نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (( نجم برشلونة السابق قريب من التوقيع لمايوركا الاسباني ))

عـــ الزعيم ـــاشق · #29 13/08/2010, 06:22 AM

إقتباس

الرسالة الأصلية كتبت بواسطة 360


	يعني اللحين تقول لي مثلاً ان ريفالدو موب اسطوره !!! طيب يبحث عن المال معقوله كل الأساطير مايبحثون عن المال بس يحبون الكوره لو قلت له بننقص راتبك ريال زعل عليك ودور له نادي ثاني !!! فيغو ماطلع من برشلونه بسبب المال !!!! صراحه عجييييييييييييب مادري كيف تقيم الاساطير !!! لاعب حقق كأس العالم وبفضل الله ثم فضله كان رونالدو هدافها !!!! لاعب هداف دوري ابطال اوروبا وهو فريقه فيه مشاكل وحالته حاله !!! صانع ألعاب مسجل 130 هدف !!!!!! مع فريق واحد !!!! وتقول لي ليته اكتفى مع ميلان واعتزل وراح لنادي زي اولمبياكوس !!!!!! ماتدري انه اخذ افضل لاعب اجنبي في الدوري اليوناني 2006 و 2007 !!!! ماتدري انه مع اولمبياكوس اخذ الدوري ثلاث مرات وكأس اليونان مرتين !!!! ماتدري انه في كوبا امريكا وهو صانع العاب حقق هداف البطوله وافضل لاعب !!!!! ماتدري انه وتوه صغير على قولتهم ما نضج حقق كأس القارات مع البرازيل وكان له فضل فيها !!!!!! لاعب دخل في تشكيلة كأس العالم مرتين متتاليه 1998 و 2002 وهو كان يعاني من مشاكل مع ناديه والمدرب !!! لاعب وين ماراح حقق انجازات سواء كان في دكة الاحتياط او اساسي يكفي الاسست على الانتر لسيرجينيو وحتى وهو بأسوأ حالاته ينفع الفريق وعممممممره ماكان عاله العيب في مدرب الميلان أنشلوتي لأنه يعتمد على ثلاث محاور وكان جديد ع الفريق وفيه اللي متأقلمين قبله فكان يفضلهم عليه ومع ذلك لمن يلعب يسوي شي وبعدين مو عيب انه راح لنادي توه متأسس هذا هو راح وهداف الدوري وافضل لاعب ومحقق الدوري فوقها إلى الآن متعجب شلون ريفالدو بنظرك موب اسطوره !!! يعني مثلاً وش ممكن يسوي عشان يصير اسطوره !!! يعني يترك الفلوس !!! وبعدين وش الارقام القياسيه اللي ممكن يكسرها راؤول مع شالكه لو نقول شالكه بيوصل مشاوير بدوري ابطال اوروبا قلنا اوكي لكن زين ان تعدى الدور الاول او فاز بأي مبارياته رغم اني احب شالكه وفريقي في الدوري الالماني !!!!! هذا مارادونا لعب مع اشبيليه ويالله يالله سجل 5 اهداف يعني لعب لأشبيليه حباً فيهم وهو خلاص بأواخره؟ راح لنيويلز اولد بويز يعني يموت بهالنادي ؟!!!! رجع للبوكا وهو منتههههههي خلاص ليش ما اعتزل وليش نقول عنه اسطوره المفروض ماقولها لأنه من اللي يركضون ورى الفلوس اسسسسسسمح لي اخوي اذا ريفالدو ماهو اسطوره في نظرك فأرجع وتأكد من معرفتك الكرويه أرقام ريفالدو تتكلم وما تحتاج من احد انه يثبتها او ينفيها لأنه اسطوره ويبقى في نظري أفضل لاعب على مر العصووور لا مارادونا ولا بيليه ولا ابن امه طق الكوره يبقى ريفالدو اسطووووووووره لو جلس يلعب لين عمره 100 سنه لو يلعب ع الواقف تكفي لمساته السحريه تكفي تمريراته تكفي تسديداته < خليت شي !!! Forca Barca .. Forca Rivaldo

سؤال بسيط ؟ كاكا تعتبره أسطورة ؟ لأني أشوف إن كاكا حقق كل الي انت ذكرته عن ريفالدو وزود عنهن حقق دوري أبطال أوروبا ! بس مانعتبره أسطورة !

أما بالنسبة لراؤول .. أتوقع باقيله هدفين لتحقيق رقم مولر كأفضل هداف في تاريخ أوروبا ! وهدفين مو صعبة في 6 مباريات في دوري المجموعات صح والا لا ؟ وبعدين انزاغي خلفه بهدفين ويقدر يتعداه لو مالعب راؤول ماراح يقدر يعزز رقمه التاريخي لدوري أبطال أوروبا وراح يخلي منافسه يقرب منه أو حتى يتجاوزه ..

أما مارادونا ! من قالك إني أنتقد ريفالدو لأنه مايلعب في أندية يحبها ؟ أنا أنتقده لأنه يلعب في أندية ماتسوى ريال ! اما بالنسبة للعبه في اندية اشبيلية ونيولز اولد بويز فبالتأكيد إنه كان يريد صناعة التاريخ لهذه الأندية مثل ما صنعها لنابولي ولكن لم يحالفه الحظ وهذا لم يسيئ لتاريخه الحافل ! يكفيك وش سوا في نابولي ! خلاه من كبار إيطاليا وهجد كبار ايطاليا ! طبعاً أتحدث هنا عن الدوري الإيطالي !

لا أتحدث عن الدوري اليوناني ! مع احترامي الكامل ولكن وش هي اليونان وايش هو دوريها ! تقولي انجازات ريفالدو في اليونان واوزباكستان أنا وش أبي فيهم هالإنجازات الي ماتكبر ولا تصغر اللاعبين !

أما بالنسبة لإنجازاته الي ذكرتها مع منتخب بلاده والي تتوقع إنها كفيلة بأن تجعله أسطورة من أساطير كرة القدم ! مثل ماقلتلك كاكا حققها وزيادة ومازال قادر على تحقيق أكثر وأكثر ! ومع ذلك ماسميناه أسطورة ..

زيدان ودع العالم ببطاقة حمراء وضرب متعمد مع ذلك العالم كله صفق له ووقف احتراماً له في آخر مبارياته ! مارادونا شهد حفل اعتزاله ملعب ممتلئ بالأيادي المصفقة ودموع المحبين .. ريفالدو من سيصفق له يوم وداعه للكرة ؟ أعتقد فقط من سيصفق له هم القليل من المعجبين به ( من خلف شاشات التلفاز ) !

تحيتي .,,.