فكرة: سندريلا الهلال
اعداد وتصميم : الهنوووف + عسيريه

لنا من كل عام شهر فضيل ..

أعاده الله علينا وعليكم وجميع المسلمين بالخير واليمن والبركات

وكل عام وانتم بخير

**][يوميات رمضانية 1431 هـ ♥][ **

لقد عدنا اليكم .. تحملنا الاشواق للقياكم .. ونسعد ان نعيش معكم

. في سلسلة تحمل بين طياتها يوميات الأعضاء الرمضانية من كل عام
هذه السلسلة أنتم أهل بيتها ونحن ضيوفا في حضرتكم ،،،

♥

أهلا وسهلا بكم أحبتنا
ودعونا نرحب سوية بالمضيف" الثالث
عضو اللجنه الاعلاميه R سام الاحاسيـ S "
لكي يحكي لنا احداث يومه مع شهر رمضان المبارك

السلآآم عليكم ورحمة الله وبركاته..
صبآآآح الخير..

قبل كل شي كل عآآم والجميع بألف خير وصحة وسلامه يا رب.. ومبآرك عليكم شهر رمضان.. أسأل الله أن يجعلني وإياكم من صوآآمه وقوآآمه ومن عتقائه من النار..
كل الشكر لاستشاري المجلس العام على الاستضافة.. لهم مني كل الشكر والتقدير..
شرف لي الحظور بهذه الصفحة.. اتمنى أكون ضيف خفيف الضل..


ماهو رمضان بالنسبه لك ..؟
رمضان كل شي فيه حلو.. اجوائه روحانيه ايمانية.. أيامه.. ساعاته.. بكل شي فيه.. أفضل شهر بالسنه.. يزيد فيه التقرب إلى الله.. شهر الرحمة والمغفرة والعتق من النار..
بس يالله يا رب متى نفتك من زحآآم أول يوم وأخر يوم..


برنامجك اليومي في رمضان ؟

كل يوم يختلف أكيد.. أهم شي تغير برمضان وقت النوم.. قبل رمضان كان النوم الرسمي من 2 الضهر الى 8 العشى.. والآن العكس.. النوم بعد الفجر الى 2 الضهر.. ومع ذالك أول يوم برمضان ما نمت نهائي..

وبعد صلآآة العصر على طول جدول خآآآص جدا ممنوع الاقتراب.. لين أخلص الي علي بالورد القرآني.. وأشوف اهلي اذا يبون شي.. وبعدها مع الشباب الى قريب الآذان..

الفطور غالبا عند امي.. أو معزوم عند أخواتي أو اخواني.. مالي بالمسلسلات نهائي..

بعد الفطور على النت لين العشى.. أصلي العشى والتراويح.. بعدها اشوف أهلي اذا بروحون مكان.. وفلة شباب الى 12 تقريبا.. بعدها على النت الى 2 وبعدها أجهز نفسي وأشوف وش إلي علي وتجمعات العائلة أو الشباب من 3 الى الفجر..


ماهي اكلتك ومشروبك المفضل في رمضان ؟
السمبوسة.. الفيمتو لبى قلبه..


متى اول مره صمت فيها .واذا عندك مواقف مع الصيام اذكرها ؟
ما اذكر بالتحديد.. اتوقع والله أعلم على ثالث ابتدائي..
المواقف من كثرتها أنساها..
رمضان السنة إلي راحت.. بيوم من الأيام تجهزت السفرة وما في غيري جالس ينتظر..
أذن وفطرت.. أمي وأختي بالمطبخ.. مشغلين شريط قرآن ورافعين الصوت بشكل محد يتوقعه.. مدري وش يحسون فيه.. قلت خلهم يتعلمون مره ثانيه وش يسوون على المغرب..

ناديتهم محد يسمع.. أخذت لي رطب.. شوي تجي أختي التووحفة تقول ما أذن وأنا أقول إلا أذن.. احلف وهي تحلف.. لين شكيت بنفسي.. يوم طست شفت التلفزيون على مكة الناس يفطرون.. قلت عساكم لا فطرتوا..
وما فطرو إلا والناس يصلون..
صليت وجيت وضحك عليهم لين قلت بس.. وقلت لهم مره ثانيه شغلوا المسجل على باب الشارع..


