هلا انس ق1 ق1
هل أدآء البرآزيل مقنع مقآرنة مع الفرق اللي لعبت ضدهآ ؟
كل المتابعين يدورون الاداء المقنع خصوصاً اذا كان المنتخب هو السامبا ,
لكن في نظري إن البرازيل في ذا المباراتين مع الخوال حاول انه يجهز نفسه بدنياً ومعنوياً
يعني بدنياً يكونون جاهزين لـ خوض مباريات كأس العالم وهم في جاهزية لياقيه عاليه لأن امكانياتهم جيده ولا تحتاج احتكاك .
معنوياً , الفوز شيء جميل جداً مهما كان الفريق المقابل سواء كان ضعيف او قوي , يعني لما البرازيل تفوز بالخمسه والثلاثه
قبل كأس العالم هذا شيء معنوي ممتاز جداً وبيخليهم يدخلون المونديال وهم واثقين من انفسهم ومن قدراتهم لأن الخسارة بتسبب
مشاكل وبتخلي الفريق في حالة شك وبتخلي الصحف تنتقد المنتخب وتطلع عيوب كثيره قد تزعزع ثقة المنتخب قبل كأس العالم
لذلك دونقا فضل انه يلعب مباريات وديه خفيفة استعراضية تجهزهم للمونديال دون حدوث أي اضرار تذكر مهما كان المستوى .
لأن الهدف هو رفع المعدل اللياقي فقط .
يعني قآدرة إنهآ توصل للنهآئي ؟
اكيد قادرة توصل للنهائي ولو فيه ابعد من النهائي راح توصله بعد , لو تلاحظ معي البرازيل خذت بطولتين بـ نفس هذي الاسماء
تقريباً , والمنتخب ماعليه خوف خصوصاً انه يملك مدرب قوي وحراسه قويه ودفاع صلب بالاضافة الى الموهبة اللي يملكها افراد
المنتخب البرازيلي واللي اكيد راح تفرق معه في المباريات الكبيره اللي تحتاج مهارات فردية تسهل المباريات على المنتخب .
العائق الوحيد اللي ممكن يقف في وجه المنتخب البرازيل هو عدم التركيز في بداية أي مباراة لأننا لاحظنا على المنتخب البرازيلي
انه يرتبك في بداية أي مباراة خصوصاً في بطولة القارات شفنا المنتخب يبدى بداية سيئه والسبب هو عدم التركيز ,
زي ماحصل في مباراة امريكا ومصر شفنا المنتخب يفقد تركيزه في بعض فترات المباراة لكن عنده القدرة على الرجوع للمباراة
لكن اعتقد ان ذا المشكلة يستطيعون تلافيها لأنهم يلعبون كأس عالم يحتاج من اي واحد يكون جاهز من جميع النواحي .
وهل بآستوس يستآهل يلعب أسآسي ؟
أكيد يستاهل الذيب , دفاعياً جيّد ولو إنه يعيبه بعض المواجهات الفرديه لكن كـ انسجام مع خط الدفاع يعتبر جيد جداً ,
اوفرات جميله جداً , طلوع للهجمة أكثر من ممتاز , مرواغ ذكي , بالاضافة إلى قدمه الناريه
يعطيك العافية أنوس وهذا الهدف أهداء لك ولكل عاشقين الصواريخ هنا
هدف ناري صح .؟
