السلام عليكم ورحمة الله وبركــاته


يالله حيه عبدالعزيز


طواااااااااالــي على السواليف

إقتباس # ردودهم وتعصبهم الزايد تزيد المونديال جمال يا صاحب

و الله هذي الردود تبين مدى تعصب كل مشجع لفريقه و التعصب موجود في كرة القدم و لازم نسايرهم:p

إقتباس # أنا ما قصدت 4 - 4 - 2 التقليديه هنا , خصوصا مع رجوع بيرلو صعبه تتطبق , 4 - 1 - 3 - 2 هي الأقرب " في حالة الهجوم " ,

إذا كذا واضحة الصورة الآن...

عموما الفكرة اللي كنت أقصدها وجود قلب هجوم صريح ومهاجم ثاني مساند.

وليبي قادر على توليف خطة بمثل هذي الأمور

بس الله يستر بوفون شكل اصابته جامد بتغيبة عن باقي المبااريــــاااات !!

إقتباس # أقدر أقول أن دي نتالي خذل ليبي ! هو ليبي لو مستدعي " روسي " كان زين ,

والله حتى الآن لم يظهر دي ناتالي الأودينيزي/
-هداف الدوري الإيطالي الموسم الآخير

-صاحب الرقم العشرة الآن مع المنتخب وهذا يعني أنه يعتبر سوبر!!

- أنا أتفق معك يعني المفروض هو اللي يكون الكل في الكل هجوميا

-ويعمل الفارق مع المجموعة المشاركة معه.

- أتمنى نشوفه من بداية كل مباراة يلعب شوط كامل على الأقل..عشان نقدر نحكم عليـه


*بالنسبة "لروسي"

من أروع اللاعبين الشباب ولسه المستقبل قدامه

بس أتمنى يرجع للكالتشيو عشان يبرز أكثر وتصير العين عليه.

إقتباس # ليش ؟ كريشيتو أمس قدم مستوى جبار ,

كريشيتو ما أقصد أنه سيء بالعكس من اللي أتمناهم يرجعون لليوفي أصلا

لكـن ماجيو أفضل مساندة دفاعية للجهة اليمنى

وأيضا يصير في تفعيل للجهة اليسرى لمن يشارك زامبروتا.

" مجرد رأي فقط "

بس النقطة الأساسية/

الفكرة أن ليبي مضبط وضعه في حال أصيب لاسمح الله زامبروتا أو كريشيتو.

* يعني "ماجيو"وله مميزات/

ويعتبر من أفضل لاعبي نابولي هذا الموسم مره ممتاز ودفاعي وعنده انطلاقات متميزة.

إقتباس # " وعلى الطاري , فيه أخبار أن ماروتا رايح لجنوى وش عنده ! "

إييييه

ماروتا الايام الاخيرة في خبر إنه بيجتمع مع إدارة جنوى و باري بعد

عشان صفقة بونوتشي المدافع!!

طبعا الاخبار الآخيرة للأسف توضح أن اليوفي بيجدد إعارة كريشيتو و بالادينو لجنوى طبعا,
ولكــن بونوتشي يصبح بيانكونيري.

أيضــا بــاري بيستعيرون باولو باولوتشي و يجددون إعارة ألميرون مرة ثانية.

في حال تمت هذي الأمورمع مثل مايبغى ماروتا ممكن يصير انتقال بونوتشي شبه مجاني!!؟
طبعا هذي الفقرة موجوده بالرابطة وواحد من الشباب وضعها..

إقتباس # عموما أتمنى أن دي ناتالي يكون أساسي بالمباريات الجايه

إي والله لازم دي ناتالي يكون أساسي

عشان يعطيك كل اللي عنده لأنه هذي أهم مشاركة له مع المنتخب

لازم يحط كل خبرته فيها وهو هداف مميز لازم يستفيد منه ليبي.

و اللي ذكرته صحيح أن ليبي كان يتوقع أنه بيكون هو اللاعب اللي عليه الكلام و راح يعمل فارق في التشكيل.

إقتباس # أشوف أن مشكلة كامو نفسيه أكثر من أنها عشان كبر السن و الاصابات ,

كلامك صحيح والله الاصابات بالنسبة لي ما أحطها عذر للاعب ولكـن هي أحد أسباب تذبذب مستواه.!!

وبدرجة أكبر اللي هو العامل النفسي يعني اللاعب مـثلا:

- لمن يـشارك في مباراة من اصابة مثلا, تحس أنه مضغوط إعلاميا أو حتى من الجمهور !