موقف لاينسى حصل لك بـ رمضان..؟

مافي موقف بحد ذاته.. برمضان يوم اننا صغار كنا نروح مكة نعتمر ونجلس هناك من يومين الى ثلاث.. ونمر خالتي ونسلم عليها..

خالتي توفت الله يرحمها قبل سبع أو ثمان سنوات تقريبا.. ما اذكر بالتحديد.. بس كانت أحلى أيام برمضان يوم نروح لها.. هي الخالة الوحيدة.. غلاها بالكون كله.. هذا وإحنا صغار..
مستحيل تنوصف مشاعرنا لها.. الله يرحمها يا رب..
ومن ذيك الأيام خلاص ما في شي مميز برمضان خاصة.. نروح نعتمر نروح ونرد على طول..
خالتي الله يرحمها توفت قبل رمضان.. بس أحلى أيام رمضان كان بوجودها..


كيف نظامكم واجوائكم في رمضان ونظامكم بالفطور والعشاء والسحور.؟
على الآذان رطب وقهوة وكم حبه سمبوسة وعصير.. وبعد الصلآة من كل شي أنواع وأشكال..
طبعا أغلبها أكلات خفيفه.. والعشاء على 11 أو 12والسحور قبل أذان الفجر بساعة أو نصف ساعة..
طبعا نظامي اسبشل فطور وسحور فقط..


هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟
طبعا أكيد فيه اختلاف وبشكل كبير جدا جدا.. تقريبا يوم كان عمري 12 سنة العائله كلها موجوده على الفطور والسحور.. ومن ذيك السنوات كل سنتين أو ثلاث تقريبا واحد من أخواني يتزوج ونفتك منه.. :d
والآن ما بقى غيري وأختي أصغر مني..
وأغلب أيامنا أنا وأمي وأبوي وأختي الصغيره على الفطور فقط..


هل تفضل الصلاه في المسجد القريب من بيتكم او تميل للتنويع ومن القاريء الذي تحرص على الصلاه خلفه في رمضان؟

أحب المساجد الكبيرة أفضل من المساجد الصغيرة وأكيد إنها بتكون بعيده.. حلو المسجد يكون له عشرين باب.. بعكس لما يكون له باب أو اثنين.. وتشوف العالم والزحام مدري وش ببون.. وغير المساجد الصغيرة إلي بنص الأحياء أغلب إلي فيه صغار السن قلق وإزعاج.. والعكس بالمساجد الكبيرة..
صلاة العشاء والفجر بالمساجد الكبيرة.. وباقي الصلوات بالمسجد القريب..
وأكيد صوت القارئ له دور بعد..


أجمل رمضان عشته حتى الآن , متى ولماذا ؟

حتى الآن هو رمضان الحالي..
كثير أمور كنت أتطلع لها من زمان بشكل عام.. والآن تحقق منها الكثير.. الحرية بروحها شي ثاني مره..
60% بحلاة رمضان هذه السنة وجودي هنا بالمجلس العام..


رسالة في هذا الشهر المبارك .. لمن تبعث بها وماذا تقول فيها .؟

1
رسالة للجيمع.. رمضان شهر الرحمة والمغفرة والعتق من النار.. الأيام تجري ورمضان الي راح كأنه أمس.. وما ندري نلحق على رمضان الجاي أو لا..
2
"وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ"
3
رسالة اعتذار للجميع.. لكل من أخطأت بحقه سواء بقصد أو بدون قصد.. وعقبال أكشنات جديده..
4
رسالة خاصة لواحد من الناس.. بقول له وش رايك تمدد الاجازه شوي.
5
رسالة أخيره.. حكمه قالها حكيم.. غلطان يا معاند الزعيم.. لكل المندسين..


نبي صوره تلتقطها لنا من يومك الرمضاني المجال مفتوح لك..؟

ما انتبهت ان الصورة لليوم الرمضاني.. توني اشوفها.. ض1 على العموم ما أشوف في شي اليوم جذبني للتصوير..
عندي صورة من زمان ودي انشرها..

