نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - تشــــوف البـحـــر مسـتـــانــس .. وشلووون ماتستـــااانس ؟؟! ( 12 صورة من أروع ماصورت )

سعودي أصيل · #1 26/07/2010, 06:47 AM

السلام عليكم ورحمة الله ....

أدري لي فترة ماتشوفوني ... ولي فترة منقطع عنكم ...

لكن هي الدنيا مثل امواج البحر ... توديك وتجيبك ...

أشكر كل من طرق باب الرسائل يسأل عني .. وزاد عن ثلاث مرات وصار نشبة

اشكر كل من فقدني وسعى وهو يؤمل باني على قيد الحياة ... أشكر كل <<< اقول خلك من النصب وهات اللي عندك ... ((محد درى عنك ))

فعلا .. الدنيا لما تفكر فيها ... اقرب ماتشبهها فيه .. تشبهها بالبحر في تقلباته في اجواءه في هدير امواجه .. مرة تخاف منه .. ومرات تستانس منه ..

مرة تشوف الحياة بألوان زاهية .. ومرة تعيش بهموم تريك الحلو مرا .. وتنظر لألوان الطيف بأعين باهتة !! ....

البحر مرة تشوفه مستانس ومرة يشوفك مستانس .... ومرة تستانسون انت وياه

<< وصادفتنا هالمرة في بحر ينبع ...

تحديدا .. في (( الهيئة الملكية )) ...

وصلنا انا واثنين من خوياي ... وهاللقطة عند الشاطي

كان الجو ولا أحلى ... وقبل الغروب ... وحلفت علي سيارتي الا اوثق لها صورة ( وللتاريخ

) فكان هذا التجميد

من كلمة تجميد تحس اني فاهم

<<< ( ينرحم )

طبعا وأنا في وضع التبطح عشان اطلع باحلى الصور

مااخذت دقيقة ... ورجعت ابي البس لبس السباحة ... واشوف .. مافيه احد حول السيارة .. وين خوياي ؟!!!

والتفت جهة البحر ... والقى واحد منهم واقف بثوبه والماء ( يعانق ) فخذيه

ماصدق على الله يشوف بحر ..

... ناديته وقلت له يجي يلبس لانه اكيد ناسي نفسه

أما الثاني .. ماتشوف الا أمواج وشيء زي البياض بالنص

.. وتشوف رجول وهي تضرب في البحر تقل مروحة هوائية طايحة بالبحر

.. نعنبو ابليسهم ولا احد فكر ينزل الاغراض ويجهز المكان على الشاطي ويفرش الفراش .... حراام بالله كأنهم اول مرة يشوفون بحر ...
وعشاني حسيت بالشوق للبحر ماشرهت عليهم

... لبست اللبس واطمر بالبحر ومعي جوالي

وقبل ماانزل صورت البحر

نزلت بجوالي البحر ورحت جهة الشباب واخذت صورة للشاطي << شفتوا الفدائية

داخل البحر وهو متحمس .. شوف وجهه تقل ناوي على كدّة

يقول ان امنيته يكون غواص .. لكن ما أخذ ثانية غاط راسه بالبحر الا وهو طالع وناشق من الماء

أما انا ماابي اعلمكم كيف كان جوّي

... والحق لله اني ماودي احد يمسك الجوال في البحر غيري ... بايع جوالي انا

.. يطيح من يد واحد فيهم .. وانا اللي مجمع فلوسه بشق الانفس

طبعا وانا اسبح كأني لمحت باب السيارة حق المعاون مفتوح

... هذا ماصدق يشوف البحر وترك البااب مفتووح

...

بس في هذه اللحظات يوم اشوف عدم التنسيق والعشوائية ومظاهر الفرح في الوجوه .. حمدت الله وحسيت اني كسبت اجر في هالضعوف اللي معي ... وانا منهم

<< عشان كذا حبيت يدي عرفانا لنفسي بالجميل

رحت صكيت الباب وقلت دام اني طلعت بروح جهة المكان اللي فيه القوارب احجز قارب نص ساعة ... اسمعهم يقولون اذا ركبته يجيك دوار البحر .. وانا بشوف كيف يجي هالدوار ووش احس به اذا جاني

.. ومع هذا التشويق وصلت للعامل المسؤول عن القوارب .. وقلت له بحجز نص ساعة .. قال تبي قارب كبير او وسط او صغير ... قلت ابي صغير يكفي ... قال .. صغير نص ساعة مية ريال

طبعا أول ماوصلت جملته لاذني وترجمها مخي .. ارسل مخي اوامر لأعصاب الجسم كامل بأن أعطيه ظهري وارجع للعيال اسبح ابرك !!

يشجعون السياحة الداخلية !! أجل نص ساعة بمية ريال .... في النرويج اللي هي النرويج ومع جمال الطبيعة وعذوبة البحيرات وصفاء الأجواء ... تاخذ قارب بنفسك انت اللي تسوق مو هندي

.. تاخذه بتراب الفلوس وتلف فيه وتلف فيه ليييين يجي للقارب دوار مو انت ...

لكن مايمنع ان صيفنا مع أهلنااااااااااااااااااا ..... أحلى

وانا راجع اخذت صورة للقوارب المصدية

رجعت لخوياي ورجعت اسسسبح لييين تعبى راسي ماء ... بعد ماكيفنا وطيحنا اللي بروسنا وكانت الأجواء بالليل حلوة نوعا ما ... لان الرطوبة كانت مأثرة شوي

جلسنا لييييين الفجر ورجعنا المدينة

...

قبل مااختم سلسلة الصور اللي بينبع ... اخترت لكم هالصورة وكان وقتها اول مادخلنا ينبع وحنا متجهين للبحر ... وقفت السيارة على جنب .... قالوا الشباب وش فيك ؟؟

قلت مكان حلو لتصوير الموتر

<< هم متشوقين للبحر وانا يابرود اعصابي

ورجعنا للمدييييييينة

---------------------------------------

صورة من الأرشيف في امريكا لمدخل ( البيت الأبيض ) من الجهة الجنوبية

لحد يصدق

.... هذي اول ما وصلنا المدينة بحمدالله .... وصلينا الفجر بالميقات قبل ماتشرق الشمس .... كان بداخل المسجد فناء وفيه هذا المبنى .. وصورته عشان اعلمكم ان الطبيعة عندنا والتصميم الهندسي للمباني ولا أروع

...

انا مابغيت اطلع

... وكل شوي اجيك من جهة واصور ..

لييين جروني الشباب بسموعي وطلعوني برا ...

يوم طلعت برا ... وشوف وش زين الساحة ... يــا الـــلــــــه

وخذ لك كم صورة ...

---------------------------------------

انتهت الصور ... وانتهى معها موضوعنا .... حبيت اعلمكم ان التنسيق مش ولابد ... اعذروني ... سويت موضوع بتنسيق حلو .. لكن مدري وش خلاني ادق الخلف بالغلط وينمسح كل شيء

ورجعت اعيده من جديد .. مع حماس اقل

---------------------------------------

على فكرة :

جميع الصور بعدسة NOKIA N97 MINI

---------------------------------------

ومضة :

عن أنس رضي الله عنه عن رسول الله صلى الله عليه وسلم أنه قال : (( لا يؤمن أحدكم حتى أكون أحب إليه من ولده ووالده والناس أجمعين )) ..اخرجه البخاري ومسلم

---------------------------------------

تحياتي
سعودي أصيل