نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

عـــ الزعيم ـــاشق · #1453 08/08/2010, 10:05 AM

باك يا أحلى رابطة

ألف مبروك الافتتاح + مورينهو + الفوز + التعاقدات << يا إلهي كم لبثنا

مبروك للجميع على المناصب الجديدة ماشاء الله صارت الواسطات كثيرة في الرابطة ( مشرفين , أعضاء لجنة اعلامية , رؤساء

) مبروك سليم , ابو دحه , وكل أصحاب المناصب الجديدة ..

الله يعطيكم العافية على المجهودات الخرافية في الرابطة من أخبار ونقاشات وتغطيات بقيادة المؤسس ابو اصيل وابو زقارة ( حكيم ) والريس سليم والبلانكو 7 ولايهونون باقي الأعضاء وعيال الكاستيا ( الأعضاء الجدد

)

مباراة اليوم أتوقع مشت بالطريقة الي كان يتمناها مورينهو .. الشوط الأول بالفريق الاحتياطي ما عدا راموس وجاراي ولاس .. اختبار ممتاز للفريق الاحتياطي الذي خسر بهدفين دون مقابل .. واختبار ممتاز للفريق الأساسي لتحمل ضغط التأخر بهدفين ومحاولة قلب النتيجة .. والحمدلله انقلبت بنجاح ..

بينزيما يعيبه الحظ العاثر ! مسكين يكسر خاطري عنده الكثير بس حظه ماش ! دي ماريا متفائل فيه .. لاعب راقي وسريع ولمساته رائعة وشكل ثنائي جيد مع بنزيما في الشوط الأول .. فانديرفارت مشكلته ثقيل ! أدائه ممتاز وتمريراته رائعة ولكن يعيبه البطء .. جرانييرو حرام فيك 11 والله .. راموس أول مباراة بعد الإجازة صعبة نحكم على مستواه .. دوديك خلص تسديدتين خطيرتين بالإضافة إلى أنه لا يتحمل مسؤولية الهدفين ! الأول مستحيل عليه وتغطية الدفاع للركنية ما كانت جيدة والثاني ركلة جزاء من وجه النكبة ..

رونالدو هيجواين ! الثنائي الأفضل في أوروبا .. مارسيلو مظلوم إعلامياً هالولد بصراحة ! مستواه من بداية السنة الماضية وهو في كل مباراة يرتفع وأتمنى إنه يستمر على كذا .. كاناليس بيدرو مستقبل ريال مدريد ! أتمنى مايجيهم الي جا قرانيرو بعد النفخات الإعلامية .. تشابي ألونسو حرية تامة في الملعب بعد تقييد قاقو في المحور الدفاعي وبصراحة بدينا نشوف ألونسو الليفر .. بيبي وحش .. كاسياس ! يكفيني صوت الجمهور إذا وصلتك الكرة يا كابيتانو

نسيت لاس الي قدم شوط أول مميز .. وأتمنى بقائه مع قاقو وخروج مامادو الأب الي للأسف مستواه انحدر وبقوة ..

أما درينثي !!! راح أكتفي بهالإقتباس

إقتباس

الرسالة الأصلية كتبت بواسطة R D H


	ياجماعة الخير قلتها من زمان .. هاللاعب عنده مشكلة ( أزليه ) .. مشكله تهدد مشواره الرياضي . وهي أنه ( التوازن ) عنده صفـر .. فكيف للاعب مثل هذا ممكن أنه يلعب ( ظهير ) أو ( جناح ) . يعني يحتاج لسرعه .. يحتاج لقوه بالاحتكاكات .. وهذا ممكن من أقلها شي ينقلب ويطيح . من يرجع لكثير من مبارياته معنا .. ستجدون طيحاته ( كثيره ) بدون ما احد يلمسه . بالله واحد مثل هذا شلون بيلعب ظهير ؟! من يعود للكلاسيكو ( 2 - 0 ) حق عارضة كانافارو .. رح يشاهد لقطه لدرينثي تعتبر الأمتع في تاريخ الكرة . كان متقدم بالهجوم .. والكوره هجمه مرتده من برشلونه على مرمانا .. إلا ويجيك أبو الشباب منطلق بأسرع شي مسوي بيقطع الكره ويوم يوصل عند حامل الكره يطيح طيحه شنيعه بدون ما احد يلمسه . قسم بالله لقطه تفطس من الضحك . هو من ناحية سريع .. سريع جداً .. لكن سرعه على غير سنع .. تحس انه فيه شي غلط في توازن المركبه ويخليها تنقلب لما تسرع .. عاد واضحه بالله اللي عنده اللقطه يجيبها ياشباب .. حقت درينثي اللي قلت عنها .. درينثي .. لازم يروح .. لا تقولون اعاره ويتطور ومدري ايش .. لأن مشكلة اللاعب ازليه وعيب في تركيبة جسمه دُمتم بأجمل حال

أول مرة بحياتي أضحك هالضحك على رد من الردود

في الصميم وربي

بالنسبة لموضوع مايكون .. كل الصحف والمواقع تؤكد بأن الثلاثاء القادم سيكون يوم الحسم .. وأنا متأكد أيضاً بأنه سيكون يوم الحسم .. تصريح مورينهو الأخير وتلميحه للإدارة بهدية عيد الميلاد تكفي للضغط على بيريز وفالدانو بسرعة التعاقد مع لاعب في خط الدفاع .. وبما أن الأقرب هو مايكون إذاً الإدارة مضطرة للإسراع في التعاقد معه .. والرقم 2 أقرب له من الرقم 13 الي أخذه أدان الحارس الثالث ..

أتوقع راح يتم إغلاق السوق على مايكون + مهاجم من طراز نستلروي ..

متفائل بموسم خيالي لريال مدريد ..

لنا عودة ..

تحيتي .,,.