اليوميات الرمضانية

بداية يوم الجمعة 12 ص 3-8-1431 هـ الموافق 13-8-2010 م

بسم الله الرحمن الرحيم..
السلآآم وعليكم ورحمة الله وبركاته..

صبآآآح السعاده والوناسة والتوفيق للجميع..

كنت جالس اعبي الاستمارة.. فجأة بدون سابق إنذار شفت الساعة 12.00 ص..
فتحت المسن انتظر واحد من الشباب.. وجلست أكمل بتعبئة الاستمارة..
وصل صاحب السمو والسعادة بحفظ الله ورعايته.. صار لي نصف ساعة تقريبا شغلت الجهاز ما عندي شي أسويه قلت خليني أعبي الاستمارة وأخلص منها.. الوضع كان طبيعي وتمام التمام.. من يوم صبحت عليه.. سبحان الله مدري وش إلي صار..

بدأت الأفكار الجهنمية براسي وهو ما يحتاج.. داعم سياسي قوي جدا جدا.. 12.7 ص
سوآآلف وتخطيط على اليوم المميز..
تمت بداية تنفيذ الخطط على الساعة 1.00 ص..
وحنا نكمل باقي الخطط وصلت أختي ونادتني .. رحت لها ابي اصرف نفسي وامشي تقول وين بتروح.. اقول لها مشغول حدي الناس تنتظر.. وش مشغول فيه.. منهم ذول الناس.. وش يبون.. يالله بس صرفت نفسي قلت دقايق وأرد..

فجأه شيكت على الجوال هذه 6 مكالمات لم يرد عليها.. 3 من اختي و3 اخوي.. متى وكيف وشلون مدري..
شفت وقت المكالمات اخوي داق على 7.30 ..
اختي داقه قبل العشاء مره ومرتين بعد العشاء..
تكملة باقي الخطط على الساعة 1.38ص.. انتهينا الحمد لله على 1.54 ص
وتم تسجيل الخروج من الموقع.. ومع أول ردة فعل جبنا العيد..
على العموم كل إلي صار راح بكون موجود بالنهاية..

من بداية اليوم كنت مضبط الوقت على الساعة 2.00 بالتمام.. أسجل خروج نهائي.. وأروح ألحق الصالون.. خبركم جمعه ولزوم السناعة.. للأسف ما قدرت اطلع قبل الساعة 2.20 ص تقريبا.. من ردة الفعل إلي صارت..

المهم رحت بلحق الصالون وأنا منرفز على الأخير من إلي صار.. شي ماله داعي قسم.. المهم وصلت الصالون 2.35 يقول لي انتهى يومنا.. تعال لنا باكر بعد صلاة الجمعة على طول.. يالله بس وش السواه..
قلت يالله إن شاء الله خير.. وأنا خلاص مالي خلق بشي نهائي..


رديت البيت اخذ لي دش على السريع.. واطلع أدق على الشباب.. رحت لهم بالمكان المتواعدين فيه..
جلسنا شوي الى 3.30 ورديت البيت..
رحيمي وأختي عندنا بالبيت.. جلسه معهم ما تمل.. فله ووناسة على الأخير..

تسحرنا وراحوا هم على الأذان.. جهزت للصلاة وخرجت بصلي بمسجد من زمان عنه بالسيارة طبعا لأنه بعيد شوي.. هدموه وبنوه من جديد.. خيااال ما شاء الله تبارك الرحمن.. يفتح النفس ما ودك تطلع منه..
صليت وجلست شوي وخرجت على البيت.. دخلت وأمي كانت موصتني قبل لا اخرج للصلاة..
سويت إلي وصتني عليه.. ويوم رديت إلا هم متغيرين وما هم على بعض.. جيت بعطيهم حل للي صار جبت العيد.. وبغوا ينحروني..
رحت أنخمد وأنام.. سريري العزيز ينتظرني.. تقريبا على الساعة 6..
حست لين نمت.. .. وما كملت ساعتين إلا وأنا صاحي.. ما فيني نوم.. وش السواه مدري.. ومحلي من 9 الى 12 منبه الجوال يشتغل.. وأنا مو نايم من الأساس.. قفلت المنبه باقي بعد توى الناس..
الساعة 12.20 أمي تطق الباب.. يمه خليني أنام شوي بس.. ما سمعتني وراحت.. دقيت على اخوي اصحيه على أساس نروح الصلآة أنا واياه دايم.. قبل أجهز رحت شغلت السيارة..



