^

رد الضربة اللي قبل الأخيرة خرافيـة

بس الواحد يبي يكره هالنقاط من هالزقاع

عقبال ما يصيح إن شاء الله أمام النول < واثق

صحيح ما عندي ثقة بالنول ان يبي يتعدّى ميلزر , لكن في حاجة ودي أقولها بعد ماشفت مقطع للنول في اليوتيوب بعد سيمي فاينل مدريد < مباراة الغبنة

نفسي أشوف نادال منغبن .. صحيح فرحت حيل على غبنته في قطر أمام دافي
لكن ذيك على ATP , يعني ما تسوى .. أبيها على ماسترز , وآآآآآه لو جات على جراند سلام ..

بمعنى ان في حال تأهل النول ونادال إلى السيمي فاينل , أبي النول يلعب أداء أقل من المعتاد ومع ذلك يتأهل إلى الفاينل
أبي نادال يحس بإحساس النول وألماجرو




أبي نادال يصرح في المؤتمر بعد المباراة وهو منغبن كذا - مثل النول في المقطع - و زود

صحيح رغبتي مستحييييلة .. لكن كلام في راسي وقلته

المهم نجي للبطولة

فاجأني صراحة جابشفيلي , وبرضو جنبري
أداؤهم خطير عن جدّ , بالذات الثاني .. يعني توقعت أحد شايب يزعط لكن مش جنبري

كان بإمكانهم يواصلون لكن قابلهم من هم أفضل منهم في مبارياتهم الأخيرة

بالنسبة لِـ آندي .. أخالف الجميع بالنسبة لأداءه السيء

أداءه بطل ويستحق الثناء عليه .. ما أتكلم عن مباراته الأخيرة , أتكلم عن أداء في جميع المباريات بشكل عام , ومقارنةً بمستوياته المعهودة في التراب ومستوياته في البطولات الأخيرة من بعد أستراليا , صحيح خسر نقاط في هالبطولة , لكن هذا مايعني ان أداءه كان سيء .. وهالبطولة تعتبر شطحة له على هالأداء المتميز

ألماجرو .. خرافي خرافي خرافي .. عنده كمية عناد خطيرة
ويارب خروج نادال على يده < حلم

فيدرير , فالفاينل ينتظره مع الأسف

أما النول , فكل همي من هالبطولة ان يحافظ ويكسب نقاط .. والحمد لله قدر يعملها

أداءه يضحك صراحة , جيد صحيح , لكن عليه بعض الأشيا اللي مدري , ماودي أفصل لكن بشكل عام دايم يكون الادء مابعد الغياب بهالشكل , تذكرت نالبانديا أول ماشفناه بعد الإصابة .. عن جدّ كان يضحك

على كلٍ , النول قادر على الإستمرار مادام ان يصحح عيوبه مباراة بعد الثانية بالذات بالنسبة للأخطاء المزدوجة وانخفاضها في المباراة الأخيرة , والدروت الخرافي اللي كان سيء فيه جداً من الموسم الماضي , وبرضو بالنسبة لإستمراره المذهل في تغطية الشبك اللي مالها نظير .

أحلى شيء في البطولة طلعوا معظم اللي أبيهم يطلعون
الفرنسيين + فيرداسكو + فيرير

وعقبال اللي ماقبل النول في التصنيف

بالتوفيق لِـ روبن + توماس