السلام عليكم


من مبطي ما سولفت معكم ياحلوين << برا

إقتباس عيال بغيت اسال عن تي شيرت اليوفي البيانكونيري هل نزل بالرياض وخاصه متجر اليوفي لان امس حصلته وشريته بس مالقيت الابيض وشريت برشلونه السماوي لاخوي طبعا والعيال يقولون برشلونه سعره بالرياض 700 وهنا بـ250 ليش اللعب والجشع وذولي كفار وحنا مسلمين

بدر تدري اني اطلب من موقع من انقلترا طقوم 5XL و 6 و 4XL اصلية وبسعر ما يتعدا 150 ريال مع الشحن بعض الاحيان ؟

اطقم الاندية الجديدة كلهن اسعارهن 250 بالكثير مع التوصيل الى حد باب البيت


بالنسبة للتجار ترا ياشباب فيه تكاليف للشحن لاتحسبونهم يجيبونهن مثل غيرهم عشان كذا نلتمس لهم عذر


وباني جبت طاري الموقع الانقليزي واني طلبت خل ابقول لكم عن اللي طلبته منه



طلبت طقم تشلسي 2008-09 الاساسي 4 اكس لارج ( اصلي طبعا ومن النادي مباشرة ) بـ 60 ريال مع الشحن وكانو مسوين عليه تخفيض اليييييييم

طلبت طقمهم الثالث 2008-09 الاسود 6 اكس لارج وبـ 60 ريال تقريبا مع الشحن

طلبت طقمهم السنة هذي الاساسي والاحتياطي والثالث وكلهن 4 اكس الا الاحتياطي 5 اكس وكلهن اسعارهن ما تزود عن 150

فيه طقم انقلترا حق العام الاحمد طلبته بـ 60 ريال تقريبا

وطقم توتنام هوتسبيرز 4 اكس الاساسي بـ 120 ريال تقريبا



انا اتحداكم كلكم ياشباب اذا بتحصلون هالطقوم هذي هنا وبنفس المقاسات وبنفس السعر !!!



واي واحد يبين اطلب له اي فنيلة لاي نادي يامر امر يرسل لي ويبشر باللي يرضيه


( ترا كل الطقوم اللي ذكرتهن اصليات لكن بدون ارقام وتقدر تكتب الارقام عليهن لكن تضيف زود بالمبلغ )


الله يكتب اللي فيه الخير لنا جميعًا


( اسف على الشطحة ياشباب لكن هالموضوع كنت حاب اشارككم فيه عشان لو احد يبي اي طقم جديد او قديم ممكن افيده واحصله له )



يازين العيشة برابطة اليوفي وكل شي