السلام عليكم و رحمة الله و بركاته /

سليم ,
واثق أنك قد الثقه اللي انبنت عليك ,
تستاهل كل خير يا الغلا ,


نجي لـ زيد و رده عن
الأسماء اللي محتمل خروجها ,

درينثي ,
اللاعب ما يختلف أحد على امكانياته , يعني لو فارت يملك سرعته و مهارته
كان بيصير من الأفضل بالعالم , لأنه يملك الذكاء !
وهذا اللي ينقص الأخ درينث ,
أنا واثق أنه لو لعب تحت تدريب السير أو فينجر , يمكن حتى مورينهو يقتنع فيه ,
بيكون لاعب مفيد جدا , لأنه يفقد أساسيات الكوره , من التوقيت و التمركز و غيره ,
اللاعب مفيد للدكه إذا كان بيتطور مع مورينهو , أما إذا لا فما له مكان أبد !

راؤول ,
لاتعليق
طبعا ما أقدر أنسى الأيام الجميله مع راؤول ,
لكن ما نقدر إلا نقول , وداعا !
وكلام أخوي محمد صحيح 100 %

جوتي ,
تكلمت عنه بالسابق , وهذا رأيي فيه /
جوتي من يوم الله خلقه وهو لاعب احتياطي ,
اللاعب يقدم مستوى سيء كـ أساسي ودايم ما يكون دخوله مضر للفريق ,
يمكن المباراة الوحيده اللي كان مبدع فيها كأساسي هي الكلاسيكو مع الدون , والغريب أنه لعب على الطرف !
عموما , اللاعب حتى لو أبدع هجوميا , يبقى فشل بأداء ما عليه بالناحيه الدفاعيه ,
لاعب يقتل اللعب ببطء لعب الكره , ويلعب على حسب هواه بدون ما يتقيد بالمركز الموجود فيه ,
خاصة لا لعب محور , ما نشوف منه دفاع أبد !
مستواه مهما ارتفع لابد أن يفسد ذلك بأخطاء بسيطه يتفاداها أي لاعب آخر مبتدأ , تعتبر أساسيات ,
المهم , اللاعب هجومي من أول ما بدأ مع الفريق و بآخر مواسمه صاروا المدربين يشركونه محور
أو يلزمونه بالمسانده , وحاليا الفريق كامل من ناحية الهمجوم , حتى الدكه بوجود فارت وجرانيرو ,
ميزته الوحيده / التمريرات اليينية .
و أظن أن " كاكا - جرانيرو - فارت - ألونسو " يقدرون يعوضون الصفه هذي ,
اللاعبين الخلاقين " كرييتف بالإنجلش " كثار بالفريق , بس يبيلهم توضيف و العاشره جايه ,


لاس و ممادو ,
أببدأ مع لاس /
اللاعب سريع نشيط وممتاز باستخلاص الكورة , خاصه إذا كانت رجل لـ رجل .
ومن كذا راح يكون خيار جيد لمورينهو بالمباريات الكبيره , لأنه يبذل مجهود كبير ,
لكنه ما ينفع يكون محور وحيد !
ممادو /
اللاعب واضح حماسه و أنه يبي يقدم كل ما عنده للفريق , وصرح بأنه بيعود أقوى من قبل ,
لكنه توه راجع من اصابه خطره , خصوصا إذا كان مركز اللاعب محور !
هو بالمباريات اللي لعبها الموسم الماض قدم أداء جيد ,
و أتمنى يبقى لأني أعرف من هو ممادو , أعرف امكانياته .

يعطيك العافيه على الترجمه


حكيم
معك عبدالعزيز " ابو مبارك "
ما أحب أشوف واحد ناسخ النك حقي
يعطيك العافيه على الرد , وزين أنك موافقني عشان ما أكثر كلام ,
لك يا الغالي

أبو يوسف
صادق , ياكثر ما نختلف
أبدخل بنقاشك مع فهد ,

وجود جيرارد " لو جاء " مع محور وحيد أشوفه صعب و سيء للوسط ,
جيرارد لازم يكون مرافق لمحورين ويكون أداءهم الدفاعي جيد ,
وبكذا جيرارد يصير أقرب لصانع ألعاب , أو لاعب دائره , متحرر من الدفاع تقريبا ,
وأشوف أنه بالمركز هذا بيقلل من خطورة كاكا , لأنهم بنفس المركز !

