السلام عليكم وصباح الخير جميعا

مشكلة تكتب رد كلثومي ويعلق النت ويروح عليك

أبو عابد البنز ياخي خلك كثير زي بعض الناس
بس لاتحرمنا من كلثومياتك

زمان عن عبدالإله وعبدالإله
ليه دائما تكتبون في صفحة واحدة

بالنسبة لعبدالإله الأول (قاهر الظروف)

اتفق معاك في إن الدفاع اهم مافيه تنظيم عناصره أكثر من اسماء عناصره
تنظيم الدفاع هو اللي يكسب الدفاع قوته وهيبته
مو بس تنظيم بينتيز ومورينهو وفيرجسون وانشيلوتي وغيرهم
حتى فرق صغيرة في الدوري والمنتخبات يكون عندها مدرب صاحي ينظمم دفاعهم بطريقة تخليك تشك غن قلوب الدفاع فيردناند وفيديتش

حنا مشكلتنا في نقطتين

الظهير الأيسر (مارسيلو واربيولا)
وقلب الدفاع (البايول وقاراي)

بالنسبة للظهير
فمورينهو جاي وهو عارف الوضع وقعد مع الفرييق ودربه وجربه في مبارتين، وماجاب طاري إنه يبي ظهير
معناها مقتنع باللي عنده وشايف إنهم ينفعون لتكتيكه وخطته
الكلام عن مارسيلو ماراح أزيد على اللي قاله جهاد أخو سفيان (والله والنعم فيكم)

لأن فعلا مارسيول واربيولا مكملين بعض، ومارسيلو كلنا شايفين تطوره الكبير من سنة لسنة، توهانه الدفاعي بيروح مع توجيهات وتدريبات مورينهو

بالنسبة لقاراي والبايول
على أغلب الظن راح يكونون احتياط ل بيبي وراموس
لاعبين صغار وقادرين يتطورون تحت يد مورينهو
وحتى إذا أخذنا بالاعتبار كلام أبو يوسف التقليد
إن مايكون ماجا وبيبي مصاب

ويصير البايول وقاراي قلوب دفاع
ممكن مورينهو يحل المشكلة هذه بوضع محور دفاعي بحت قدامهم (لاس او ديارا) يساندهم وملزوم بالدفاع فقط وقدامه يصير خضيرة والونسو يحفظون توازن اللعب

ياجماعة الخير ترى مورينهو مدربنا
انا ماقول إن معاه عصا سحرية عشان مايجي ينبرش على ابو دحة (الله يقوم الوالد بالسلامة وترجعون سالمين إن شاء الله)

لكن عطو سداح فرصة يتكتك وينظم على كيفه

وجوابا على سؤالك يأبو خليل او (ابو يوسف التقليد)
ممكن نروح بعيد مع قلوب دفاع زي قاراي والبايول شرط أن التنظيم يكون موجود من قبل الداهية
شفناها كثير قبل كذا مع فرق حققت بطولات ودفاعهم ماعندك احد

نجي لعبدالإله الثاني (ملكي مخلص )

معاك في كل نقطة ذكرتها عن البنز
الحين أنت تبي البنز وهيقوين يلعبون سوى
هي صعبة عشان مككن تضحي بلاعب زي كاكا او كاناليس فيها
وممكن تكون صعبة عشان توازن الفريق
لكن موب مستحيلة

لو جينا لخطة المثلث (الحين بيجي ابو العز )
حقت الانتر مع تغيير طفيف فيها

كاسياس

مارسيلو بيبي راموس مايكون

الونسو جاجو
فارت (خضيرة أو حتى كاناليس ) لأن كاكا ماينفع هنا

البنز كريس

هيقوين


البنز موب غريب عليه هذه الخانة لأنه تقريبا كان يلعب كذا مع ليون وتقدر في الحالة هذه تلعبه خلف هيقوين
لكن عشان تتطبق الخطة هذه صح
اولا لازم أظهرتك تكون هجومية اكثر عشان تعطيك النجاعة الهجومية الصح او على الأقل احد الاظهرة زي مايكون مثلا
لازم ثلاثي المثلث اللي في الوسط يكون متفاهم صح ويقوم بأدواره صح لأن كل الخطة قايمة عليه وهو اللي بيعطي التوازن الدفاعي والهجومي للفريق وبالذات لاعب رأس المثلث
أخيرا وهو الأهم
هيقوين والبنز وكريس بتكون عليهم ادوار دفاعية لازم يطبقونها، وبالذات البنز وكريس لازم ماساندة لاعبين الوسط وحتى الأظهرة زي ايتو وبانديف مثلا مع الانتر

إذا قدر فريقنا يلتزم بكل هذا
وقتها نقدر نقول ينفع يلعب البنز وهيقوين مع بعض
بس في الخطة هذه بتضحي بكاكا
يعني نقدر نلعبها لين نهاية الدور الأول

أخيرا اسئلة أبو اصيل

جواب أول ثلاث اسئلة
مايكون
والأخير بصراحة بدررررررررررررري نحكم على مورينهو في الفريق وتنظيمه
خاصة إني ماشفت المبارتين

امس تابعت تسجيل لمباراة البايرن ضد شالكه في كأس السوبر الألماني

البايرن رغم غياب روبين وريبري كان جدا ممتاز بصراحة
فان جال ملعب أوليتش جناح ايمن (مكان روبن) وحاط مولر يسار وقدامهم كلوزه
وشتايجر وراهم مسوين شغل

مباراتنا معاهم راح تكون تجربة ممتازة للفريق قبل بداية الموسم
وكان ودي نحرص على هذا النوع من المباريات اكثر

على فكرة وش سالفة العيييييير اللي في الماركا اليوم
من كبره ماكفى الغلاف
موب كأنه يشبه ديرنثي بس أب سايز

اللي عنده معلومات عنه
أهدافه، طريقة لعبه
سجله الإجرامي
أي شيء يعطينا اياه

ظنتكم رمضان بكرة
مالها داعي امسك الخط وانا صايم

للجميع

أبو يوسف Original