إقتباس Madridi

من امس ودي ارد عليك بس للاسف الرد كان جاهز لكن مصدر الاسعار الجديده ما كان عندي
لكن اليوم قدرت اتحصل عليه من موقع الريال الرسمي ..

مسئلة الحضور الضعيف الموسم الماضي غريبه جدآ ولا ارى لها اي سر رغم ان الفريق
كان افضل من الموسم اللي قبله لا على المستويات ولا على النجوم الموجودين فيه ..

فريق فيه كاكا ورونالدو .. كيف ما تحضر له وتكحل عيونك بشوفته على الطبيعه

ربما الامور الماديه والازمات الاقتصاديه هي السبب عن قلة الحضور وانخفاضه
عن الموسم الماضي ..

نترك الموسم الماضي على جنب ونتكلم عن الموسم القادم ..

اذا كان الموسم الماضي شهدة ضعف جماهيري اجل وش راح نقول عن الموسم القادم
والاخبار تقول ان الاسعار ارتفعت ثلاث اضعاف وهذا ما تم ذكره في موقع الريال الرسمي
والجمهور الاسباني متذمر ومتضايق من الاسعار الجديده واكيد راح يكون فيه انخفاض اقوى
من اللي حصل الموسم الماضي .. بيني وبينكم الاسعار نار حتى لو كان فريقي في قمته وفيه
كل النجوم .. لا تنسون الازمات الماليه وان اسبانيا تعيش ايام صعبه وقريبه من الافلاس بعد
ما افلست اليونان وبعدها البرتغال .. العالم كله يشتكي من الازمات المادي وهذا ما شاهدناه
في الميركاتو الصيفي شفنا كيف الانديه ما تدفع كثير واكبر صفقه في هالميركاتو كانت
للاعب فالنسيا سليفا ..

الحضور الجماهيري .. من اقوى المداخيل على الفريق ومتى ما قل الحضور طبيعي راح يقل
دخل الفريق .. وهذا ما نتمناه يصير لكن بعد صدور الاسعار الجديده والمضاعفه صعب نطمح
بـ ان البرنابيو يمتلى عن بكرة ابيه الا في مباريات الكبرى مثلا الكلاسيكو وقمم لقاءة الابطال


الريال يدخل من الحضور الجماهيري سنويآ ما يقدر بـ 115 الي 120 مليون يورو

لو قدرنا ان معدل الحضور الموسم القادم بمعدل 40,000 متفرج
اعتبر ان الحضور جيد جدآ رغم ان البرنابيو يكفي 80 متفرج

ارجع واقول طموحي البرنابيو يمتلي كل مباراة لكن الاسعار نار
وتبدلت ثلاث مرات ..

إقتباس 1) السبب الرئيسي في العزوف الجماهيري ؟ ! رغم ان النادي وهو يخسر بشكل تاريخي كان الحظور اعلى !! ورغم ان اسعار التذاكر لم ترتفع بشكل كبير !

زي ما قلت الازمات الماديه

إقتباس 2 ) عودة الاولتراس ؟ من خلفها ، هل هو بيريز ؟ وان كان بيريز فهل الهدف اقتصادي ، ام لاعادة هيبة جماهير الريال ورفع معنويات الاعبين ؟؟ وهل سنجدهم الموسم المقبل ؟

اكيد بيريز وليس الهدف اقتصادي بل لجل اعادة هيبة البرنابيو ورعته
والبرنابيو لازم يكون الاعب رقم 1 في الفريق واكبر داعم له ..

انت تشوف ملعب اشبيليه واوساسونا كيف تكون ملاعبهم رعب
رغم ان افرقتهم اي كلام ..

اتمنى ان نراهم الموسم القادم واهم شي .. لا يجعلون الجماهير تكره
الحضور بسبب شغبهم وافعالهم اللي تسيء للريال قبل جمهوره

إقتباس 3 ) اسعار التذاكر ازدادت بنسبة 100 % تقريبا ؟ تفسيرك لهاالامر ؟ وهل راح يؤثر على الحظور الموسم المقبل ؟؟

تبي الجد انا مع ارتفاع الاسعار لكن بشكل متدرج يعني تكون مثلآ
مع بداية الموسم تكون التذاكر بـ ارتفاع 30% وفي منتصف الموسم بـ 50%
وفي ختام الموسم بـ 100% وفي المباريات الحاسمه والقويه بـ 200% الي 300%

مو معقوله مباراة في الموسم ومع سرقسطه او مايوركا واجي احضرها وادفع ما يقارب
80 الي 90 يورو صعبه ولله مهما كان السعر مرتفع جدآ ..




,,




سليم هذا رابط اسعار الموسم الماضي



http://www.realmadrid.com/cs/Satelli..._de_Abonos.htm


وهذا رابط اسعار تذاكر الموسم القادم



http://www.realmadrid.com/cs/Satelli...010___2011.htm



في الختام ..

من حق النادي يرفع الاسعار وهذا الشي من مصلحة الجمهور قبل النادي ادري بيجيني واحد يقول
كيف مصلحة الجمهور .. الارتفاع راح يفيد النادي من حيث تسديد الديون ومن حيث رفع مداخيل
الفريق ومن حيث تطور الفريق .. وتطور الفريق وقوته وارتفاع مداخيله شي يهم الجمهور والنادي


اتمنى اني اثريت الموضوع رغم ان حست شوي بالكلام ..