في البدايه السلام عليكم
المهم ابدخل في العيال مدريد لاني اشوف العجب العجاب في رابطتهم والصراحه اني مستغرب فيهم شي الله يهديهم ملاحظه ولا ودي اقوله علشان لا يزعلون(على اني ماجبت خبرهم )

المهم انا اشوف اللي زعلانه وتقول قهر هالهزيمه واللي تقول مادخلت كل اليوم علشاني مصدوم من الريال وقافله معي واللي واللي اقولكم العجب العجاب ونا عارف انها فقط مرحلة مراهقه وسن لا اكثر وان شاءالله يتعدل الحال بعد كم سنه المهم.

ابقولكم نظريتي في هزيمة العيال مدريد وهي الاقرب للحقيقه من وجهة نظري على الاقل

المعروف ان كل فريق في العالم يبي يفوز لازم يسيطر على خط المنتصف وطبعا السيطره على هذا الخط اللي هو اخطر منطقه بأي فريق المهم لو جينا لفريق العيال مدريد ونحلل وسطه حبه حبه تعالوا وراي
نجي للمحور اللي هو همزة الوصل بين الدفاع والهجوم او الرابط بمعنى اصح والغالب يكون فيه محورين يغطون واحد يمين والثاني يسار نجي نشوف منهم في فرقة العيال اغلب الاحيان يلعب هلقيرا وبيكام وفي غياب احدهم يكون قوتي هو البديل نجي نشوف وش عندهم

هلقيرا : واضح انه داخ من كثر ما ينقلونه بين الدفاع والوسط فمعروف اي لاعب بالعالم ماراح يستقر مستواه اذا كل مبارة ناقلينه وماراح يتأقلم على طول وما بالك اذا كان جنبه بالمحور لاعبين كل الاثنين خانته الاصليه وسط مهاجم او مهاجم مساعد يعني المسكين هلقيرا يلقاها من وين ولا وين من بيكام ولا قوتي ولا من الشحططه بين الدفاع المحور لا ولاعبين المحور كل لاعب اسواء من الثاني
نجي لبيكام صاحب الوجه الحسن عند البنات على الاقل والمستوى المتدني والاخلاق القذره جدا
هذا اللاعب من اسواء الاعبين اللي شفتهم بحياتي (وجة نظري وغصب عنك تحترمها انت وياه)
واضعه مدرب ريال مدريد في منطقة المحور واللاعب اصلن لا يجيد في كورة القدم الا الكورسات(في هذي خذ ولد لا ومن تالي ماعندك احد) يعني وش عرفه بقطع الكورات وملاحق المهاجمين ولاعبين النص الهجومين وتغطية الظهير ولاعب الوسط الايمن يعني ثغره كبيره وكبيره جدا ومن الخطأء وضع لاعب كهذا في منطقه حساسه لانه لايفقه شي في هذا المركز ( دوره في المرافس والهواش والتلفظ على الحكام والمساعدين) مدري وش اقول عنه بس بالفعل لاعب فاشل فاشل (حتى الضربات الحره فقد من هذي الميزه كثير واصبحت اغلب ضرباته لا تشكل خطر كبير) لا عموما هذا اللاعب فقد الكثير الكثير من مستواه ايام ماكان مع المان يونايتد واعتقد مركزه هو السبب وهذا يضعف ريال مدريد كثير فهلقيرا يغطي مين ولا مين وهو اصلن متشتت بين محور ودفاع.

نجي لقوتي صاحب النفس الشينه والاداء الضعيف جداء ينطبق عليه نفس حالت الثنائي السابق فمركزه الاصلي يا وسط مهاجم يا مهاجم ثاني لكن ضروف الريال جعلته في اكثر المباريات محور ثاني يا مع هلقيرا افضل السيئين او مع بيكام وذا اجتمع مع الاخير حدث ولا حرج يكون دفاع الريال مكشوف على الاخر ( طبعا عاد تكون الاخلاق حدث ولا حرج) .
ماله داعي نحلل كثير كبر السن واضح على زيدان وفيقو فصعب تلقى الاثنين يرجعون ويساندون كالسابق يعني الله يعين المحاور على التغطيه والمحاور لك عليها من الاصل يعني النص سلملي عليه

اما المدافعين بافون وبرافوا <==== مايحتاج نحللهم منحلين خلقه

كارلوس <===الرجال دوره الهجومي جيد جدا بس دفاعياً لك عليه كثير لا وكملت محاور اي كلام يعني كلها يا كسياس
سلقادو<==== متوسط المستوى

صامويل<== احس انه متحسف على الجيه على العموم ماندري وش مستواه مابعد شفناه مع الريال الا هالمبارة ولا نقدر نحكم عليه بس ولو الشق اكبر من الرقعه

الهجوم
راؤول وما ادراك ما راؤول (حضاره سادت ثم بادت) يعني هالحين ماعنده الا الدجه والله يستر عليه

رونالدو مقدر اقول فيه شي الصراحه لاعب فنان ومن افضل المهاجمين في العالم لكن الاصابه مأثره عليه كثير لو كان في حالته الطبيعيه ومن غير اصابات اعتقد راح يكون فريق بروحه وما راح يهم الريال عنده دفاع ولا ماعنده يعني رونالدو يكفي لكن في الوضع هذا لا رونالدو ليس كما كان رونالدو الان يعطي فقط 50% من مستواه الحقيقي ( والكل يلاحظ اشتركاته وتفادي المدافيعن بشكل كبير وعدم الاحتكاك خوفاً من غول الاصابه والرباط بالذات).

موريانتس افضل لاعب في خط هجوم الريال حاليا لكن لا يلعب وحبيس مقاعد الاحتياط يعني وجوده كعدمه.

مايكل اوين صراحتن تستغرب نادي كالعيال مدريد يحتاج لعبيه في مناطق حساسه في الفريق (منطقة الظهر والمحور) ويجلب لك اوين اوين ياجماعه لاعب منتهي منتهي منتهي :sad:
راؤول في اسواء حالاته افضل منه وموريانتس افضل بكثير ورنالدو ايضا ومبالك بوجود قوتي وبرتيو بالعفل جلبه غباء كبير

اذا الريال لاتستغرب اذا خسر بثلاثه واربعه وخمسه فهو فريق متفكك ونجوم مغروره تعتقد فقط انا كلمت نجم تكفى للفوز وتحقيق الالقاب.

اذا نظرنا جديا حاليا لايوجد بالريال لاعب عليه الكلام سواء زيدان ( والسن له تاثير على زيزو) فاغلب المباريات مستواه ثابت.
ملاحظه ودقيت جلبه الريال والكل يعلم انه لاعب مصاب واصاباته كثيره جدا جدا ومع ذالك جلبه بيرز ومع ذالك مستواه لايرقى لسعره او كفريق له تاريخ كالريال
( تظل وجهة نظر لا اقل ولا اكثر)
قراتسي.

اما فالنسيا والبارشا بالفعل نار نار نار والله يعين الريال

دبرتيفو اغرب فريق شاهدته بالعالم يوم عال العال ويوم الله يرحم الحال

قراتسي