| هادي آثار التربية الصالحة
والله مره كنت في غرفة الانتظار في وحده من المستشفيات وكانت جمبي حرمه يعني يمكن عمرها 25 سنه ومعاها ولدين تجي أعمارهم 6 و 3 سنين كانو يضاربو مين يسلم على يد امو قبل التاني ولأن الأم كانت تكلم جوال فكانت بس يد وحده هيا الفاضية فكانو يضاربو على هادي اليد وكل واحد ياخد اليد ويبوسها ويرجع التاني ياخدها ويبوسها وقعدو كدا يمكن دقيقتن الين الولد الكبير قام وسلم على راس امو قام التاني سلم على راسها وانتقلت المضاربة من اليد الى الراس الين صدعو راس امهم وقالتهم يجلسو وسلمت على يد كل واحد فيهم
اقسم بالله انو كل اللي كانو معايا في الغرفة اللي تبكي واللي تتصل على امها تسأل واللي تتأسفلها
وبس توتا ما توتا خلصت الحتوتا | 