نرجع لنقاشنا القديم ,

أنا أشوف طريقة لعب مورينهو بالمحاور " يكونون 3 و يرسمون مثلث مائل بالملعب "
يعني أحدهم يكون دفاعي , والثاني يميل للدفاع و الثالث يكون لحفظ الكره و التحكم بالرتم ,

أنا فيه شيء محيرني , مورينهو و الأجنحه !
لأن الأنتر ما عندهم أجنحه يعتمد عليها لعب بثلاث مهاجمين , اثنين من هم على الأطراف .
وشلون بيتعامل مع الريال ؟
هل بيعتمد على أجنحه تقليديه , ولا أنه بيستمر على خطة الأنتر !

لأن وجود أجنحه بيقلل من الضغط على لاعبين الارتكاز ,
وعدم وجودهم بيزيد الخطوره على الفريق .

بالنسبه للخطه الي أنت رسمتها ,
هي خطه رائعه , وما أدري إذا توافق معي !
بأن أهمية كاكا بتقل هنا .
يعني أنا أشوف وجود دي ماريا بيكبر استقرار الوسط ,
لكن حتى بوجوده مع جيرارد بتكون قوه هجوميه هائله ,
لكن أنا لي كلام على الدفاع ,

بالنسبه لقوميز , من قال إني فكرت فيه كأساسي
لا , حده احتياط و يشارك إذا بغا مورينهو يغير الاسلوب .
لك



بالنسبه للجدول ,
للأسف جدول غبي
تمنيت تكون المباريات الأولى سهله ,
ولا تكون فيه مباريات كبيره ورا بعض واجد !
بس وش نسوي , هذا حظنا ,
ترى مورينهو سيء مع الفرق الصغيره و يضيع كثير
صحيح , ولازم يتعود على الدوري الاسباني ,
بالتوفيق .

إقتباس - هل تفضل " راموس " كظهير يمين أو قلب دفاع بعيد عن اداءه في كأس العالم على مستوياته السابقه مع الريال.؟

يا كثر ما جاوبت على ذا السؤال
تستاهل الرد يا الغالي ,
أنا مع تحويل راموس لقلب , إذا كان القادم للريال ظهير جيد .
يعني حتى لو ما كان الظهير مايكون , أتمنى يجي ظهير أيمن آخر , حتى لو آربيلوا ,
صراحة راموس قدم مستوى جبار وغير متوقع منه أبد بالقلب ,
بالثلاث المواسم الماضيه كنا نشوف مستوى عادي من راموس بمركزه الأساسي ,
المسانده الهجوميه ما كانت جيده ,
مورينهو يقدر يعيد لنا راموس القديم بالظهير , واللاعب قدم أداء جيد بالمونديال كـ ظهير ,
بس على أداءه الموسم الماضي أفضل أنه يكون قلب دفاع ,
لأن ما فيه قلب يسوى أنك تتعاقد معه , وتثق فيه .
لك

ومن هنا أعارض مؤيد
أشوف أن كارفالهو أفضل بكثير للريال من فيديتش ,
اللاعب خبره و قيادي و ذكي و كل مهارات الدفاع يتقنها , حتى بالكرات الثابته استاذ ,
لكن عيبه الاصابات بآخر مواسمه ,
أنا ما أنكر مهاره فيديتش بالعكس , لكن أشوف أن الريال لو يكون مخير بين واحد منهم فـ كارفالهو أفضل !
لك


بانتظار نقاش جديد
وآسف على الإطاله ,
أبو يوسف , ما قلتلك إني نشيط

وترا الرد كله للنقاش ,
حتى السلام بالبدايه .
,