السلام عليكم ورحمة الله وبركاته

والله يا الرابطة خمووووووووووووووول كانها تمر بحالة سبات شتوي
صحصحو يا شباب
حقيقة ما الومكم كلنا متشائمين بالفريق ( عدا احمد اللي ابطب ببطنه بعد شوي )

إقتباس الرسالة الأصلية كتبت بواسطة اليوفي و بس الحمد لله أني لم أشاهد المستوى المخيف أمام الانتر .. أمام الميلان كان دييغو حاضرا ليؤكد أن لا يوفنتوس 2011 يستطيع اللعب بدونه رغم كل شي ما زلت مؤمن و متفائل أن صفقة إضافية تستطيع جعل اليوفنتوس منافسا شرسا على اللقب ليس لقوة متوقعة لليوفنتوس بقدر أن المنافسة في الكالشيو أصبحة سهله مقارنة بالماضي فروما الذي يحلم بالمركز الرابع في الظروف الطبيعيه استطاع إقتناص الصدارة من الاتنر في وقت ما اذا حقق اليوفنتوس اللقب لن تكون مفاجئة أبدا

ابوفاطمة اول شيء كل عام وانت بخير ووراك ماعاد تشارك
ثانيا بخصوص توقعك الغريب اعلاه
فمن المسلمات ان لكل هدف مهر معين
تبي تفوز بسباق سيارات لازم تشوف لك سيارة مناسبة
تبي ترقى جبل لازم تجهز عدة تسلق الجبال

تبي تفوز بالدوري لابد من وجود كذا سلاح معك
لكن وين هالاسلحه ؟ هل هي مووجودة حاليا باليوفي ؟ ما اعتقد

دفاع ما فيه الا 3 اسماء فقط
كليني - بونوتشي - رقم 33
لو تعور 2 منهم من بيلعب جنب الثالث ؟
حتى الان ما فيه بديل

اظهره رايحه في رجل امها
دي شيلي - قروسو - موتا - زيبينا - جرجور
بالله من تشوف فيهم واحد به ريحة امل ؟ موتا والبقية زيادة عدد

محاور تقلصو الى 3
ميلو - سيسوكو - ماركيزيو
وتم تصريف كل من اكيدال- باولسن - ماروني -تياجو قريبا

وسط ما يصنع ولا يمسك كورة
انا ما اطالب باحراز الدوري , اطالب ان الكورة تبقى مع اليوفي بشكل منظم لمدة دقيقة مثلا ومستحيل اشوف هالشيء لان الكورة ماتجلس ولا 10 ثواني الا وهي واصلة اماوري وتنقطع
من فيه لاعب يصنع لك لعب ويسبب مشاكل ؟ دييجو ودل بييرو وغيرهم زيادة عدد
وكامورانيزي الا يبون يبيعونه رغم انه ينفع احتياطي بسبب خبرته

هجوم عقيم ولا يحتاج اعيد هالنقطة ملينا منها
تتوقع عندك مهاجم زي ميليتو والا روني والا توريس يقدر يسبب لك هدف بمجهود فردي
اتخيل ياكونتا يستلم كورة بين 3 مدافعين ويرواغهم ويجيب هدف

يعني وبكل امانة مقومات الفوز والروح العالية ما اشوفها قدامي
وان شاء الله توقعي يخيب
انا ما ابي الا روح اليوفنتوس وروح عدم الاستسلام ترجع

سؤال/ اخر هدف سجله اليوفي باخر الدقايق ؟
الظاهر هدف اماوري على كاتانيا يوم ينطرد ياكونتا, بعدها ما اذكر ان فيه قتالية من الفريق تحس مالهم خلق ومستسلمين

متى يخلص الملعب الجديد احس ذا الغضارة اللي يلعبون فيها وجه شؤم ونكد على اليوفي


شكرا للجميع