| مثال بسيط واتمنى انه يفي بالغرض
انت ياللي تطبّل وتمجّد وعينك ماتشوف الا المديح المبالغ فيه
لو اخوك الصغير عنده اختبار صعب.. والاختبار يبي مذاكرة وجهد وتعب
وانت دخلت عليه وهو يذاكر وقعدت تريّش فيه وتمدحه وتعطيه من هالرخيص :
انت اذكى طالب واقوى واحد وناجح ناجح الله لايعوق.. لاتتعب نفسك والف مبروك النجاح مقدماً
وحينها الولد راح ينتفخ راسه ويتقاعس عن المذاكرة على اساس انه مو بحاجة التعب حسب كلامك
وش راح تكون نتيجة اخوك ؟؟
راسب... وانت بهالحالة ساهمت بتدمير مستقبله
وعلى الطرف الآخر
لو دخلت عليه وهو يذاكر وقمت تهستر فيه بالذب والتحطيم :
مسوي فيها دافور ؟؟ افلقني اذا نجحت... انت غبي ومهما حاولت راسب راسب الله لا يعوق
ساعتها الولد راح يتوتر ويرتفع ضغطه منك وانسى موضوع التركيز والمذاكرة
وش راح تكون نتيجة الولد ؟؟
راسب ايضاً.. وايضاً انت السبب
تسلم يمينك | 