باكتب الموضوع على شكل نقاط بعد ان هدت النفسية
1- الهلال راح يعاني السنه هذي صدقوني راح يعاني ويعاني
2- الاجانب المدافع من لمساته وروح واضح انه راح يفيد الهلال ان شاء الله ومن يقول غير ذلك يجانب الصواب بس انا اقول كبدايه اما كماتشو الوسط واضح انه ما عندك احد وعلى فكرة انا من اول ما كنت مقتنع فيه تقولون كيف وهذي اول مرة اقول من مماطلة فريقه وشروطهم التعجيزية
ديسلفا ما اقدر احكم المدة اللي لعبها قليلة بس واضح انه يحتاج الى وقت وصانع لعب وكما قال المحلل اللي في اوربت خطورة في الصندوق
3- كنت والله ادفع عن العتيبي بس اليوم والله يتحمل الخسارة هدفين منه الاول وقف يتفرج والثالث من تحت يديه الكريمه
4- الكابتن والله اقول ما فيه رجاء والضرب في الميت حرام بس ياليت وياليت احد من الجماهير يعرفه ويقول له الله يرحم والديك فكنا من خشتك
5- النزهان خلاص الله يحفضه اليوم كان عنده شعور انه راح ينسق فكان طول المبارة شار الذهن
6- مجرشي وعمر اليوم ضايعين تدرون ليش كل واحد مو عارف وش واجباته مع ان مجرشي مجتهد اكثر لكن وانا اشدد على لكن يحتاج الى توجيه وتوجيه كثير
7- المطرف والله اعطي اكثر من فرصه بس لم ينجح احد
8- الصويلح النجم الكبير المشاغب يحتاج الى جهد ومعاونه من مجاهم واليوم افتقد للماجهم المساند بس همسة في اذن النجم واللي يشوفه يقوله له ترى التعالي على زملائك وانت توك طالع بداية النهاية
9- الجري واللة ما الومك جنبك الكابتن وامام البرازيلي الله يعينك
شباب الهلال يحتاج الى شغل وشغل جامد جامد من الكل يبي اللاعبين يخلصون لشعار ناديهم
الاهداف والتحكيم
الهلال يستحقق الخسارة والمدرب ما قراء المبارة او خانته الظروف بس الحكم ارتكب اخطاءوهي
1- عدم طرد الخيبري
2- الهدف الاول فاول على رجيرو ماسك الجري وكاميرة الاوربت جابته بدقه واشار لها شتالي واول مرة خالد ياسين
3-الهدف الثالث مشكوك ان دفع مع ان الفودة اكده كم مرة انه فاول للهلال
اقول الله يصبرنا وبصراحه الرئيس قال كلمة حلوة الهزيمة في البدايه احسن من الهزيمة في النهاية
الله يوفق