السلآم عليكم ورحمة الله وبركآته

يعطيكم الف عافيه .. وش هالنشاط وش هالنقاشات .. الله لا يضركم

وبما اني خقيت مع الرابطه اليوم وامس .. ابيت الا أن اشارككم بـ رد شامل

أولاً: بخصوص مباراتنا الأولى الرسميه بهالموسم .. "نقاط":

* إراحة النجوم: قرار صائب 100% .. لا تنسون ان ورانا موسم طويل في بطولات أهم وأغلى من السوبر وبنحتاج هالنجوم .. إتحاداتهم غلطت بإشراكهم وهم جايين من إجازهـ وخاصة الإتحاد الإسباني الغبي ليش يغلط بيب مرهـ ثانيه وهو أكثر واحد يهتم فيهم وبسلامتهم لأنه أكثر من بيندم اذا صار لهم شي .. ما اقول اننا نضحي بهالبطوله دامها مو ذيك الأهميه ترا باقي شوط ثاني بأرضنا وبحضور الفريق كامل بإذن الله
* الخسارهـ: متوقعه جداً .. اشبيليه فريق كبير وبأرضه وانت تلعب بالرديف أو رديف الرديف .. و مع كذا فريقك كان مسيطر ومتقدم شوط كامل !! وش ذا الخباااال
* رجعة اشبيليه بعدد الهزيمه: متوقعه جداً أيضاُ .. بأرضك وين جماهيرك .. وباقيلك اياب بأرض الخصم وبحضور نجومه .. والرديف يتفدم عليك شوط .. ما عندك شي تخسرهـ .. ما بين عيونك الا الهدف .. و زين انها وقفت على الـ3
* بصراحه ما شفت المباراهـ .. بس من نقلكم الكتابي + نقاشاتكم .. فهمت ان إبرا وميلتو كانو مبدعين و بيب طلعهم .. انا مع الباش مهندس حسين بـ إعطاء الأعذار لـ بيب "إرهاق x اصابات عضلية" < تراني مع حزب انتي بيب بسبب بذكرهـ بعد .. بس الظليمه شينه
* أعتب على بيب بالأشياء الواضحه واللي تقهر بـ صراحه وأتمنى الللي فاهم الاسباب يفهمني .. ليش فيا وفالديز ولا حتى أخذهم معه !!؟ ياخي على الأقل خلهم على الدكه كـ بدلاء .. تدربو لهم كم يوم وفيا ما لعب وفالديز حارس لو يلعب مباراتين ممكن يشارك كـ بديل لـ منع أو التقليل من الخسائر
* عتبي الأزلي على بيب كرهه أو محاربته لـ "هليب و كاسيريس" ياخي مو عاجبينك وما تبيهم ومو قادر تبلعهم على الاقل استفد منهم بغياب نجوم فريقك .. بتقنعوني ان هليب ما راح يعطي وزن للـ وسط أكثر من الصغار ؟
كرهت بيب يوم شفت قائمة اللاعبين اللي مستدعيهم .. تخيلو ولا حتى أخذهم كـ بدلاء !! وش هالغرور كله !!

و بالنهايه ثقتي مع عودة نجوم الفريق كبيرهـ .. الوعد الكامب نو .. والكاس ما راح يطلع منه ان شاء الله

===============================================


ثآنيآ: بخصوص الإدارهـ .. "نقاط":
* إيجابياتها: صفقة ادريانو السكيتيه .. كلنا صفقنا لهم .. فاجئونا وخلونا نتفائل فيهم كثييييير الله يهديهم
* سلبياتها : - التشكيك ومحاولة هدم كل ما بناهـ لابورتا والإدارهـ السابقه: وقتها انا قلت يمكن عشان ما نستقل اللي بيسويه وما نقارنه بانجازات الادارهـ السابقه اللي صعب يوصل لـ مواصيلهم .. سكتنا وقلنا حلو .. يسوي اللي يسوي اهم شي انه يشتغل
- إهانته لـ كرويف الرئيس الفخري لـ برشلونه وكلنا سمعنا عن التصويت بـ ترسيم المنصب .. ولا شفنا شي
- تناقضاته العجيبه !!!! الحين كلنا اتفقنا ان النادي وضعه المادي سئ صح ؟ طيب خلونا نشوف الأخ وهو يناقض نفسه (باع ديما بـ خسارة 10 مليون عن سعرهـ اللي شريته فيه الموسم الماضي "غصباً عن بيب") ليش انتظرت يمكن تجيك عروض أعلى ومغريه أكثر دام وضعك المادي سئ !؟ وبعدها تتخلى عن لاعبين ممكن يجيبون لكـ 15 مليون بالرآآآآحه , بالتراضي يعني صافي أرباحك = 0 !!!!! مو انت محتاج فلوس وماخذ قرض ومسوي زحمه ؟ ليش ما تطلب لك لو كم مليون تمشي فيها أمورك كل هالدنيا تناقض
- صفقة فابري "بديل تشافي اللي بيحل مكانه بعد ما يعتزل بعد اقل شي 3 سنوات ": بديل يا إخوان كان بيدفع فيه 45 مليون وقوم الدنيا وقعدنا لين زبد له الشايب فينقر طيب وين هالـ45 مليون نبي نصها بس نجيب فيها بديل لـ محور الإرتكاز + بديل لـ قلب الدفاع والباقي حطه بجيبك ولا سدد فيه جزء من القرض اللي أخذته
- الإجازهـ: اسألو حسين عن هالإجازهـ الله يهديك يا حسين .. مشغل نفسك بإجازة الرجال ومخليتك ما تنام بالليل ياخي دامك عاطل "مؤقتاً ان شاء الله" خل الرجال يفلها طبعاً بما انه يعمل 24 ساعه على قدم وساق من يوم تولى مقاليد رئاسة النادي قبل شهر وكم يوم مسكيييييييييييين ذبحه التعب والهموم .. خله يروح يرفه عن نفسه ليت والله لاعبيننا خاصة الأسبان اللي انلعن خيرهم يعطونه شوي من التعب اللي جاهم هالموسم
- الشفافية وما أدراك ما الشفافية: قد سمعتو بهالمصطلح على لسان روسيل .. صح ولا انا أتوهم !! للأسف ما اشوف الا تعتيم وصمت !!

صورهـ مع التحيه لـ حزب روسيل ومؤيدينه .. وخاصة أخونا والله ناسي اسمه اللي قال ما شفنا منه شي سلبي

========================================

برب ولي عودهـ مع تكملة النقاط بـ رد آخر .. تعرفون صايم "مافي لياقه"