السلام عليكم ورحمة الله وبركاته

معليش كنت مسير على رابطتي الثانية اللي جبت فيها العيد امس
بس حلو شغل الاستفزاز يسوي اكشن في الرابطة

أبو العز
ياخي دامك تشجع تشيلسي وش جابك رابطتنا الثانية
انتظر لين القالك واحد في المان سيتي زي جرانيرو ، وقتها تعال نتهاوش عليه هناك
معظم عيال رابطتنا في الرابطة الثانية هناك
كله هروب من الدكتاتور
ناقصنا بس عبدالله (بنزيما)
تراهم يمدحون فيرجسون هناك كثيرررر

أحلى ويلكمو لأبو عابد (عاشق الزعيم) اجل مخضرم
والله المنتدى ذا عليه حركات
بالمناسبة وش الفرق بين زعيم نشيط وزعيم فعال
يعني مين فيهم الملازم ومين النقيب ؟

نجي لمبارتنا امس

مين كلام الشباب
إن الريال كان جايب العيد في الشوط الأول وكان ممتاز في الشوط الثاني
يعني جرانيرو وديرنثي اساسيين وش متوقعين يكون فريقنا

بصراحة انظلموا البنز ودي ماريا بالذات إنهم لعبوا مع تشكيلة الشوط الأول
واضح إن مورينهو بيعتمد على فريق الشوط الثاني اساسي

مع وجود ماكيون ظهير ايمن
وراموس بجانب بيبي قلوب دفاع
واربيولا او مارسيلو في الظهير الأيسر على حسب خصمنا
وخضيرة مكان جاجو لكن مو الحين، لين مايتعود على لعب فريقنا

دي ماريا بيكون احتياطي لكريس وبيدرو ليون
فار لكناليس (الله يحفظه بس ويبعد عنه العين والصحافة )
والبنز بديل لهيقوين (أفضل مهاجم في العالم)
كيفني معاك فهد انت و أبو أصيل
لا من جد الحاسة التهديفية لهيقوين صايرة ممتازة جدا
وعلى كلامكم إنه صاير متفاهم هو وكريس كثير
عكس العام الماضي اللي كانوا يتنافسون فيه على هداف الفريق

قلتها قبل في نقاش مع أبو العز
فريقنا يتميز عن الفرق اللي دربها مورينهو قبل
في إنه أسررررع وأمهرررر وأصغر عمر

فريق كله حيوية ونشاط
بس مورينهو يضبط نفسيات اللاعبين ويعطيهم شوية تكتيك
ويخلي الباقي عليهم وعلى مهاراتهم

اعتقد إن فريقنا بيكفيه التعاقد مع مايكون عشان نبدأ الموسم
واضح غن مورينهو مقتنع بالهجوم اللي عنده ومقتنع بالاظهرة اليسار اللي عنده

لكني اشوف إن عمر اوزيل ومهارته وسعره
فرصة لاتعوض بصراحة

خلصنا مباريات امريكا ووقتها البايخ
ورجعنا لأوروبا
نلعب ضد البايرن وستاندر لييج
وقتها بيتضح أكثر استعداد فريقنا للموسم القادم
بيعرف مورينهو فريقنا اكثر وإمكانيات لاعبيه
وإن شاء الله تكون تأشيرة خروج لديرنثي وجرانيرو تحديدا

اليوم أحد مافيه اخبار، بكرة إن شاء الله يبدا الأكشن
مع الحلقات الأخيرة لمسلسل مايكون
لازم يخلصونه عشان رمضان قرب

بالمناسبة

كل عام وانتم بخير
وشهر مبارك على الجميع

أبو يوسف