نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - جهاز جوال كاميرا يتسبب في انفصال زوجين بعد عشرة خمس سنوات !!

الفيروسه الزرقاء · #24 28/09/2004, 02:53 PM

بنت الحمولة صاادقه أحنا نستخدمها بالشي الضار وهذا دليل على أختلال عقول العرب .. وضعف الوازع الديني

عادي أشوف صور بنات النااس !! بس مابي أحد يشوف صور أخواتي أو زوجتي !!
فيه شباب يدفعون مئات الألوف علشان يشوفون فتاة السعودية !! ومحد يقبل بهالعروض إلا النساء الأجانب أو اللي مالها أصل

والله يشفيهم من هالمرض النفسي

الحل الأمثل علشان نتفادى هالأشياء .. فيه جهاز يكشف لك الأجهزة المزوده بالكاميرا وتم نشر هالجهاز في أغلب قصور الأفراح بالرياض .. وعقبال مايجي جامعتنا -->> تداوم بجوالها الكاميرا هي وثلاثه من صديقاتها ولا أحد مسكهم

ويوم شغلت البلوتوث لقيت أكثر من 15 جهاز وغير الأجهزة اللي فيها كاميرا بس مافيها بلوتوث وكلها مانتبهت لهم إدارة جامعتنا البايخه

ولا راح تنتبه

بقولكم موقف يدل على غباء المشرفات .. تونا طالعين من البوابه الدخول علشان نطلع على الساحه ومشرفاتنا يجلسون عند الباب دق جوال وحده من زميلاتي وكانت حاطه أغنيه وجهازها ماهو مزود بالكاميرا على طول مسكتها وقالت لها جوالك كاميرا هاتيه !! البنت ارتاعت وطيرت بوهتها قالت وش كمرته طالعي الجهاز مافيه شي قامت بتسوي نفسها فاهمه واخذته وتدخل على القائمه وتروح للاستديو تدور ومسكينه مالقت شي

اصلا المفروض تشوف من القائمه فيه كاميرا وإلا لا ماتروح للاستديو !! من جد غباء عندنا لا يعلى عليه

عاد زميلتي المسكينه أرتاعت وقالت الحمدلله أنها تأكدت ولا ظلمتني وركبتني بسيارة الهيئه ---> يحبون يتمسخرون عليهم وعلى سياراتهم الصغيرة خخخخخخخ

إقتباس


	طيب لو انها مصورة في كاميرا ديجتل أو فيديو صغيرة وش بتصير المشكلة ..الجوال والا الكاميرا ..يعني المفروض يمنعونهن كلهن ..

مايقدرون يمنعونها .. أصلاً أحنا ماعندنا إلا الكلام وبس تطبيق مافيه

فيه كاميرات ديجتل صغيره مره مامنعوها وهي لها أكثر من سنه موجوده !! كذلك الأجهزة الجوال قبل لا يطلع الجيل الثالث كانوا سامحين بدخول المملكه المطور و الكاميرات اللي تتركب على أجهزة الجوال !!
يقدرون يمنعون الأجهزة بعد مانتشرت !!!

يسلمو خيو برآيه على هالنقل

...

الفيروسه الزرقاء