الموضوع: || رابطة ♥ ريال مدريد ♥ ||
مشاهدة مشاركة بصفحة مستقلة
  #21402  
قديم 17/07/2010, 11:15 AM
الصورة الرمزية الخاصة بـ Night$Wolf
Night$Wolf Night$Wolf غير متواجد حالياً
مدريدي مميز
تاريخ التسجيل: 05/09/2007
المكان: بيتنا بعد البرنابيو على اليمين
مشاركات: 733
السلام عليكم
وصباح الخير جميعا
الواحد غاب عنكم يومين خلصتم عشر صفحات
ماشاء الله تبارك الله
مبروك صفقة بدرو ليون وإن شاء الله قريبا نبارك بصفقة خضيرة
وحدة وحدة

أخوي مملكة الريال (محمد)
ردك حق امس الظاهر المفروض ينحط في المفضلة علاطول
ماشاء الله رد كافي ووافي لصفقات الريال الاخيرة
واصل يامبدع

أخوي راجح
بالنسبة إن اسم جيرراد مغري
ماقصد ان اسمه لابس قميص نوم احمر
أقصد من الناحية الفنية والنفسية في الفريق اللي يلعب فية وبالذات الناحية النفسية
مايختلف على قيمة جيرراد الفنية في الفريق وميزاته ولعبه
لكن انا اتكلم على الوضع النفسي للفريق في وجود جيرراد
قلت قبل كذا كاريزما اللاعب هذا شيء خورافي
قيادته، روحه، إصراره، تأثر بشكل كبير جدا في الفريق
تابع ليفربول وشف جيرراد ووجوده في الفريق كيف يأثر بشكل كبير
بالذات من الناحية المعنوية
ارجع واقول
جيرراد اسم جـــــــــــــــــــدا مغري

اخوي مبارك
معليش بس ماعرفتلك
قبل كم يوم كنا نتناقش وموب عاجبك ندفع كم مليون زيادة في مايكون (اللي ابدى رغبة في قدومه للفريق) عشان فلوسنا ماتضيع
والحين تقول ندفع فوق ال 40 وال 50 مليون في دي روسي وشفان (اللي مابدوا رغبة في ترك فرقهم) ولا فرقت معاك المبالغ اللي بندفعها فيهم

مين باقي

قدوم اوزيل !!!
صحيح إن الماني، وعاجبني اللاعب جدا
لكن لفريقنا
وين بيلعب ؟؟؟؟
من يوم ابو اصيل جاب الخبر
وانا قاعد ارسم خطط في رأسي عجزت القى له مكان غير الاحتياط
والاحتياط عندنا فارت
وبفرضية ان فارت طالع، رغم إنه بصراحة ماقصر مع الفريق خاصة إنه ماكان ياخذ الفرصة الكاملة في اللعب، ولاعبين كثير خذوا فرص اكثر منه في اللعب
إن كان المزاجي قوتي (الله يطلعه من الفريق بأقرب وقت)
أو الطعس جرانيرو (دعوة زي اللي فوق )

بفرضية طلوع فارت، هل اوزيل ماعنده مشكلة يكون احتياط كاكا
وأندية كثير تتمنى وده ويكون اساسي في فرقهم

في حالة ان مورينهو يبي لعب كاكا و أوزيل مع بعض
بيصير الفريق، اذا خذنا الانتر كمثال

الونسو (كمبياسو) خضيرة (موتا)

اوزيل (شنايدر)

كاكا (بانديف) كريس (ايتو)
هيقوين (ميليتو)

يسويها مورينهو
مااستبعدها عنه

اوزيل في الوسط قدام المحاور، عشانه يتقن التمرير الطولي والعرضي ويقدر يوصل خط الوسط صح بالهجوم
كاكا وكريس وتبادل في المراكز والاجنحة وخلف راس الحربة هيقوين
وبالذات كريس اللي ممكن ينزل رأس حربة في فترات (زي ايتو في الانتر)

وش رأيكم؟
بدون مادري عشان مايزعل زيد

بالنسبة للألماني الثاني
قوميز
يقعد راؤول
نرجع سولدادو
نرجع قرافسين ونخليه رأس حربة
بس تكفون هذا لايجي

عندنا هيقوين والبنز وكاناليس
ولايهون الدون كريس
مانحتاج رأس حربة
واذا محتاجين لايجي ابو الشباب

إذا مرة ماسكة مع مورينهو لاعب رأس حربة احتياطي
جب لك واحد من الشياب الممتعين حقين منطقة ال 18 وبس
زي تريزجيه مثلا والا حتى كريسبو

المشكلة حتى قوميز بيكون سعره عالي
الماني وفي البايرن وشارينيه ب30 مليون


ابو العز حبيب قلبي

انت مازلت مقتنع ان هيقوين والبنز ماراح يقعدون سوى في الفريق
وانا مازلت مقتنع إن مورينهو بيقدر يخليهم في الفريق سوى
إن كان بالمداورة، وحسب الفريق اللي نلعب ضده
أو حتى بإشراكهم الاثنين سوى

ماتدري كيف يفكر الداهية
وماتدري وش ظروف الموسم القادم من إصابات وغيره
خلهم عندنا
لايجينا قوميز

الا على طاري الموسم القادم
متى بينزل جدول الدوري؟

نكتفي بهذا القدر من التعليقات حتى الآن

راجع إن شاء الله بدون تحديد ساعات

للجميع

ابو يوسف