نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ღღ◕♥ صيف مجلسنا يجمعنا 2010 / فعالية ( شيف المجلس ) ♥◕ღ

الـمـشـاغـب · #15 19/07/2010, 06:28 AM

السلام عليكم إفري بودي وإفري بودية

والله إني جاي وأنا مستحي منكم

جيتكم متحدّي وضامن المركز الأول .. لكن للأسف خاب ظني

كنت مأمّل المدام تطبخ وأنا أجي أصوّر وآخذ اللقب سلام سلام

بس للأسف لما فاتحتها بالموضوع فتحت لي محاضرة طويلة عريضة ان الغش حرام وأخذ ما ليس لي به حق .. إلخ !
خفت أقول لا يكثر تقوم مع حماس المحاضرة تقول كفرت وهذا فراق بيني وبينك

مشكلة عاد اللي ياخذ مطوعة ما يمديه يستخدم الأساليب الملتوية

المهم .. ضاقت بي الدنيا بما رحبت بعد ما طحت في سوء أعمالي .. ومالي إلا أشغل يديني الناعمتين .. ولكن أنتظر تصويتكم هالمرة عشان أثبت ان مني رجاء

شذى .. عاش من شافك انتي .. العام ما لقيت أحد يطبخ لي فانسحبت

لكن هالمرة إن شاء الله طابخ طابخ ولو حتى فاصوليا

العنود .. ايه من جدي .. الحلا سهل وغير كذا ما يعتبر وجبة ! قد شفتي أحد يتغدى حلا ويتعشى حلا؟

الله يعين أزواجكن على مراجعة المستشفيات بس