مهيب الأخيرة ان شاء الله يا سـان

أحلى شي في الموضوع انهم مسوين حفله على هالبطوله ويلعبون متش كبير وتجي تزرفهم في بطولتهم عيني عينك خخخخخ
صح عليكم يا عيال تعلمتوا الأحتـٌرام الي نحبه حنا .

بشكل عام مبسوط من المتش ومش مبسوط من المستوى .. الحلو بالموضوع انه متش ودي مع فريق قوي راح تواجه نوعيته
لو وصلت لـ ادوار متقدمة في التشامبينز ليـغ .. البايرن ضغط علينا ضغط رهيب وطلع لنا عيوب فريقنا الدفاعيه والي ما تذكر
كـ تنظيم للفريق لكن كـ اخطاء فرديه واضحه ولازم يشتغل عليها مـٌو .. ياليت غالبيه المباريات التحضيريه تكون بهـ القوة
وياليت بعد نخسر فيها لأن الخسارة تفتح عيونك اكثر على الفريق بعكس الفوز .. وهذي مشكلتنا من فترة .. كل بري سـيزون
نلعب مع فرق ابو كلب ونصمخها ونجي نحلم بـ البطولات و الواقع للأسف مخالف للي نتأمله .. هذي اخطاء بدت تتصحح على
يد مورينيو وهذي هي فائدة المدرب الكبير .

الحكم من الآن على اللاعبين بالنجـاح و الفشل مجحف في حقهم صراحه .. كثير لاعبين حكمنا عليهم بالفشل من اول تجربة لهم
مع الفريق ولكن ردوا علينـا لما بدوا يتأقلمون مع الفريق والعكس صحيح ’ وجه يناظر جرانيـرو ‘ خخخ .. خضيرة رغم البطئ
الشنيع الي شفناه عليه لكن كـ تحركات في الملعب وتغطية وقتاليه شي مش طبيعي هالولد .. ما ننسى انه ما كمل اسبوع تدريبات
مع الفريق بعد ما رجع من الأجازة .. الكلام نفسه ينطبق على بيدرو ليون رغم انه عاجبني كثير وملفت نظري وياليته يستمر على
نفس النهج عشان نشهد ولادة اول جناح حقيقي لـ الريال من ايام طلعة فيغو ... احلى ما في هالورع ان الأوفر عنده والـم
على قولة واحد من العيال لو هو منسدح على بطنه ضبط لك اوفر بالمليمتر يا حبيبي



كاناليس .. اختلف مع بدر والعيال على هالوحش .. اشوف انو حالياً ما يقدر يسد الخانه الي هو يلعب فيها .. مش تقليل من
امكانيـاته لا بالعكس الا انا مذهول منه صراحه ، لكن لما تلعب في ريال مدريد وسط جمهور مايرحم وصحافة تنتقدك لو انك
منتب رابط البـوت صعب تطلع كل الي عندك .. كانا رهيب وكل شي لكن اشوف اننا في حاجة و ملحة بعد اننا نوقع مع اوزيل الي
تعود على اجواء المتشات الكبيرة ويكفي انه لاعب سيمي فاينل الورلدكب مع المانشافت ومقدم مستوى مبهر.. هالنقطة تناقشت فيها
انا و فرانكو قبل شويات بالجـوال ومدري والله كتبها ولا لأني ما قريت الي فاتني لسى ’ وجه يناظر الماسي الي يقرا كل الصفحات
الي فاتته بأخلاص خخخ ‘ ..

الي شفته اليوم عليه ما يعطيك ان الولد ممكن يصمد قدام فرق قوية وعندها تيمبو و بريسنـغ عالي و الأخس لو كانوا طحوش كل
واحد منهم كنه دبابه مش لاعب ... بنية جسمانيه ضعيفة وللأسف ما بيقدر يعوضها بسلاح المهـاره الي هو يمتلكها الا لو اشتغل
على نفسه فترة وصار بدنياً اقوى وماعنده مشاكل يلعب مع لاعبين اجسامهم ضخمة وغير كذا يكون متعود اكثر على اجواء المتشات
الكبيرة .. ماننسى ان الولد لسى ما لعب مع مدريد في البرنابيو و واجه الضغط الي عتاولة لاعبين العالم فقدوا تركيزهم منه .

مع ذلك متأمل في الخير وانه بيكون لاعب كبير لو انضبط في التدريبات ونفذ التعليمات بحذافيرها وقتها ممكن نشوف نجم كبير وليه
لأ اسطورة جديدة تنظم لـ قافلة الأساطير الي بـٌزغ نجمهم مع ريال مدريد ويعطي ضمانة جديدة لـ رؤية خورخي فالدانو في المواهب
والي ما بتوقف عليه كاناليس لأنه اكتشف راؤول و خلاص .



سلامات يا كابتن

من يوم فـٌر عمره ويبي يلحق الكورة بان ان الولد اصيب .. وضعية جمسه وقتها كانت خطأ وأكيد هي السبب في الأصـابة
كـ معلومات بسيطة بأتفلسف عليكم شوي لأن هالتخصص ناوي بحول الله ادخله اذا خلصت الهم البكالوريس .. الطبيب المساعد
سليم دق علي يسألنـي عنها ولكن لأنه لخمني بكلمة اول مرة اشوفها والي هي Kneecap قلت له ما اعرفها .. فقالي ترجمتها طلعت
الرضفه والي هي العظمة الي تجي فوق الركبة ونسميها ’ الصابونة ‘ وهي لها مسمى ثاني درسناه الي هو patella



هذي هي زي ماهو واضح في الصورة .. لها ثلاثه اربطه .. اذا صار فيها خلع لاسمح الله تختلف درجته بحسب الأربطة الي تمزقت معه .
هالكلام بيحدده الجهاز الطبي لـ النادي لو كان واحد الي هو يربطها بـ عظمة الفخذ ’ Femur ‘ الضامه هذي سهاله ان شاء الله وماتأخذ
وقت لو كان الخلع مسبب تمزق في الرباطين العلويين الي يربطونها بعظمتي الساق ’ Tibia ‘ او الفخذ ’ Femur ‘ فهنا بتكون مشكلة
وممكن تغيبه فترة عن الفريق .

نقول ان شاء الله انها خفيفة الأصابة ويرجع بأسرع وقت لـ الملاعب

نشوفكم على خير طولنا الفلسفة اليوم