- بإختصار(مايكون صافي مخه ) ؟

- طبعا يجيب العيد وتحسه مشحون أي احتكاك ممكن يخليه يعصب وما إلى ذلك.

-ودائمـا كامورانيزي يخاف ينصاب إذا لعب/
(و هذي أمور كلها تدخل في الأوضاع النفسية!)

إقتباس # و يطور نفسه إلى أن يصبح قادر على تدريب أحد كبار الكالتشيو يعني بداية مسيرته بين نجاح و فشل ,

كلام سليم ا

لمدرب يطور من نفسه ومافي مدرب يبدأ بنجاح لازم يفشل,

والفشل ماهو نهاية المدرب,

عشان كذا قلت في الرد السابق/

لازم تشيرو يرجع يدرب فرق عشان يطور من نفسه و يتعلم من أخـطاءه.

إقتباس .# " دونادوني أقيل من نابولي , وش أخباره ألحين ؟ صراحه مدرب جيد ! "

دونادوني وما أدراك ما دونادوني,

صراحة من بعد إلغاء عقده ماسمعت أي أخبار حوله

لكن ممكن إشاعات يعني مثلا ربطته بميلان , ولــكن غالبـا ميلان اقترب من أليـغري والله أعلم.!!

بالنسبة لدونادوني/
مدرب بدرجة جيد تقريبا

لم ينجح جدا مع الأدزوري وبنفس الوقت ما أخذ فرص كثيرة

عـموما قدم فترة سيئة مع نابولي للأسف

رغم إتاحة الفرصه له أكثر من مباراة وصارت عليه ضغوطات كبيرة حتى تمت إقالته؟


عموما جــاء ماتــزاري و ضبط أمور نابولي وحقق الفريق نتائج مميــزة جدا

ولــكن يبقى فكر ماتزاري مختلف تماما عن دونادوني..

و أنا عاجبني ماتزاري حق نابولي /

لـكن مشكلته ما يحب يغير من تكتيكه دائما متشبص به في المباراة مدرب بتكتيك واحد ومحفوظ

ولكن نتائجة غالبا ايجابية وناجح

إقتباس # فوق الـ 70 % الريال بيتعاقد مع " مايكون - كولاروف "

في الفقرة هذي أعــتقد التعاقد مع هذا الثنائي بيكون ضربة معلم يا أبو مبارك ظهيرين متميزييييــن

-أنا أجد راموس حاليا أفضل كمدافع و تحس عنده هيبة اللاعب المدافع ؟
لإن إنطلاقاته إختلفت مره كثير وصار هجوميا محبط للأسف,

عموما إن شاءالله يفعل مورينهو جلب الاظهرة المميزة للميرنغي

و على أقل تقدير يتم جلب مايكون وتفكونا من شره

إقتباس # عطنا آخر أخبار دلخكم " جون ألكان " ما أدري كيف صار رئيس

خبرك عتيج يا صاحبي...

لا أبد يا عبدالعزيز بس أنت الآن مشربك بالاسماء يمكن




جون الكــان فعلا فعل دوره خلال السنوات الآخيرة مع النادي ولكن مامسك رئاسة النادي أبدا

يعني اللي كانو في النادي أساسيين وفي الواجهة هم كوبولي الرئيس و بلان الفرنسي و سيكو حق الانتقالات

و الموسم الاخير جاء اضافة لهم بيتيـقا كمساعد للرئيس ومعها انتهت فترة كوبولي وتم تعيين بلان رئيس

عموما قبل نهاية الموسم إدارة اليوفي أعلنت قرار/

الآن الكــان ...مسك شركة السيارات حقتهم "فيات" وابتعد أكيد عن الأمور الرسيمة بالنادي



وسلم المهمة الجديدة " لأندريا أنيلي "



أندريا أنيلي من زمان مع النادي و كان دائم تجده مع مودجي يحب كرة القدم

عموما إٍم أنيلي دائم مرتبط باليوفينتوس وأهم أكثر الداعمين و الجميع يتفائل فيهم على الأقل



وهذي صورة للثنائي من اليمين جون الكان ,,,, ومن اليسار أندريا




رئيس النادي الجديد يعتبر شاب نسبة للقديم كابولي




والله الحديث معك يا أبومبارك يحلى وله طعم ثاني


الله يعطيك العافية على المتابعة