07/08/2010, 01:49 PM
|
 | عضو استشاري سابق للمجلس العام | | تاريخ التسجيل: 22/01/2008
مشاركات: 5,320
| |
مؤيد وبقوة.
لازم يصير فيه شي يفرق بين الطلاب ويحدد مستوياتهم.
والا اذا ما تبون , على كذا الصايع اللي هو الصايع بيجيب 100% بأهلية ويدخل طب !!
من اول كانت اختبارات الوزارة موجودة , شي يضيق الصدر صراحة !!
اسئلة تعجيزية واشياء من بين السطور !!
الحين المسألة سهلة , اهلية او حكومية ما فرقت , لكن دور مدرسة عندها مدرسين يعرفون يشرحون !!
اتكلم عن مدرستي؟ , ضغط ونظام وملعنة خير تكرهك بالمدرسة وتقول ياليتني بحكومية.
آخر شهر يسوون تقوية تطلع منها بـ10 اوراق , ذآكرها وتجيب درجة كاملة وانتهينا !!
بس فعلاً يعرفون يشرحون وكذا , وعلى قولة استاذ الكيمياء: اهم شي نفهّم ثم نلخّص !!
اختبار القدرات من اروع ما يكون, والله سهل سهل سهل لدرجة ما تتصورونها.
يعني المسألة كأنها الغاز , موب لازم قوانين وما قوانين , عندك لكل سؤال دقيقة , ممكن تحله بالتعويض , او اي طريقة ثانية.
واللغة العربية كلمات سهلة وواضحة , صح انه ربعه يجيك فيه لحسة , بس سهلة ما عليها.
التحصيلي هو الزبدة 
هو اللي عليه الكلام
بس ولو تقدر تدبر عمرك
التسجيل فيه كان يفتح 15 / 6 , رجعت البيت على طول وفتحت اللاب ودخلت الموقع ولقيتهم ما فتحوا التسجيل.
وما بين انتظار الين فتح وسجلت وسددت في ظرف نص ساعة
كله عشان القى لي محل في آخر يوم ويصير عندي وقت اذاكر.
سجلت في معهد رائز عشان التحصيلي قبل الاختبارات النهائية بشهر.
واحضر المعهد ويشرحون لي ومدري ايش ولا استفدت صراحة , شرحهم سريع سريع , الاستفادة الوحيدة اللي اخذتها منهم هي المذكرة.
عليهم مذكرة حللللوة , صح انها 250 صفحة الظاهر , بس ولو تضل ملخص.
وبعد الاختبارات النهائية ذاكرتها , وذاكرت رام , وقعدت اقرى في مذكرة مدرسة منارات الرياض
ما اخرني الا الاحياء , لأني ما احب الحفظ
والنتيجة لله حلوة
زبدة الكلام اللي فوق كله , النظام هذا افضل من نظام اختبارات الوزارة بمراحل.
بالعكس شد حيلك اسبوع قبل التحصيلي وانتهينا!!
في الفصل الاول العام الماضي , رحت اختبر قدرات يوم الخميس صباحي , قابلت ابراهيم (I B R A H E M) في ذاك
اقسم لكم بالله اقل درجة جبتها جبتها في ذاك الاختبار 
حسبي الله عليك يا وجه النحس  |
