نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

wAiLi · #1 07/08/2010, 03:13 AM

بسم الله الرحمن الرحيم

السلام عليكم ورحمة الله و بركاته

كل عام و أنتم بخير بمناسبة قدوم شهر رمضان المبارك

أسئل الله أن يعيده علينا وعلى الأمه الأسلاميه بالصحه والعافيه يارب

(( معاناتي مع والدي مازالت مستمره ))

مادري من وين أبدا ومادري شلون أعبر عن حزني الشديد

طبعا أنا متخرج من الثانويه العامه ونسبتي مثل وجهي ماتشد الظهر

قدمت على الجامعات والكليات محد قبلني الأ كلية التقنيه ومالقيت الا قسم واحد الي هو تقنية كيميائيه

عاد الشكوى لله مافي الا قسم واحد وأنا يالله نجحت في الكيمياء الثانويه وبصراحه دخلت علشان أبوي مايزعجني

المهم درست سنه وماتوفقت فيها وجلست عاطل 4 شهور بدون وظيفه يجيني الخناق من الوالد و أتحمل

وكل ما أروح عند أصدقائي يرفض أروح مباريات للهلال يرفض كل شي ممنوع

طبعا أكثر حضوري لمباريات الزعيم على حساب أصدقائي و انحرج منهم كل شوي وهم دافعين

واذا عطاني فلوس عطاني 10 أو 30 ريال << حسيت أني بنقالي

طبعا الفلوس الي يعطنيها يذلني فيها ومت من القهر وصرت ما أخذ ولا ريال واحد منه

ومن قرادة حظي اليوم خذت سيارته ورحت لمشوار مع اخوي ورجعت طبعا قبل لا أروح أستأذنت منه

وهو وافق قال خلاص رح بس لاتطول قلت له أبشر

ويوم رجعت للبيت الا اشوفه قدامي نزلت من السياره وعطيته المفتاح ودخلت البيت

مادريت الا اسمع صوت ابوي خناق قلت بس الله يستر لايكون أحد مات ولا شي

المهم دخل عندي قالي أنت سربوت و بهيمه ليه تصدم على سيارتي

قلت له يابن الحلال و الله العظيم ماصدمت لو أني صادم كان قلت لك

سبحان الله ماركز على سيارته الا يوم أنا أخذتها ؟؟

ويخانق ويخانق ويذلني على المعهد الي هو مدخلني فيه

ودي يخانقني لحالي مو قدام الناس في الشارع << تحطمت شخصيته

بصراحه كرهت الدراسه كرهت كل شي بسبته

بس أنا متحمل علشان أمي والله ودي أسحب على المعهد

و أدخل العسكريه وأصرف على نفسي وعلى أهلي << يكره العسكريه

بس الوالده رفضت وقالت لو تترك المعهد ماراح أسلام عليك

عاد قلت لازم أشوف لي وظيفه مؤقته لين أتخرج من المعهد

وقررت أني بتوظف مسائي حارس مستودعات أو حارس أمن << ونعم الطموح

بغني نفسي وبغني أهلي معي

أأأأأخ بس متى تمر السنه ونص علشان أرتاح و أفتك من العيشه الي أنا عايش فيها

وش رايكم أسحب على المعهد و أسجل في العسكريه ولا لا ؟؟؟

تحياتي لكم أخوكم سعوووود