سلام عليكم .. واحشيني ياوحشين
95 مليون يورو .. مناااااااااااح ياروزيل .. بس لو تسلفني الخمسه وتخلي التسعين للنادي تصير اكبر شنب في الدنيا
.
ميزانية النادي للتعاقدات السنه هذي ممتازه .. ونقدر نجيب فيها لاعبين يدعمون الفريق .. وهذا اللي اتمناه لاعبين يدعموووون .. موب اسماء وبس.
حالياً ومن وجهة نظري الفنيه المتواضعه .. الفريق محتاج 4 لاعبين والخامس في حالة خروج ابرا .. لانه بصراحه الـ آوت عندنا اكثر من الـ إن.
الفريق محتاج اول شي ظهير ايمن .. وانا ارشح فيرون لاعب البرقواي .. اشوفه رهيب ومقدم مستويات ممتازه.
وظهير ايسر .. وانا بصراحه خاق مع لويس كونتراو .. خطير البزر ذا .. والله انه فنان .. وبيفك عقدة الظهير الايسر عندنا .. وبيحيط ابيدال وماكسويل بسهوله.
محور ارتكاز .. اي لاعب في الدنيا .. حتى لو سعود كريري .. اسم شي ماسكيرانو ماابي اشوف خشته في النادي .. الو ديارا رهيب .. وسعره ماراح يكون غالي.
لاعب وسط .. اوزيل <<< يالبيه بس يامعلم الشورما .. انا قاري اخبار وشائعات متواتره خلال هالساعات .. ان البرسا توصل لاتفاق مع اللاعب والنادي .. على الشكل التالي .. 20 مليون + هليب = اوزيل برشلوني بعد موسم 
.. يعني يجلس عندهم سنه اعاره الين ينضج ؟؟؟؟؟ .. بصراحه قمة الغباء الين ينضج .. موب كأن اللاعب الحين يلعب اساسي مع المنتخب الالماني وفي كاس العالم وواصل دور الاربعه ؟؟؟؟ .. كل هذا وللحين مانضج .. ليه لحمة حاشي
اللاعب الخامس : في حالة خروج ابرا .. نجيب فابري .. ماطلع ابرا نجيب فابري السنه الجايه .. الورع مضمون انه برشلوني .. ليه مستعجلين
.
---------------------------
بخصوص النقاش حول روسيل .. انا من الاول ماخش مزاجي هالحصني
.. بس من خلال المقابله اللي سوتها الموندو معه .. ويوم يقول انا ماعندي مانع نخسر فلوس في بيع او شراء لاعبين .. المهم هو المشروع الرياضي ينجح .. بديت احبه
--------------------------
يالله عاد ترا من زمان ماكتبت رد طويل ..
.. لا ألكووووون كلياتكوووون
--------------------------
فامووووس فاموووووس اسبانيا .. فريق المحركات جعلكم للتخبيط