جهزت وخرجنا 12.40 تونا لحقنا الجمعة بالخطبة الثانية..
صلينا وخرجنا قابلنا عيال عمي والشلة.. سلمنا عليهم ومشينا.. وصلت اخوي البيت ورحت الصالون على الموعد..
خلصت من الصالون رحت أخذت الاسطوانة أبدلها.. هذه الاسطوانة بنت الذينا سالفتها سالفة.. أمي صار لها سبع أشهر تقريبا وهي تقول لي روح بدلها.. وأنا أقول لها زين.. وما بدلتها قلت مالها داعي أصلا..
أول ما تنتهي الاسطوانة الأساسية أروح أبدلها بنفس الوقت.. اليوم رحت بدلتها لأن في شي يصير كل سنه تقريبا.. وشلون وليه وكيف مدري.. المهم انه يصير.. هذا طال عمركم اسطوانتنا العزيزة يوم العيد الفطور في بيتنا.. كل العايلة الكريمة عندنا.. ومن فتره نصلي العيد وأول خبر يوصلنا يوم نوصل البيت الاسطوانة خلصت.. وش قصة أمها على اليوم ذا مدري.. وأروح أجيب من إخواني وأرد مع أحلى تهزيء من أمي..
اليوم قلت أبدلها قبل العيد أفضل.. أمي تقول غريبة وش صاير اليوم.. قلت أبد ولا شي.. إذا ما تبينها أردها الحين..

شيكت على كذا شي وأشغل الجهاز على 2 .. تسجيل دخول بالشبكة وأشوف وين وصلنا بعد أمس..
فتحت المسن وأشوف صاحب السعادة موجود..
سوآالف لين أذن العصر.. راح يصلي وأنا شوي وأقوم أروح أصلي العصر وبعدها الورد اليومي بالقرآن..
خلصت وشيكت على الموقع وكل شي تمام التمام مثل ما أبيه..
دقيت على ولد عمي على 6.00 قلت له نبي الستين الآن.. قال تم دقايق وأكون عندك.. انتظرته شوي ما جاء وسحبت عليه.. قلت إذا دق بصير خير إن شاء الله..
فرفرة شوي.. معزوم عند أختي.. رحت لها قريب الأذان.. كالعادة فطور خفافي.. رطب وقهوه وسمبوستين وعصير.. صليت المغرب ورديت.. جلست شوي مع أختي وتكملة عدد على السفرة.. بعدها على النت أشيك على الوضع..
وأكمل الاستمارة العزيزة.. ض1


أذن العشاء.. صليت العشاء والتروايح.. بعدها فرفره شوي وأقص اظافري صار لها أكثر من شهر ما قصيتها.. أمي كل يوم تقول قصها لا أوريك.. ان شاء الله اذا فضيت..
وقلت أروح أكمل الاستمارة باقي كثير خفت أتأخر..
من 11 الى 12 وأنا اكتب التقرير..

وقبل النهاية هذه اكشنات خفيفة..

الرسالة الرئيسية ارسلتها لـ ابو مقبل.. ياسر.. فَيْلَـسُــ زَمَانَهُ ـــوفْ..Hilaly Madridi ..HILALYA ]~ .. بطلة..

الرسالة الرئيسة مني أنا..

إقتباس ما توقعتها منك

إقتباس وش الكلام الي من وراي.. لا تقول لي مدري.. كل شي جاني بالتفصيل اذا في شي يا ليت تقوله بوجهي.. ما تقوله من وراي زين الشره على الي يعطيك وجه

الردود بالترتيب..

رد ابو مقبل,..

