في بالي سؤالين ( بريئين ) ودي اعرف جواب لهم ..كنت متردده في طرحهم ..( خفت يكون مالهن داعي ) السؤال الاول ماله دخل بالثاني .. بس قلت مادامي سائله .. قلت احط الثاني معه مره حده ..

الاول وهو المهم : سمعت انه يوم الجمعه اللي فات بيكون فيه اجتماع ( مدري منهو بينه ) بس انه بيحدد اذا كان الهلال بيلعب بالمونديال او لا .. فيه عندكم خبر او علم عنه ؟ الا اذا كان اشاعه ..

=====

الثاني : مره كنت اطالع مباراة اوربيه ( اعتقد ) المهم .. كان فيه خطأ للفريق المنافس في منطقة الجزاء مدري وش الخطأ بالضبط .. بس تفاجأت انه انلعب مثل الاخطاء اللي خارج منطقة الجزاء ... وانا اللي اعرفه اي خطأ بها المنطقه ضربة جزاء على طول ....
بحكم خبرتكم بالكوره .. وش قصة هالخطأ اللي ينلعب داخل منطقة الجزاء؟

********
عاد لا احد يشره علي ولا على اسئلتي .. تراني مالي خبره بالكوره زيكم ..