السلام عليكم ورحمة الله وبركاته

اعتذر عن الانقطاع لان الكونكت خلصت

يبدو لي والله اعلم ان سوق اليوفي خلص تقريبا ويمكن تحصل صفقة تخلص من لاعبين فقط ويمكن يجي واحد
منهو عاد الله اعلم
المغادرين اتوقع تياجو وزيبينا

البقية بيجلسون


هل فيه تفائل للموسم الجاي ؟
للاسف لا
احس ان اليوفي بيرجع لمرحلة الجفاف اللي مر فيها من بعد جيل بلاتيني 1986 وعقبها انقطعو عن الدوري 9 سنوات لين حققه فياللي وباجيو ورافانيلي وبقية جيل الرعب في 1995 مع ليبي

تكفون جيبو لنا ليبي ثاني
وجيبو لنا باجيو ثاني
وفياللي ثاني
ووووووو

الله يصبرنا بس
الموسم الجاي لو تحققت هالاشياء فانا راضي تمام الرضا

مركز مؤهل لدوري الابطال + كوبا ايتاليا + الانتر ماياخذ الدوري <--- ملينا


ولد الزعيم البار

للاسف التجار هنا ما عندهم لا ذمة ولا ضمير

<---- المعذرة رابطة كل شيء

النبي صلى الله عليه وسلم ذكر ان باخر الزمان تقل الامانة عندنا وتكون موجوده عند الروم ( ما اعرف نص الحديث ) وللاسف هالشيء هو اللي حاصل الحين

حاجة تنباع بـ 100 ريال برا تنباع هنا بـ 1000 ريال !! اخرتها قبل امس
رحت لسيفورا ابشتري عطر, اذكر اني شريته بامريكا قبل كم شهر بـ 70 دولار يعني حول 270 ريال
لقيتهم يبيعونه حول 370 ريال !! يعني التاجر زاد 100 ريال !!
هذا وش بيكون موقفه يوم القيامة ؟
طبعا هذا فيض من غيض, يا كثر التجار النصابين
لو اتكلم عن منتجات شركة ابل هنا يبلي منتدى كامل علشان سرقة الوكلاء اللي هنا
اسعار رخيصة بامريكا وبريطانيا وهنا ×8 من السعر الاصلي حسبي الله عليهم

ما ادري الواحد ينصب ويسرق فلوس الناس وبعدين ؟ مصيره بالقبر حاله حال كل الاوادوم !

ذكرت قصة لهارون الرشيد رحمة الله عليه كان في مكة وصادف احد المجانين المشهورين
قال له ( عظني )
قاله المجنون ( لست بواعظ )
قاله الخليفة الرشيد ( عظني )
قاله المجنون ( تريد موعظه ؟ هذه قصورهم وهذه قبورهم ) طبعا النص فيه تأليف مني
بس فعلا الواحد غني وزحمه ووووو وبالاخير عند رب العزة والجلالة
مو قصدي لا احد يصير تاجر , بس المال الحلال وش زينه

فائدة دينيه
الامام النووي رحمه الله يقول ان الدين الاسلامي يدور على 3 احاديث
1- حديث انما الاعمال بالنيات
2- حديث من احدث في امرنا هذا ماليس منه فهو رد
3- حديث الحلال بيّن والحرام بيّن وبينهما امور متشابهات فاتقو الشبهات

يعني شوفو المال الحرام كيف ضخامة ذنبه !!!

الله يبعدنا عن المال الحرام بس