفيه كانت منظمه بشكل رائع ..
لكن النقص كان عامل قوي و مباشر في عدم الحصول على النقاط الكامله غير هفوة رينا اللي مو وقتها أبدن ..

بالتوفيق لليفر كرها في السيتي و مانشيني على وجه الخصوص اللي ما يدري من وين هي هابّه هههههههه
لعن أبو دارك فريق و صرف سيلفا و هو سيلفا راتبه عشره مليون يعني جاي يتفنن و يطقطق و تلعب لي بثلاث محاور ..؟!
أقول بس يالله والله ما يستاهل من يحتسي عنه هو و فريقه لأن الكتاب واضح من عنوانه و العام الماضي يعطيك دلاله
عن كيفية لعب الفريق الموسم الماضي و الموسم هذا على الأقل في بدايته ..
مانشيني ما عنده شي ابدن يقدمه للسيتي و راح يطردونه لأنه البقاء للأقوى في هالدوري لكثرة المنافسين
مو مثل الكاتشيو اللي فاز فيه بعد هبوط اليوفي و بدون منافسه من أحد ..

فمان الله يا إني كثير اليوم بعد