إقتباس العنوان:لقد تلقيت إنذار من مشرف المجلس العام بشبكة الزعيم

إقتباس سامي ما ودي احطمك بس واضح ان عندكم برنامج كاميرا خفيه :f مرة مو راكبه هالرسالة منك ودي اصدق وامشيها بس ما قدرت المهم اذا تبون أشارك معكم في فريق العمل أوكي سلام يا احلى رسام

انا الي عجزت اصدق العنوان قسم..

.....

رد ياسر..

إقتباس ,,,

إقتباس شسالفة ...؟ أنا وش سويت لك وشوو تفاصيله قولي انا وش مسوي لك يالغلا الله يخليك ترا والله مو وقت مزح ...؟ ,,,

لو ما أمون عليه ما ارسلت له.. يوم قلت الرساله مقلب زعل.. وقفل المحادثه وخرج.. لو غيره قسم علوم القبايل ما ارضى فيها.. وشلون يقفل ويطلع سلام سلام..



رد فَيْلَـسُــ زَمَانَهُ ـــوفْ:

إقتباس أخي الغآلي .!! أحترمك وأجل لك كل الأحترآم وأنبع أحترآمآ وإجلالا لك .!!

إقتباس كيف لي بأن أتكلم على أنسآن قدرني وأحترمني .!! وأصبح عزيز على قلبي .؟!! بل قل لي كيف يستسآغ ليدآي الكتآبة عنك بأمر يسوؤك .!! فتآلله أن تقف يدآي عآجزة .!! أختي الغآلي رسآم .!! في صبآح يوم الجمعة وأنآ صآئم .!! على سنة الله ورسولة .!! فوالله لم أنطق بمآ يسوؤك أو أغتآبك وتآلله لن أجرأ على ذلك .!! أعتقد بأن الحلف بآلله في نهآر الجمعة كآفيآ .!! إن كنت مصدقآ .!! فأنت تعلم من أنآ .!! فسأل نفسك أأستطيع أن أعملهآ .؟!! قل للذي قآل لك هذآ يريد تفريقنآ .!! يسلم عليك فيلسوف ويقولك الله يسآمحك بهالشهر الفضيل واليوم الفضيل .!! الله يسآمحك يآرسآم على غلطك علي .!! ولكني مسآمحك يآلغآلي والله يقويك ويجبر بخآطرك .!! وإذآ أنت سآمع كلام .!! هذي كلهآ ألآعيب أبآليس الأنس .~ كفآنآ الله شرهم .!! الله يسآمحك الله يسآمحك الله يسآمحك

عبود الله يهديك ويصلحك.. وشو له كل ذا..:d

والمشكله الى الآن ما سجل دخول..


الرد الأول لـ Hilaly Madridi

إقتباس قديمه ..قديمه ..

إقتباس العب غيرها.. كيف الحال رسام..؟ إن شاء الله تمام ..

رديت عليه

قديمه ولا جديده.. مشكور وما قصرت ويجي منك اكثر وانا الي استاهل

الرد الثاني لحس حس..

إقتباس وش تقول انت..؟ وش مسوي لك انا .. من الي قعد يخرط عليك .. رسام ..لاتقعد تمزح تراي ماحب المزح االلي كذا اهرج ..وش قلت عنك انا ومن قالك ومتى ووين وكيف ولماذا .. احتري ردك بأسرع وقت ..

إقتباس

اهم شي ولماذا..

يوم قلت له الرساله مقلب رد علي..

إقتباس شف ..قسم بالله عرفت إنك تبي تسوي مقلب..

إقتباس الرسالة الثانية مصطنعه ليست حقيقة .. بس قلت علشان يقول لي الحقيقة هو .. وانا اكتب الرسالة الثانية ..قلت شكله يبي يضيف على يومه الرمضاني الي بينزله الاستشاريين ..

عاد احكمو انتم مشت عليه أو لا..

ردود هلاليه..

واااثقه مره ما شاء الله عليها.. بس شكلها بعد ما تعرفني زين الزين..

