| يعطيك العافيه أخوي عبدالرحمن على الموضوع ،،،
إذا كان فيه أحد يلام بشكل رئيسي على موضوع المشاكل الحاصلة في الليغا الاسبانية واتساع الفجوة بين الثنائي برشلونه والريال مع بقية فرق الليغا فهو رابطة المحترفين الاسبانية ولا غيرها بعيد عمن يتكلم عن سوء في ادارات الاندية وغيرها وراح اوضح النقطة هذي لاحقا ... صحيح انك تطالب الاندية بالحفاظ على نجومها السوبر ستار لأن هذا حافز للشركات من خلال حقوق التسويق والاعلانات بسبب شهرة النجوم ولكن هؤلاء اللاعبين يطالبون بأجور مرتفعة ومع الازمة الاقتصادية وقلة المداخيل وارتفاع تكاليف أجور النقل وغيرها وتراكم الديون بشكل كبير صعب أنك تجي وتطالب هالاندية بالمحافظة على نجومها .
أرجع لنقطة رابطة المحترفين الاسبانية انا اعتبرها المسؤولة بسبب التقسيم الظالم لايرادات النقل التلفزيوني واللي تعتبر عادة من ابرز الموارد المالية بالنسبة للأندية ... بأي حق يتم استثناء برشلونه وريال مدريد من عملية البيع الجماعي لحقوق النقل التلفزيوني مثل بقية فرق الليغا ، يعني السنة هذي قيمة بيع حقوق الدوري الاسباني 500 مليون يورو مايقارب 50% من المبلغ يذهب الى البرسا والريال والنصف الباقي يتم تقسيمه على بقية الفرق الـ 18 في الليغا وتختلف المبالغ حسب نتائج الفريق وترتيبه ...الخ ، واذكر قبل فترة رئيس اشبيليه ديل نيدو كان له تصريح حول الموضوع وكان يطالب الأندية انها تجتمع وتعمل دوري خاص لها من 18 فريق بدون البرسا والريال إذا ماتم تعديل لنظام حقوق النقل التلفزيوني .
أعطيك الفارق بين الليغا وبين البريمير ليغ حتى الكالشيو راح يطبق نفس النظام هالموسم وهو عملية البيع الجماعي للأندية :
الدوري الانجليزي وهو أعلى دوري في العالم بيعت حقوق النقل هذا الموسم بمبلغ 1.179 مليار يورو ... هناك مبلغ ثابت يتم توزيعه على جميع الفرق الـ 20 ، وبعد كذا تختلف المبالغ حسب معايير محددة وهي نتائج الفريق ومعدل مشاهدة المباريات عبر التلفزيون والانترنت والحضور الجماهيري للمباريات ... يعني فرق مثل مانشستر وتشيلسي والارسنال وليفربول ممكن تبقى في الصدارة لكن البقية يكون لها نصيب جيد من الايرادات.
لو تم تطبيق نفس النظام في اسبانيا أكيد راح يبقى الثنائي برشلونه والريال في الصدارة بسبب معدل المشاهدة والحضور الجماهيري وتنافسهم الدائم على الصدارة ، لكن بقية الفرق ستحصل على مبالغ اكبر وماراح تكون الفجوة بهالشكل الرهيب ... يعني في اسبانيا زيادة على ضعف المبلغ قياسا بالنجوم الموجودين في الليغا والسنة هذي ياتي في المركز الرابع بعد الانجليزي والايطالي والفرنسي نصفه محصور بين ناديين اثنين فقط .
يعني ماتستغرب على سبيل المثال فريق في البريمير ليغ في النصف الثاني من الجدول الموسم الماضي مثل فولهام وسندرلاند تكون ايراداته اعلى من فالنسيا واشبيليه ثالث ورابع الليغا .
تحيتي ،،، | 