01/08/2010, 02:44 AM
|
 | زعيــم متألــق | | تاريخ التسجيل: 21/08/2006 المكان: راحو الطيبين
مشاركات: 1,450
| |
الله ياخذ وجهك يالليموزين السعودي .. يآني ماذقت طعم النوم من بعدك
السلآم عليـكم ورحمـة الله وبركآتـه  + 
صحيح من زمآن عن ايقونة موضوع جديد . لكن هالمره الايقونه تضيق الصدر
ما أجيد المقدمات اسمحولي ادخل في السآلفه علطول
قبل امس اتصلت على احد الشباب ابي ابشره بقبولي بجامعة الملك سعود
قلتله : هلا فيصل وينك ؟
قالي : هلا ابوتركي انا بالبديعه شوي وادق عليك
قلتله : ليش وش فيك ؟
قالي : تكفى خلاص ابسكر يابن الحلال
قلتله : علمني وش فيك ؟
قالي : خويي بنت عمه خطفها ليموزين سعودي
قلتله : وشلون ؟
قالي : اخذهم من السوق هي وامها ووصلهم الى باب البيت , الام فتحت الباب وبيدها الاغراض ونزلت والبنت بالسياره تجمع الاكياس
قلتله : وبعدين ؟
قالي : وحطه بواحد ومشى والى الحين مايدرون وينها
قلتله : كم عمرها ؟
قالي : 19
قلتله : عندها اخوان
قال : ايه ثلاثه وشبآب بعد
قلتله : حسبي الله ونعم الوكيل
بعدها رحت البديعه ومعي 8 لكن مافي فايده , مافي لفه مادخلنا معها , مافي حاره مارحناها
جنوب , شمال , شرق , غرب
والى يومكم البنت مايدرون وينها
موآصفآت السيآره ( النترا ابيض , تضليل z1 , اول ارقام الليموزين للرقم التسلسلي 700 )
اللي يشوف مواصفات هالسيآره يبلغني ضروري
بس ودي اوجه سؤال واحد للبنات الحين
عندكم نيه تركبون ليموزينات بعد كل اللي نشوفه بشكل يومي ؟
الله يحفظنا من كل شر
والله يجعل كل مسلم بخير  |
