السلام عليكم ورحمة الله وبركاته

صباح الخير جميعا
زمان عنكم

قبل كل شيء
الله يحيي الأعضاء الجدد بين اخوانهم في الرابطة (اسامة والسلهب) ولا يهونون الباقيين
وإن كان واضح إنهم جدد وموب جدد


مبروك الفوز الأول بقيادة مورينهو
يازينه وهو مكشخ على الدكة حقتنا
من جد هيــــــــــــــــــــــبة

وإن شاء الله بنبارك لبعض الفوز في السنة هذه كثييييييير

من الأهداف اللي شفتها ومن كلام الشباب هنا
واضح غن فريقنا صاير اكثر حيوية واكثره شباب

فريق كامل مافيه احد فوق الثلاثين
كيف بس

وبما إنها مباراة ودية أولى قدام فريق عادي
فلا تاخذنا العاطفة بزيادة ونطير باللاعبين اللي ابدعوا
ونخسف باللاعبين اللي جابو العيد
حتى لو كان جرانيرو نفسه

بدري على سالفة ماعاد ينفع ومانبيه
اللاعبين من زمان عن المباريات الرسمية
ومدرب جديد

عطوهم فرصة على الأقل لنهاية الوديات
طبعا انا اتكلم عن اللاعبين اللي وضعهم حرج
وتحديدا
( ديارا- لاس- ديرنثي- جرانيرو)

نجي عاد لموضوع كاكا

اشوفه غلطان في إنه تأخر لين الحين في موضوع إصابته وعمليته رغم إنه عارف إنه فيه شيء غلط وماحرص على هذا الشيء
وبيغيب تقريبا لنهاية الدور الأول في الدوري وفي دوري الأبطال
واللي منضر من كل هذا هو الريال

لكن إذا خذت الموضوع من جانب كاكا نفسه
فأنا مع كلام اخوي اسامة
لو إني محل كاكا بسوي نفس الشيء
وبجازف باللعب في كأس العالم وانا مصاب حتى
برازيل دونجا تعتمد بشكل اساسي على كاكا في خطتها خاصة بعدم استدعاء رونالدينو
اللاعب هو اللي شايل آمال دولة كاملة في كأس العالم وكل العيون حوله
تخيلوا البرازيل ماخذه كأس العالم
كاكا بالراحة بيصف جمب اساطير البرازيل بيليه وروماريو ورونالدو وريفالدو اللي خذوا كأس العالم قبل
بيتفوق على زيكو نفسه
كل هذه الأشياء تخليه يجازف يلعب كأس العالم حتى لو كان مصاب

لاعبين كثير جازفوا يلعبون كأس العالم وهم مصابين
(كاكا- روبين- دروجبا) وحتى بيرلو بعد
شيء مايصير إلا كل اربع سنوات
محد يلومهم

خلونا ناخذ النظرة الإيجابية في الموضوع

كاكا راح يغيب عن بداية الموسم، يعني عن المراحل اللي ماتحتاج الحسم
وبيرجع إن شاء الله في المهم
وبيكون أفضل بكثير من كاكا اللي شفناه السنة الماضية

واللي بصراحة ماشوفه زي ماذكر اغلب الشباب كان فاشل جدا
انتم كنتم تبون كاكا 2007 تبون كاكا يعطي 10 من 10
السنة اللي راحت كان معقول وعطاكم من 6 إلى 7 من 10

وخذوا عندكم مباراة البارسا في الكامب نو، ومباراة ميلان في السان سيرو
كاكا كان أفضل لاعبين الريال في المبارتين
حتى ليون في الإياب كان بجانب كريس وقوتي أفضل لاعبين الريال في الشوط الأول قبل مايجيب العيد بيلجريني

أهم شيء إذا رجع يعرف يوظفه مورينهو صح لصالح الفريق

خلونا الحين نتعامل مع الواقع اللي عندنا

كاكا مصاب لأربع شهور
من يقوم بدوره من الأسماء الحالية
(كانليس- فارت) تحديدا
الأول صغير وصعب نحمله هذا الضغط من الحين، خصوصا إنه جاي من راسينج فريق هو نجمه الاول لفريق كله نجوم
اعتمادنا عليه سلاح ذو حدين
يايبدع ويشيل الخانة صح وقتها بنشوف لاعب خورافي
او يكون سيء والجمهو وصحافتنا العسل تجيب العيد فيه
وبتخسر موهبة في أول حياته
ودي نعتمد عليه بس بشكل تدريجي حبة حبة

بالنسبة لفارت، صعبة يقوم بدور كاكا طوال غيابه، مانقدر نعتمد على فارت 100% لياقته وإصاباته الكثيرة تقلق

عموما خلونا نقول اعتمادنا على بديل كاكا يكون الخيار الثالث C

أول خيار A
هو شراء اوزيل
باقيلك ثلاث اسابيع على سوق الانتقالات
وعندك لاعب يقدر يقوم بدور كاكا وسعره رخيص وناديه موافق على التفاوض
وماعتقد إن بيكون عنده مشكلة إنه يجي

ثاني خيار B

يلعب مورينهو بخطة ماتحتاج كاكا ولا بديل لكاكا

زي مثلا 4-2-2-2

وتكون بهذا الشكل

خضيرة الونسو

دي ماريا بيدرو ليون

كريس
هيقوين (البنز)

وممكن يلعب بكريس بدل بيدرو ليون كجناح، ويلعب بالبنز خلف هيقوين

وبنفس الأسماء ممكن نلعب بطريقة

4-2-3-1

بحيث يكون كريس على نفس الخط حق بيدرو ليون ودي ماريا كصانع العاب وله حرية الحركة على الاجنحة او حتى كرأس حربة ثاني

مورينهو يقدر الخيارين B و C
يغير بينهم وينوع في التكتيك على حسب الخصوم

لكن ما اتمناه يعتمد بشكل رئيسي ودائم على خيار كانليس وفارت


الحين انتم عندكم كيلو خيار
شوفوا أي خيار يعجبكم؟

اعتبروها دعوة للنقاش

ادري إني طولت عليكم
بس كالعادة ماجبت شيء جديد
احب ام كلثوم

حايلي تسلم على السؤال لك

قفلة

عشاف السينما الأمريكية لايفوتكم فيلم
ليوناردو دي كابريو الجديد
Inception
فيه لحسة مخ مو طبيعية

للجميع

ابو يوسف