نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - آي حَـِزِينَه و الجِـرْوح الليْ بِـقَلْبِي [ مِسْتِِكِيْنَه ] .. اَرجوٌكمٌ لاينهآر كهف[ الخفآفيش ]

hilalemooot · #5 04/07/2010, 01:44 PM

.

السلام عليكم
يعطيك العافية موضوع جميل ولو كان يحمل من نبرة الحزن الشي الكثير .. واشوفه مبالغ فيه بعد

.. المهم موضوع بوقته بالنسبة لي

نتفق أن فيا وسيلفا من أعمده الباتس في السنوات الأخيرة .. وبرضو متفقين ان النادي يعاني من ديون غير طبيعية .. وكذلك متفقين ان يورنتي حاول بشتى الطرق و الوسائل انه يسدد الديون بدون لا يبيع لاعبين .. و فوق كل هذا سالفه الملعب اللي الله يسامح من كان السبب فيها (اعتقد سولير

) لاني ما اشوف النادي يحتاج ملعب .. فموضوع البيع نقدر نقول انه اجباري مو إختياري وهذا الشي اللي المفروض يخفف علي أي واحد يشجع فالنسيا

.

فيا وسيلفا حبيناهم صحيح بس بصراحة راحوا اللي أعز منهم سابقاً ولاعبين كبار تركوا الفريق والحمدلله الفريق ما تأثر كثير .. فرق اسبانيا عموماً منقسمة قسمين .. قسم قوي مادياً و إعلامياً وتحكيمياً

واللي فيه الريال و البرسا .. وباقي الاندية الثانية يمكن كلها بالقسم الثاني .. فالنسيا بهالظروف ومع بيع الثنائي ويمكن ماتا ما اتوقع يتأثر كثير زي ما الكل مصّور بما انه من سنوات بعيد عن الريال و البرسا مادياً بالذات ,, خصوصاً لما نشوف تحركات يوناي ايمري اللي قادر وحسب الامكانات اللي عنده يسد النقص وتعاقداته لحد الآن أراها ممتازة ومفيدة للفريق .. بالذات في مركز الظهير وبالتحديد الايسر .. الشي الآخر فريق الشباب بالنادي يخرج لاعبين سنوياً وبرضو دايم الفريق و عودنا يجيب لاعبين مغمورين وفجأة نلقى كل العالم تبيهم .. راح مندييتا جا ايمار راح ايمار جا سيلفا راح سيلفا فيه ماتا وفيه خوردي آلبا .. المواهب موجودة بالفريق ومع الفرصة اللي راح يلقونها والاسماء الجديدة اللي جت بإذن الله يطلع لنا كم اسم نقدر نكشخ فيهم

.. وعلى الطاري اقول لكم من الحين ترى الارجنتيني الجديد تينو كوستا صديقي

النقطة الاهم واللي اتوقع راح تصير,, الموسم الجاي يمكن راح يكون افضل بكثير من الموسمين اللي راحوا .. فرق كثيرة تخسر نجوم وبالتحضير الجيد و ثقة اللاعبين بأنفسهم الموسم اللي بعده يقدمون مستويات أفضل ونتائج غير متوقعة وهذا اللي اتوقعه الموسم الجاي بإذن الله

.. طبعا ما اقول نجيب ليغا او دوري ابطال .. بس نتائج غير متوقعة وليش ما ننافس على الاقل ؟!

بالمختصر ونقطة أخيرة بصراحة ما حزنت كثير على خروج سيلفا .. يمكن زعلت على فيا أكثر شي .. سيلفا اتوقع راح يندم ولا الومه انا ولا الوم النادي لانهم لقوا ناس دفيّعة .. بس ما اتوقع يكمل الاربع سنوات في السيتي .. الفقيدة صدق فيا اللي اثبت من خلال يورو 2008 + القارات 2009 + المونديال 2010 .. أنه افضل مهاجمين العالم في السنوات الاخيرة .. وما أبالغ لو قلت أفضل مهاجم في العالم من ناحية الفعاليّة مع ناديه و المنتخب

.. تعويضه راح يكون صعب .. سولدادو جيد جداً بس اتمنى انه ما يجي وبباله انه معوّض لـ فيا لان هالشي صعب على أي لاعب في الوقت الحالي .. بس برضو نحتاج مهاجم ثاني بعد ما طلع زيغيتش بعد .

عموما وبالمختصر ولاني طولت بس من زمان ودي اتكلم عن هالموضوع ولا لقيت مكان مناسب اتكلم فيه عن هالموضوع .. أثق كثير بأوناي ايمري وان شاء الله الفريق ما راح يتأثر بالصورة اللي الكل تقريباً متوقعها .. و راح نشوف لاعبين جدد ونطق لهم تواقيع و رمزيات علشان كذا انا متفائل بصديقي كوستا و الجزائري سفيان فيغولي

.. ان شاء الله الجاي أحسن

شكراً ميس , ومس هلالية .. موضوع رائع وتنسيق زي العادة مميز