للحين فيه أحد يطالب بكوزمين ؟.
ايام باكيتا وكوزمين وقبلها لازاروني ..
كان الفريق ان فازيفوز بفارق هدف ..
قدام الاتحاد او النصر او حتى قدام نجران والحزم..
ولا رجع للهلال هيبته الهجومية إلا مع قيريتس ..
انا اتكلم عن صورة وشخصية الفريق الهلالي ..
.
والخلخلة الدفاعية الي صارت في فترات بسيطة هالموسم كان في وقت عزيز مبعد عن الفريق
وكان الضغط كله ع رادوي .. ولا معه أي محور عليه القيمة .. بعد غياب عزيز ..
.
.
لكن عزيزي .. مو صح أبد انك تنسف تكتيك المدرب و ورجوع الوهج الهجومي للفريق لأن المدرب لقى عرض احترافي أغلى ..
ياعزيزي : قيريتس ما انقطع سره في الهلال ولا انولد في العريجا ..
جاء للزعيم بعرض قوي يسيل له اللعاب ..
وصرح كم مرة انه يحترم عقده مع الهلال لكنه لن يكمل لسنة ثالثة او على أقل تقدير لن يترك الفريق قبل نهاية البطولة الآسيوية
.
والمدرب بينك وبينه شرط جزائي ..
وشف آخر مفاوضات ليفربول مع مدربه بينيتز .. لفسخ العقد بين الطرفين .. على الشرط الجزائي لرغبة النادي في فسخه من طرفهم ..

هذا هو الاحتراف . الأهم أن كل جهة تحفظ حقوقها ..