إقتباس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إقتباس وش تحس انت يؤ .؟؟؟؟؟؟؟؟ اي كلام ؟؟؟؟؟ وش مفطر انت ؟؟؟؟ الحمد لله صاحي ؟؟؟ وش السالفه ؟؟؟

ردي الأول: الحين وش السالفه.. طسي بس

إقتباس طس انت خير ان شاء الله

إقتباس لا تلفق علي شي :@ اقول رح لندن قبلي ؟؟؟ وبعدين وش الكلام اللي جاك عني .؟؟ يعني مسوي اكشن والا وش قصتك خلك واضح لو سمحت ؟؟؟

إقتباس انت وش قصة امك وراك ما ترد ؟؟؟؟؟؟؟؟؟؟؟؟؟؟؟ غرب جدا ؟؟؟

اهم شي لو سمحت.. وغرب جدا..

رديت عليها اليوم العصر: مشكوره وما قصرتي وانا الي استاهل

إقتباس يعني بتقول وش السالفه والا لا ..

إقتباس ابي رد ايه والا لا .. تراك جد صدعت راسي .. ليه احد قايل لك عني شي ؟؟؟ لاني دورت بردودي ومافيه رد غلطت عليك فيه ؟؟

ورديت عليها بنفس الوقت:

اذا انتي صدعتي انا وش اقول

وفوق هذا مسويه روحك مو مسويه شي



ردها الاخير قبل اقول لها ان الرسايل اكشن..

إقتباس خير انت والله ماسويت شي ؟؟؟؟

إقتباس طيب قلي .. وبعدين موب اي شي ينقالك تصدق .؟؟؟ قلي وش القصه طيب .. وبقولك صدق والا لا .. والله موب كاذبه عليك .. ؟؟؟ اشرح وش السالفه موب كذا فجاه جاي مرسل ..

والله يا اني مت ضحك لين قلت بس.. اكثر وحده جننتها.. عشان تعرف منو انا بس..


اما بطله شي ثاني صرآآحه..

ارسلت لها الرساله على اساس انها ولد.. المفروض احول بعض الكلمات..

كنت مستعجل وارسلت لها.. المهم انها ما انتبهت..

ردها الأول والثاني..

إقتباس الرسالة الأصلية كتبت بواسطة بطلة إقتباس الرسالة الأصلية كتبت بواسطة R سام الاحاسيـ S ما توقعتها منك إقتباس الرسالة الأصلية كتبت بواسطة R سام الاحاسيـ S

إقتباس الرسالة الأصلية كتبت بواسطة بطلة إقتباس الرسالة الأصلية كتبت بواسطة R سام الاحاسيـ S إقتباس الرسالة الأصلية كتبت بواسطة R سام الاحاسيـ S وش الكلام الي من وراي.. لا تقول لي مدري.. كل شي جاني بالتفصيل اذا في شي يا ليت تقوله بوجهي.. ما تقوله من وراي زين الشره على الي يعطيك وجه ماأدري ليه أحس إنه مقلب منك لان ردودك مو كذا مو معقول يكون جد ترى أمي جنبي ودمعت عيوني وانا اقرا الكلام وشكلها انتبهت مالك داعي معليش مضطرة اخرج بروح اسوي السحور وبرجع بعد الفجر إن شاء الله خير ,,

الرد الثاني:

إقتباس جيت

إقتباس يلا خبرني اش الهرجة ؟

يالله الحين وش دخل الدموع بالمقالب..

وتبيني اقول لها وش السالفه وانا مو موجود..


بغيت اكمل الاكشن.. بس واحد من الشباب مليون مره اقول له انتبه.. وراح خربها بالاخير.. برده على موضوع الغالي صقر فيصل وبطله عرفت من الرد..
المفروض ابدأ على محمد.. بس الجيات أكثر..
ادري طولت كثييييير جدا جدا جدا.. وتأخرت كثير جدا بالتسليم..
بالاخير تمنياتي للجميع بالتوفيق.. وعذرا على الاطاله..

كل الشكر

لـلمميز **][ " R سام الاحاسيـ S " "♥][ **

وانتظرونا غداَ

مع من ارض الكويت المتألقة شوق الكويت .

أرق التحايا وأطيبها من

مشرفي واستشاري

المجلس العام