الموضوع: مبارك عليكم الشهر ( رغم الزحمة ).. وشكشوكة ( طعس التحدي ) غير !!
مشاهدة مشاركة بصفحة مستقلة
  #11  
قديم 13/08/2010, 01:54 AM
بريماكس بريماكس غير متواجد حالياً
زعيــم مميــز
تاريخ التسجيل: 19/04/2006
المكان: في مكان لايراني فيه الناس ولكن الله يراني
مشاركات: 5,114
هلا وغلا ابوصالح
ايه مير نقعد نفضفض شوي لين يجي السحور - <

كود:
ونقطة الانطلاق بالطبع كانت مركز عصير 50 فاكهة :d اللي توه فاتح عندنا بين الروابي والسلي

اللي قبل الرومانسيه << - بيعلمك انه يدل بالرياض هع

اللي عايش من صغره بالرياض ماهو زي اللي عايش برى ثم بلحظه يسكن الرياض
محاكيك ( حار وارثه من الخوال)
ومن طلعته للحياة وهو عايش ببيئه هادئه وانت تعرف هاك الديار
لا زحمه ولا قلق
مشوارك ما ياخذ عشر دقائق
احيانا تشك انك ماسك طريق مكه من الهدوء
ثم بلحظه تحطه بمدينه مزدحمه كالرياض ؟

قبل ثلاث ايام بالرياض
ماشي الساع 10وصلت الساع 12 ونص تقريباً
كان لي قريب بالرياض ينتظرني في بيت جده
لوحده ويبي من يوسع صديره
كل ما جلس نص ساعه دق
اتصل علي قلت ابد احسب عشر دقائق وانا عندك هو بشرق الرياض
انا بالدائري الشمالي وابمسك الدائري الشرقي
الا انسجمت مع الزحمه وصرت ماسك يسار وماقدرت امسك اليمين ومسكت طريق المطار
والليييييييييييييييييل والعشر دقائق صارت ساعه
ابسالكم يا اهل الرياض
وربي من جد هالسؤال
كيف نفسياتكم متحمله هالقلق والزحمه
نفسي اعرف من وين يطلعون العالم ؟
طريق المطار زحمه
طريق القصيم زحمه
خريص زحمه
الملك فهد زحمه
كل شئ زحمه
احس فيه ناس شغلتهم مراقبة الطرق رايح جاي
على هالزحمه من صار بالبيوت؟
المشكله لا دخلت حي لقيت مايقل عن 5 سيارات عند كل بيت

كود:
ياجماعة الخير وش السالفة ؟؟
 
مدري وش تاليتها مع هالرياض
 
زود على الحر القاتل... زحمة مفجعة :s3s:
احمد ربك متعود عليه مانت مثل البعض عايش بقريه وبلحظه يسكن الرياض

كود:
الساعة 6 الصباح والمسلمين صايمين ونايمين.. والدشير يفطرون شكشوكة تحت الطعس
مصيبه ..! الله يعافيهم ولا يبلانا
الصحبه له دور كبييييييييير

كود:
هذا البزر اللي انت راحمه ( مدمن حشيش ) والبارح راح يبي فلوس من امه
ويوم قالت له امه ( مامعي فلوس ) كب بنزين بوسط الصالة وشب في البيت وطلع وقفل الباب على امه
مؤلمه
هذه نتيجة مرافقة اصحاب السوء وضعف المراقبه من الاهل تجاه ابنائهم واستغلالهم من قبل الذئاب البشريه
الله يهديه ويصلحه

كود:
عندنا بلاوي يا بنت الحلال وخليني ساكت احسن لي
يارجال قبل ايام صارتلي سالفه مؤلمه وربي جلست يومين افكر فيها
ربما اذكره لاحقاً لكن كما تفضلت يوجد قصص وبلاوي تشيب الراس .. الله يصلح الحال

ابو صالح مشكور ولا تنسانا من دعواتك في هذا الشهر الفضيل ؟؟ -> لعيون فيصل الاستفهام
اخر تعديل كان بواسطة » بريماكس في يوم » 13/08/2010 عند الساعة » 02:51 AM السبب: بس كذا ؟؟ --> لا تسالوني عن سر الاستفهام تراي مدري خخخخخخخخخخخخخ ؟ ض1 ق2
اضافة رد مع اقتباس